حل وكريمات للخطــوط والتمــددات والجفاف – حياكم مع مزيـــونه أحـلا

بسم الله الرحمن الرحيم

شلونكم حبايب قلبي شلونكم كويتيات

شلونكم خليجيات وعربيات شخباركم

كالعاده وعساكم دايم الدوم الدوم بسعاده

ما اجرب شي ويفيدني الا احب افيدكم فيه

ما راح اطول عليكم

اذا انتي حامل و خايفه تطلعلج الخطوط والتمددات مع الحامل لازم تهتمين بالترطيب

لان سبب الخطوط اهوا تمدد الجلد وجفافه

اذا اهملتي نفسج من الترطيب من داخل جسمج ومن بره راح تلاحظين ان جلدج مشدود وجاف والخطوط تبرز بسرعه

وهالخطوط راح تطلع بالبطن اسفل البطن والخواصر والاردافي وممكن تطلع على الصدر

اهم شي الترطيب من داخل ومن بره والي اقصد فيه من داخل بالتغذيه بشرب ماي كافي وشرب عصير البرتقال مفيد وااايد للجلد وجماله وترطيبه

والترطيب من بره لازم يكون يوميا مع السبوح اليومي و عندي هالثلاث منتجات راح تفيدج ان شاءالله وانتي حامل او انتي تبين مو حامل وتبين تعالج الجفاف اللي فيج او الخطوط

عقب سبوحج اليومي بحمام دافي نشفي جلدج

ودهني جسمج في هذا الزيت العجيب

Bio-OIL

دهني مكان الخطوط وغير مكان الخطوط اللي فيها جفاف دهني بطنج كله ودلكي صوب الخطوط والاماكن الجافه دهني صدرج وخواصرج والارداف وممكن تدهنين فيه جسمج كله هالزيت حلو وشوفي فوائده في النت

وبعدين لازم تسوين مساج خفيف عشان يتشرب عدل خصوصا مكان الخطوط ونطري اشوي لمن يتشرب الزيت في بشرتج ولبسي هدومج

اذا حسيتي ان خلاص جلدج شرب الزيت كله ولمستي جسمج مافي اثر للزيت يعني عقب ساعه او ساعتين او اكثر المهم خلال نفس اليوم وتكونين على نظافه يعني مو عرقانه وتوج راده من بره او شي وتحطين هالكريمين اللي بقول عنهم لا خلال اليوم عقب الشور بساعه ساعتين او اكثر بس على نظافه << تموت عالنظافه
يارب فهمتوني شنو اقصد ههههههههه

اخذي هالكريمين

الاول

VICHY
ANT-STRETCH
MARK CREAM
وهذا يخفف الخطوط والتمددات

والثاني
BIODERMA
Atoderm
هذا للبشره الجافه يرطب عدل ويلين الجلد ويخفف الخطوط

اخذي بايدج من الكريمين كميه متساويه تقريبا او زيدي من اللي تبينه و خلطيهم بايدج وتدهني فيه مكان الخطوط مثل البطن والارداف والفخوذ والخواصر ودلكي عدل

وبس

وتبتدين تدهنين وتهتمين اذا انتي حامل من الشهر الثالث او الرابع يعني اقصد تهتمين بالوقايه من ظهور الخطوط وتخفيفها

وراح تخف الخطوط ان شاءالله وتقللين من ظهورها و تلينين وترطبين جلدج وتستفيدين باذن الله

والحلوه الاموره العيزانه اللي تقول ويييه مزيونه فراغه اتدهن مرتين وخلط كريمات وحوسه

تعالي تعالي مالج خلق تدهنين ولا ترطبين باليوم مرتين تكفين تدهني عقب السبوح على الاقل ببيو اويل الزيت الاول تكفين الله يخليج عشان ما تنصدمين بعدين بالخطوط

و لا تنسون في شي اسمه عامل وراثه
وفي بشره عن بشره تفرق

واللي تقول ويه هالكريمات ما تفيد جان هالكريمات مالقيتها تخلص من الصيدليات و جان شركات هالكريمات وقفوا

اهتمي وبتشوفين نتيجع تعجبج واستمري ولا تيننوني مثل وحده انصحتها بكريم حق شغله معينه تقول ويه استخدمت الكريم مامنه فايده قلت لها صج خلص قالت لا كاهو متروس عيل شلون مامنه فايده بالنظر السالفه يعني تقول استخدمته مرتين عفيييييه عليج حبوبه

المهم

و لو استخدمتي هالترطيب وطلعت خطوط ثقي تماما ان لو مو مهتمه ومرطبه جلدج جان طلعت اكثر

و تشجعوا وتحمسوا وجربوا الطريقه رااااح تعجبكم

جربوا الطريقه كحل للمشكله و كوقايه بعد

و اي استفسار حااضر من عيونـــ@@ـــي

ومع تحياتي ياحياتي

مزيونه وشقره

مشكوره وجزاج خير انا من السهر الثالث وانا اتدهن

حبايب قلبي نورتوا موضوعي

حبيبتي جربي طريقتي قبل لا تطلع الخطوط وتقريبا تطلع من الشهر الرابع يعن يمن يكبر البطن ويتوسع الجلد

و اتمنى الفايده لكم

جزاج الله خير

انا اتدهن مرتين باليوم ومرات ثلاث بكريم بالمرز بسٍ ماكو فايده طلعولي خطوط تحت سرتي حمر الله يعين بجرب بيو اويل واشوف معني احس انا بشرتي لو ادهن بيطلعون مافي مفر

مشكووووورة حبيبتي
والله قبل كنت لااعرف الخطوط ولا غيره
بعد ولادتي صاروا فيني هم مو وايد بس مظايقيني
بجرب الزيت لأن وايد اجوف مدح عليه

مشكوره حبيبتي

بعد عمــــري مزيوووووونة ماتقصرين عالموضوووووع وان شاء الله البنات يجربووووونة وتكون النتايج حلوووووووووة

مشكوره مزيونه

العفو حبايب قلبي تستاهلون كل خير

و ان شاءالله الكل يستفيد

مافي على زيت اللوز كنت أتدهن فيه كل يوم صبح وليل ومرات الظهر بعد

وع فكره حتى الفخور والأرداف والساق من ورأ يطلع فيهم خطوط يعني مب تركزون على البطن وتنسون الباقي

انااتدهن بالمزر و زيت الزيتون

زيت اللوز حلو بعد مشكوووره حبيبتي

وحياكم الله فديتكم

انا كنت استخدم نيفيا و بالمرز يوميا اخلي بنتي تدهن لي من كثر ما متعايزة هههههههههه و الحمد الله ما طلعت لي خطوط الا خفييييييف جدا ومو واضحة