حلف على القران واخر شي0000

قوة بنات بكتبلكم سلفتي مع الحقير زوجي

انا لي 5سنوات زواج كان عمري18صغيرة مو عارفه شي بهالدنيا
واجهت بالبدايه مشاكل انه يغازل ويكلم بنات بالنت والتلفون بعدين صارت سوالف وصلت للطلاق واخر شي حلف على القران انه مايرجع للامور هذا وانه خلاص كبر وكبرت مسؤلياته وعيال ولوصه وهذيك امور طيش وانتها منها (هذا كلامه لي)
صج كان فيه طشااااار مرات بسوق واالا اي مكان بس اعطيته الثقه انه حلف على القران واخر شي؟؟ فتحت ايميله بالصدفه من زمان مافتحته لانه سوا لي ايميل وصار ماعاد يهمني المهم ليت بالبريد الوارد رسايل قبول صداقه من منتدى من المنتديات رحت على المنتدى وسجلت فيه ودخلت على ملفه الخاص والا لقيته يكلم بنات
المهم حاول ادخل ايميله واسترجع الرقم السري ورجعته ودخلت على ملفه الخاص والا يكلم وحده وحديث وااااااجد والاتقوله انا بروم كويت سته ادخل مافهمت شنو هذا
المهم ابي استشارتكم واهو الحين راد من السفر اواجهه بالسالفه والا انتظر والا شسوي قلبي وناااااااااااااااار والله يابنات من امس مو نايمه حرق قلبي الله يحرق قلبه عاد مو ناقصني شي وكل شي قاعد اوفره له وبالاخير يدخل مدونة ويكلم والمصيبه كان حالف لي على القران ولا ومايشبك الا لمايكون بدوامه الصبح للعصر واذا دقيت عليه يقولي عندي شغل يصرفني
ادري طولتها بس الحين ابي حل شنو اسوي خبرتكم يامتزوجاااااااااااااااات:eh_s(1) :

يا بنت حسب طبيعة الكلام
هل هو مغازل وتعارف
والا سؤال يخص المنتدى او موضوع بالمنتدى حسب

مو التنبيش يفتح لك ابواب مسكره

وشكلك من النوع اللي يبان عليج فماراح تقدري تخبي اكثر واجهيه وتكلمي معاه بحكمه وهدوء

وبعدين مو كل من حلف على القراّن صدق في ناس لادمه ولا ضمير

لاتكلمينه بشئ ابد
وتقربي منه اكثر ولهيه عن غيرج

حبيبتي انا رايي لا تواجهينه
لانه راح يزيد و ما راح يهتم اذا دريتي
بس قطي نغزااات كل وحده اكبر من الثانية احسن
الله يسخر قلبه لج ياارب

يبووووي قالت حلف ع القراان..
استغفر الله اللي جذيه ذمتهم وسييعه..
انا اقوول بما انج صاارحتيه اول مره ومانفع ~>صدقيني حتى لو صارحتيه هالمره ماراح ينفع وياااه..
بس انا اقووول شرايج تسجليين بنفس منتداه ع ابو انج بنت..
وتسوين لج ايميل وتضيفينه..وتلعبين عليه..
وتخليينه يحبج وساعتها تصارحينه انج زووجته..
بس الساالفه يبيلها وقت وذكاء وطوله بال وصبررررر…
ويبيلهاقلب بااارد (لانج توقعي اي شي من زووجج)
والله يهديه وكل الرياييل

الله يعينج حبيبتي

روم كويت سته يعني ب جات محادثه تبيه يدخل عندها عالمحادثه

و تواجهينه ولا لا مادري بس انا احس لو انحط بهالموقف ما راح اتحمل اسكت

قوليله فلان انت تدري شنو يعني الواحد يحلف بربه جذب ولا لا؟؟؟ و تدري شنو يعني يحلف عالقران جذب ولا لا؟؟؟ و بس سكتي و اهوا بيقعد يقول ليش و ماليش و فكره توديه و فكره تييبه عقب بدش الايميل و يمسح كل شي احتياط

فانتي طبعي الكلام و الايميلات ولا دزيهم على ايميلج عشان لي بغيتي تواجهينه و اهوا قام و مسح كل شي الا انتي عندج الدليل عشان ما يقلبها على راسج

الله يعينك ويفرجها عليك يارب

التنبيش مايجيب الا عوار الراس انا مالججه ونبشت الله لايعودها من تنبيشه في بروفايله بالمسن
والقاء بنات بس شسوي ماصارحته لاني عارفه الرد سوالف طيش ويحلف والذمه وسيعه !!
قلت خليني اتغفل نفسي ووسوي نفسك مادريت !!
بعدين بوطبيع مايجوز عن طبعه
الله يهديهم

صح كلام كيكه ..
لا تواجهينه ، لان يعرف مابتهدينه وعندكم عيال
يعني علقي قلب ريلج في البنت اللي اهي انتي ..

والله يهديه ويعلق قلبه فيج

الله يهديه لا توجهينه الحين
صبري شووي

الله يعينج هالشي اكيد يحر بس فكري فيها عدل انتي كلمتي قبل وشنو كانت النتيجه حلف ومرده رجع لخماله

فانج تكلمينه فاتي خسرانه 100% انا اقول انشاءالله انه السالفه مجرد حجي بالنت مو تيلفون ولا طلعات لانه

النت علاقه مو جديه فما منها خوف انشاءالله الكل يدخل بنكات الهدف منها المعازل وقلت الحيا فما في شي

فعلي يهدد الزواج اما لو تيلفون ولا طلعات فهاذي اخطر وفيها بوق رياييل شكله ريلج بعده مراهق ومع الوقت

يكبر ومثل ما قلت لج طالما مو مقصر بفراشه وبيته معناته مرحله عابره وتعدي انشالله

استغفــــر الله يحلف جذب

انا اقول سوي مثل ماقالت الاخت G!RLooNa
الايميلات انسخيهم عنـدج (( دليل ))
وتقوليله ولا لا مممممم
انا من رأي لاتقولـــــين طرشيله ع الايميل عن عذاب الاخره وحكم الي يحلف على القرأن جذب كثري من هالسوالف خرعيه
وهو راح يعرف انج عرفــــتي
والله يهديه ويسخره لج ..

مشكورات لنكم عبرتوني
اخت كيكه انا الحين قلت بسوي جذي وبصبر معاه اسبوع واشوف اخرتها شنو يصير