|
|
بسم الله الرحمن الرحيــــم ،،
الحمدلله حمداً كثيراُ ،،، طاهراُ،،طيباً،،، نقياً،،، على نعمة الذرية ..
واللهم ارزق كل محرومة ،، الولد الصالح ،، واسعدها مع زوجها يا رب العالمين ..
آمـــيـــن ،،،
======================
يا كويتيات يا حلوات ،، ابي فزعتكم ،،، سواء كنتم امهات أو حوامل بتوأم …
انا بكر ،، وفيني ولله الحمد توأم // والصراحة ماعندي اي خلفية بكيفية العناية بالمواليد ..
وخايفة حيــل من المسؤولية ومادري اشلون راح اهتم في التوأم .. 
وكله أحس اني متضايقة كل ما افكر بموعد ولادتي ..
باختصار … انا أعيش حالة نفسية صعبة ،، كلها تفكير ووساويس .
=======================
فــ ،، حابة أعرف للي عندهم خبرة،، اشلون عناية التوأم خلال فترة الأربعين ،،
وشنو المشاكل اللي ممكن تصادفني معاهم … عشان اتهيأ نفسياً …
وشنو طريقتج معاهم … تقسيم وقتج …؟
ينامون مع بعض؟؟ ولا كل واحد بسرير أحسن …؟؟
ترضعينهم طبيعي …؟؟ ولا تنصحين بالصناعي..؟؟
وهل احتاج " سستر الممرضة اللي تطلنيها من المراكز الطبية" الللي تقعد عندج 12 ساعة ..؟
اعرف حريم عندهم توأم طلبوها …؟ ولا مولازم؟
======================
وعقب ماطلعتي من الأربعين ،،، اشلون الحياة الزوجية؟؟
البطن شصار عليه…؟ رد نفس أول؟ ولا يلوع الجبد شكله؟؟
الصدر …؟؟ انا الحلمة عندي كبيييرة وسووودة ..؟؟ ليش جذيه
حلماتي كااانوووو صغااار ونفس لون جلدي وفاتحين حيل …؟
شساااالفة؟؟؟ يردون طبيعي بعد الولادة؟؟ ومتى بالضبط …؟
لأن شكلهم يخوفني الصراااااحة ماحب اشووووفهم !!!
و توأمج ينامون معاكم ولا غرفة بروووح ….؟
وصج التوأم دايمن صحتهم مو زينة وكله يمرضون …؟ انا خايفة
وصج يكونون ضعاف ويكسرون الخاطر.. ؟؟
ولا ممكن يسمنون ويصيرون متختنين واشكالهم تشوق …؟
بليز شنو طريقة بالاهتمام فيهم … بالتفصيل…
ابي كل هالمسائل يكون لها اجابات وافية … عشان اناااااام مرتاااحة ولو يوم واااااحد
===================
ومشكووووورين على المرور .. واللي ترد اللله يرزقها ان شاء الله ،، علم نافع ورزق واسع ،،
=================
بس الحين مااا اقدر ارد عليج بالتفصيل <<<< قفلت بتنام
باذن الله لى رجعه للموضوع
وان شاء الله نتفاعل باجر … لان الوقت متأخر الحين
راح اجاوبج كثر ما اقدر لانه حاسه فيج كنت نفسج مصدومه و متوتره و احاتي لي درجه قمت ابجي شلون بربي توأم
بالنسبه لي انا بتكلم عن تجارب الي مريته ويمكن تختلف من وحده لي وحده فيعني لا تحطيني انا مقياس بس يمكن في اشيا مشتركه و راح يبين مع الردود
بالاربعين وحده من بناتي كانت بجايه وثانيه تكسر الخاطر ساعات انساها ههههه وما اقولج تعب امبلا تعب وسهر بس اذا احد يساعدج يكون احسن
يعني انا امي كانت تاخذ وحده طبعا الهاديه ههههه وانا اخذ البجايه قلت لازم اروضها لما تصير اليفه
ومن المشاكل وحده من بناتي كانت فجاه تغص و تشرق بالحليب و يها يصير ازرق و تتشنج
