حلوا لي مشكلة الاكل والنوم عند ولدي

بنات انا خلااااص بستين من ولدي بمرض بسببته
اهو عمره 6 اشهر متعود ينام 9 يقعد 7 الصبح وطبعا الفترة الي اهو نايم فيها لازم يفز من نرمته كل ساعه او ساعتين
الحين صار لها اسبوع ينام 1 بالليل برنامجه اخترب للنوم و بنات ااااه ينام 1 يقعد 2
يقعد يبي حليب او ساعات يقعد بس جذي اعطيه مصاصة يرد ينام
كل ساعة يقعد صار لي اسبوع مب راقدة بنات
وحتى واهو ينام 1 بالليل تلقونه 9 الصبح قاعد
يعني مثال امس رقد 1 اوكي 2:30 قعد عطيته حليب بما انه كان شارب حليب 12 المهم شرب ونام
قعد 3:30 وعقب قعد 5 وعقب 6:30 وعقب 8:30 خلاص قعد وشبعان رقاد
تلقونه بعد ساعة يصيييح يبي ينام هاي سالفته كل يوم
والاكل ماياكل ولااااااشي جزبت له كلشي ماياز له الا السيريلاك و زبادي فراولة خاى صرت ايوعه 5 ساعات واكثر واعطيه عيش ويرجعه

شاسويييييييي حق ينام عدل وانا انام! بموت من التعب

اذا ترضعينه صناعي جربي تحطينله بآخر رضعه اللي هي قبل النوم سيرلاك ولا فارليز مع الحليب ..هذي الرضعه ان شاءالله بتشبعه وتخليه ينام

ااااب

أحس مشكلته مو جوع عناد بس

الله يخليه حقج
بس العمر هذا متقلب الأطباع فا بعد مايصير عمره سنه وست شهور راح يتعدل وتعرفين أطباعه صدقيني

جربت كل الي قلتوه
تخيلو امس راقد ١١ وقعد ١ وعقب ١:٣٠ وعقب ٣:٣٠ وعقب ٤؛٣٠ وعقب ٦
وانا صار لي ٤ ايام مب راقدة

لاحبيبتي طولي بالج توه بيبي انا شرايج عندي واحد عمره سنتين لي الحين نومه جذي
والعيش يمكن ثقيل عليه شوي شوي عطيه جم قفشه بس مو لازم يشبع لما تتعود معدته
وحطيله معاه شي بطاط ملح مو عيش ماصخ
والله يهديهم ويتعدل نومهم صح تعب بس ياحيل الله

امي تسلم عليج وتقولج قبل النومه بجم ساعه لعبيه وفري مخه
وسبحيه عشان يدوخ وينام تقول قبل عيالنا جذي وينامون وقبل لايقعد انتي كل ساعتين ثلاث شربيه حليب وحطي معاه شوي سيريلاك
امي تقول عيالكم ينانوه ماعمر شفت مثلهم
طافره من ولدي ونومه ههههههه

بنتي تقريبا كانت جذي كنت اتعب حتى ضعفت

شكثر تفز بس من كملت ٩ شهور شووي اهون

نطري تتعدل شوي شوي مسأله صبر صبري بس

نونو لووووول

قمت الحين اعطيه رضعة بسيريلاك وريوق سيريلاك والعصر زبادي والليل سيريلاك
لين الله يهديه وياكل

ولدج كبر ولدي

قبل كان ينام 8 ساعات هالفتره قاعد يقوم بااليل

الحل اللي اتبعته انه ينام مشربته عدل واذا قعدمصاص مرات يكون هدومه مدمرهم فيتضايق سيدا ابدله واكون مزهبه رضعتهوادعسها بحلجه ويكمل نومته

ماينام عقب الساعه 7 يعني الساعه 7 قاعد وماينام عقب هالوقت

بالنسبه للاكل يبيلها طوله بال بالاول مو متعود فكان يصرخ مايبي لازم تحاولين

اكتشفت مايحب الكوسا فقمت ما احطها له عنده وجبتين غدا وسناك فواكهه

السيرلاك معظم الاطفال يحبونه بس انا ما افضله للياهل يحتاج بهالوقت خضار وفواكهه اكثر

سناك الفواكهه اسوي خلطه بين فاكهتين مثلا برتقال وتفاح

الليل طال عليه

وولدج يمكن مريض او شي تاعبه

ومعروف ترى كل فترة يتخربط عليه النوم

انتي لاتضغطين عليه وورى المغرب لاتنومينه عان ينام بليل مره وحده

وترى طبيبعي اللي بالاشهر يصير مرات مايرضع وولاينام