حليب عيالي سيميلاك وذبحتني الرغوة بالحليب والغازات :(

سلام عليكم يابنات

انا توني والدة وليلحين بالنفاس

ويبت توأم بنت وولد الله يحفظهم

بالمستشفى عطوني لهم حليب سيميلاك

حق الولد سيميلاك نيوشور لأن وزنة كلش قليل

والبنت سيميلاك عادي

بس المصيبه إن لما أسويلهم الحليب بالبيت انا تلوع جبدي من كثرة الرغوة الموجودة بالمميه كأنها صابون

ومساكين الغازات تلعب فيهم لعب ويتلوون طول الليل

طبعا إذا فيني حليب أسحبه لهم والا أرضعهم بس صعب إن طول الوقت أقعد أرضعهم

فأبي أغير نوع الحليب الخايس هذا

شنو تنصحوني ؟؟؟؟؟؟؟؟؟؟؟؟؟؟؟؟؟؟؟

أبي حليب فيه أقل كمية من الرغوة ؟؟

قالولي عن وايد أنواع حليب بس احترت بينهم

مادري آخذ بيبيلاك ؟؟

والا نوفولاك ؟؟؟

والا أبتاميل ؟؟؟

شتنصحوني يابنات ؟؟؟؟؟؟؟؟؟؟؟؟؟

والا إس 26 ؟؟؟؟؟؟؟؟؟

مسكين ولدي نتتتتتتتتتفه وقاعد يطلع غازات كل فلته أكبر من الثانيه

بس بنتي حبيبتي تستحي تفلت .. بنوته ذربة لووووووووووووول

بس تتلوى وتصرخ وتبجي

أبي كل وحدة ونصيحتها بليييييييز

لأن التوأم إذا بجوا مع بعض وااااااااااااااا ويلااااه من فراق النوم وااااااااااااااااا ويلااااااااااااه

نوفلاااااااااااااااااك ..

سيميلاك يلوع الجبد كله رغووه جنه صاابون .. والياهل يبجي من بطنه ..

لا لا مو شي كلش ويسوي امساااك حق الياهل …

انا اول شي سيميلاك ولعب بولدي لعب واس 26 امساااك فضيع
ونوفولااك للمغص لايعلى عليه وبتلاحضين الفرق من اول يوم والله يخيلهم لج

احسن شى ابتاميل كلش مافيه رغوة عجيب

اول شي حمدالله عالسلامه و مبروك ما ياج
حبيبتي انا مثلج توني مخلصه من النفاس و ولدي ان مثل عيالج
السيميلاك كلششششششششش مو زييين
انا انصحج بحليب Nan H 1 هذا ريح ولدي و قام يناام و اهو مرتاح
و اذا عيالج يرجعون (تكرمين) عليج بحليب Novolac AR1
بس يكون احسن اذا قلتي حق الطبيب
انشالله اكون افدتج

انا بنوتي سميلاك واايد زينه لها وانا اشوفه واايد زين صج رغوه بس مرتاحه عليها

ابتاميل روووعه

اس 26 حق الاسهال الدكتور قاللي في موضوع لي اهني جيكي عليه عن الام الغازات بيفيدج

حمدالله عالسلامة..
ابتعدي عن السيميلاك كلة غازات ماارتحت منه الا لما غيرته لبروجرس اس 26 روعة ..

مبرروك ماياج

والله يعينج على الصراخ وسلمي على النووووووووووووووووووووووم

اول شي خلي احد يبلج من المستوصف ماي غريب عطيهم 3 مرات باليوم انا لحد ماصار عمره 3 شهور

ونصيحه عطيهم ينسون ومع سكر نبات رضعه باليوم وايد زين للبطن

للمغص

انا قالو لي حطيه بالمطاره مالت الماي وحطيته صرراحه

شفتي قفشه الحوس اول بدايتها حطيت كمون وحبه حلوه وينسون وايد وايد زين بس قطعت وتلخبط ولدي

والمغص عاده بعد 3 اشهور يروح بالمره

انا جربت نان ترررجيع مو طبيعي لدررجه يوصل لحد ورا

ونوفيلاك امساك

ورديت ع السميلاك يقولون اهو يكبر البيبي وسوري طولت

بس ابي افيدج بالي اعررف

مبروووك والله يحفظهم لج ..

انا جربت اس 26صراااااااحه فضيييييييييع وبنتي ماعاااانت من الغازات الحمدالله كللللش ..
بس ترى انا من كنت بالاربعين كنت يوميا اعطي بنتي اعشاب وينسون رقمين مع سكر نبات وتريح عيالج من الغازات جربيها نصيحه وشوفي شلون يتغير الوضع عندج …

واااااااااااي سمييييلا يخررررررررع الغازات اكثر من الحلييييييييييب رغوووه موطبيعيه ..
جربي اس 26وانشالله يناسبهم ..

مبروك حبيبتي و الله يحميهم يارب

شوفي حبيبتي انا لما كنت استخدم السيميلاك لاحظت الرغوة الكثيرة فصرت اقلب الحليب بالمعلقة ( تعرفين الملاعق الطويلة و ضعيفة و من فوق صغيرة يعني مثل ملعقة السكر بس طويلة و ضعيفة ) و ليس برج الممية و كانت اوكي و ما بيطلع غازات

اما بالنسبة للحليب ابتاميل كومفورت كتير حلو و مريح للاطفال

الله يوفقك يارب و الله يخليلك اياهم آمين

انا نفس خالتج صرفلي المستشفى سميلاك وتعبت ولدي الغازات وبعدين غيرتلي دكتورة عفاف الرومي الحليب صرت استخدم نوفلاك اخذي النوع اللي للمغص وايد زين …..

حبيبتي كل طفل تختلف طبيعته عن الثاني – يعني الحليب اللي يناسب بنتي مو بالضرورة يناسب عيالج

بنتي الحين تاخذ سيميلاك والحمدلله ماشي معاها واذا شفتها ممغوصة عطيتها شوية مرقدوش او حبة حلوة

بعدين افيدج بشي : مكونات حليب الأطفال وحده حسب منظمة الصحة الهالمية بس اللي يفرق النكهه.

الف مبروك وتربون التربيه الصالحه ان شاء الله
اختي العزيزه مثل ما قالولج بعض المشاركات ان لابد ان تكون هناك رضعة ينسونمع سكر النبات ورضعه عصير مخفف مع ماءوسكر النبات(عصير العرموط المخفف)وكذالك ان تنقعى تمره مع ماء ساخن وتصفينها وتوضع بالمميه وتكون وحبه بدل الحليب
كل ما سبق وقلته لج يجب ان تكون وجبة حليب وبعد ساعتين اوثلاث ساعات احدى الوجبات السابق ذكرها
االله يعينج

نوفيلااااااااااااك
عجيييب
ومبروك ما ياج حبيبتي