كنت اركض فيها حق ابوي جني مينونه و وديناها الطبيب قالي الدكتورة لانه نتفه وصغير ما تعرف ترضع حتى لو طبيعي تشرق
خلوها تشرب حليب عن طريف انبوب من خشمها واااااي حبيبتي شكلها يكسر الخاطر
ومشاكل الثانيه العاديه الغازات والامساك و لانه ولادتي حزه الجو صفر انتشلووو وتاذيت لانه حرام ما يشربون حليب عدل من خشمهم المصكر
وبالنسبة حق تقسيم الوقت انام على نومتهم كثر ما اقدر و طبعا صعب اذا كان رضع تتحكمين بوقت نومهم يعني عادي وحده تقعد لج طول الليل والثانية نايمه يسوون لج شفتات ههههه بس انا خلاص قفلت وانهرت اعطي وحده حق الخدامه او ريلي وانام
و كنت احطهم بسرير واحد لانه سبحان الله يرتاحون لما ينامون يم بعض وهذا كلام دكاتره لما صارو اربع اشهر فصلتهم لانه اسمالله عليهم قامو يقلبون
وبالنسبه حق الرضاعه ترا صعب ترضعين طبيعي انا رضعت كثر ما اقدر بس لي اربع اشهر و قطعتهم استغفرلله حتى مرات انسى اغطي صدري اقول اكيد الثانيه الحين تبي ترضع حسيت اني بقرة الحلوووب هههههههه
والله بالنسبة حق الممرضه على حسب ظروفج اذا ما عندج احد يساعد امج او خالتج او خدامه زينه او اذا كانو صغار كلش وخدج ويبي لهم عنايه خاصه انا اعرف الي تطلب ممرضه غالبا علشان هالسبب
انا ياتني ممرضه يدتي كانت تدهنهم على بطنهم اطلع الغازات وتروح الامساك كانت صج شاطره وتريحهم
عقب الاربعين
اممممممممم حياة الزوجيه فووووووق تحت ههههههه يعني لما رجعت شقتي ريلي كان متوتر اكثر مني وشي طبيعي بالبدايه صعب تتاقلمين
بس بعدين لما تتعودين خصوصا شوي لما يكبرون وينتظم نومهم عادي ترجع حياتي طبيعيه واحلى بعد لا تحاتين يعني لا تتوقعين الاسوأ ولا الاحسن
بالنسبه حق البطن انا والده قيصري ومن قبل طبيعي الصراحه فرق الطبيعي بطنج بسرعه يرجع اما القيصري لا يبي له فترة وعاد انتي واهتمامج لازم تربطين بطنج اذا طبيعي من ثالث يوم واذا قيصري عقب عشر ايام ولا تاكلين وتكثرين اشيا الي تتفخ البطن و شربي كمون ونعناع زين يطلع الغازات ويخفف وشاي اخضر ونعناع بعد كل وجبه بنص ساعه
وطبعا بالنسبه حق السواد اشتغلي على نفسج بالخلطات قبل الاربعين و ان شالله يخف تدريجيا
الصدر اكيد يتغير مع الحمال والولادة سواء حامل بتوام ولا واحد
توامي لي سنة ونص معاي بالغرفه لانه كنت اتعب كالساعه اقوم من فراشي واطلع لهم لي غرفه الثانيه فكنت انومهم معاي اريح لي
وبالنسبه حق صحتهم لا حبيبتي مو دايما اذا حتى لو ولادة مبكره يمكن فترة معينه وبعدين يكبرون عادي حالهم حال اي طفل طبيعي
انا اعرف وحده ولدت نهايه السادس بس اول سنتين الي تعبو بس الحمدالله الحين اهم برابعه ابتدائي واطول من الي بعمرهم واذكيا وشطار الله يحفظهم
انا بناتي كانو نتفه يخرعووون جنهم ديايه وصج خفت يطلعون كلش ضعاف بس الحمدالله صحتهم احسن من اخوهم بعد
ان شالله اكون جاوبت على جميع اسئلتج واذا عندج بعد استفسار حياج الله سالي وانا بكل وساعه صدر اجاوبج حتى لو بالخاص وارد عليج اهني علشان الكل يستفيد
و لا تحاتين حبيبتي بالعكس التوام حلوين صج تعب بس حلوين وخصوصا اذا بجر راح يكون عندج خبره احسن من بيبي واحد هههه علشان اذا يبتي البيبي الثالث ما تنصدمين من الوضع يصير عادي عندج
بتجمعات حوامل كويتيات
ويعينج على رباهم اهو الواحد يتعب اكيد اثنين راح تحسين بتعب بس تعبهم حلو والشي راح تحسين فيه لان شعور الامومه غالب على التعب
ومن يكبرون شوي راح تتعودين عليهم وتتاقلمين عالوضع وتعرفين لهم وكل ام لها طريقه وكل عيال غير عن بعض فلا تاخذين من حجي الناس
انا امي يابت توأم بنات وانا كنت كبيره صج شفت امي تتعب بس الحمدلله كنت اساعدها بس كبرو شوي صارو يونسون واخليهم ثنتينهم عندي واخلي امي تنام وترتاح
ياربي يسهل ولادتج وحملج ان شالله
كفيتي ووفيتي .. بس صج مسوؤلية ا من العيار الثقيل خصوصاً بالأربعين لأنهم يطلعوووون صغار و نتف … تخافين عليهم …
وفترة النفاس برووحها هم و غم و حووووسه و ناس داخلة وناس طالعة … الله يعين بس ..
وصح كلامج دايمن رضاعة التوأم على حسب ماقريت بمواقع ثانية صعبة انج تنسقينها .. و الطبيعي متعب جداً .. ولازم يقولون تغشينهم بصناعي بجم رضعة
الله لا يحرمج أجر حملهم و تربيتهم .. وان شاء الله يكونون من الذرية الصالحة اللي تبرد جبدج )
مشكووورة ياحياتي ..
|
المشاركة الأصلية كتبت بواسطة روعه الأحساس
 يارب ترزقني بتوأم تكفون إدعولي بظهر الغيب
|
اللهم آمين .. الله سبحان الله اللي يعطي واللي يمنع ..
التزمي بالدعاء والاستغفار .. واحسني الظن بالله تعالى …
واللله ان شاء الله ماراح يخيب ظنج ..
ان شالله تقومين بالسلامة وادعي لنا بالحمل
ان شالله تقومين بالسلامة وادعي لنا بالحمل
ويخليهم لج يارب وتفرحين فيهم
اول شي انا ماعندي توائم امنيتي بس الله متى ماكتب لي الحمدلله
بالنسبه لتجارب ناس قراب لي
بنفاسها جابت ممرضه من الغانم اليوم ب 10 تقعد ياطويله العمر عندج شفت كامل
اما من 7 الصبح الى 7 بالليل
او 7 بالليل الى 7 الصبح
يعني انتي وقت وهي وقت
امانه ونظافه وعنايه
اما الصحه والعافيه على حسب اعرف توائم اسم الله عليهم ربي حافظهم ماحتاجوا شيشه
وفي توائم احتاجو وحولوهم صباح رعايه الخدج لانه اقوى شي
ماقص عليج البطن ماساااااااااااااااااااااااااااااااااااه
والله ضاق خلقها كلش كلش كلش
وراحت الحين سوت شفط
وفي ناس لا بالرياضه والكروسيه بعد 6 اشهر
وبالنسبه للنفاس تعاوني انتي وخواتج وامج
اما ان رديتي البيت لج حلين
اما انتي تمسكين وقت وترتاحين وتخلين الخادمه تشرف لكن بنظرج جدام عينج
او انه انتي وزوجج مع ان الرجال ناااااااااادر مايساعدون بالموضوع لانه مايعرفون
بالنسبه للاكل والعنايه خلي كله مع بعض والنوم ان نظمتي بيصيرون مع بعض
التنظيم بس يبي لج صببببببببر
يعني انا ولدي اسم الله عليه على مانظمت نومه صار شهرين واستخفيت
وهذا اللى اعرفه حبيبتي
لانه احب اسأل عن التوائم وربي يرزقني يارب
وديري بالج على نفسج حبيبتي
العين حق لاتبلغين الحين خلي يثبتون احسن
وبعدين بلغوا ان حابه بس المقربين