حطي نفسج بهالموقف وعطيني رايج

لو زوجج عنده ايميل من قبل لا يتزوجج وانتي عارفه بس يقولج ماعطيج الباسوورد لو شنو ويمنعج انج تسويلج ايميل خاص فيج شنو بيكون موقفج وشلون تتعاملين معاه؟ مع العلم ان مايفتح الايميل جدامج بس يقولج ربعي يطرشون شغلات ومابيج تعرفينها..ما الحل؟؟

عنده ايميل قبل لا يتزوج وتالي تزوج وماعطاني باسورده عادي كيفه براحته ماسوي مشكله من ولا شي دامه موراضي يسلم راسه والشي الغصب مابيه اذا ماياني من طيب نفس

وبالنسبه للاميل اذا انا مثلا عندي تجاره وبراسل بره اقول له انت سويلي الايميل وباسوردي عندك وخل يتطمش علي ايميلاتي مافيها شي عادي واخليه ذراعي اليمين بس اذا ماعندي شي يلزمني اسوي هاالايميل ماايحتاي اسوي شي يخرب علاقتي بريلي بوعيالي

والريال يطرشوله ربعه شغلات لوهي زينه جان خلاني اشئوفها بس اكيد شي موزين اهني العب دوري بالدين والنصيحه واخلق له القصص اللي تبين له الخيانات الزوجيه وتأثيرها علي الزوجين بالايميلات يعني اصير له نصووحه واقط نغزاتي بطريقه غير مباشره انبهه اذا عنده شي موزين يقطعه ابروحه ويرجع لي واذا بينه وبين ربعه بس ايميلات شباب وكلام فاضي مثل سيايير السباقات الحداق والطراريد وكمال الاجسام يعني اهتماماتهم بشكل عام

مالي شغل فيه ولا بايميلاته اهم شي بيتي وراحتي وراحة ريلي دام مومقصر معاي بشي ليش ادور الطلايب

عااااادي كلهم جذي أول الزواج بس بعدين يطخون لا تحاتين
ادعيله الله يهديه ويصلحه

كيفه حبيبتي الشي اذا مايه بطيب منه مو حلو خليه على راحته ولاتسويلج مشكلة من ولا شي

انتي اخذيه بالحجي

ومو لازم تسوين ايميل مدام مايبي
لاتسوين سالفه من ولا شي

وسالفة ايميله خليه مرده بيمل ترا

والله يهديه ويسخره لج

مشكلة ماراح تغيرينة الا لما اهو يتغير من نفسة مالج شغل فية بس نغزية بكلام الدين والعقاب من رب لا ينسى وادعيلة

ايميله اذا موراضي يعطيني الباسوورد عادي براحته وبالنسبه لج حاولي تفهمينه انج بتشبكين
مع رفيجاتج وبهدوء وصدقيني بيطخ

شوفي حبيبتي انا اخذت هالكلمه من خالتي

تقولي : اذا الرجال عنده سوال وخرابيط الله يكشفه يكشفه لو بعد حين

انتي طنشيه واذا في عنده شي راح يطلع يطلع

وعن تجربه لاتنبشين وراه يجي يوم ينكشف قدامج من ربج يكشفه

انتي لا تشيلين هم

لاازم يكون للواحد خصوصيات اذا مو راضي يعطيج من حقه
بس مادري شتبين فيه
ياحبكم يامتزوجات للمشاكل افرضي عرفتيه وفتحتيه ولقيتي بنات وهدمتي بيتج شنو تسوا عليج
عيشي على النيه واهم شي تعامله معااج واذا عن ايميلج بالمساحل بيرضى
بس انتي خلي للرجال خصوصيته وخليج ثقيله ولااتبينين غيرتج
وموفقه

عادي راح اقوله عندي ايميل وبخليه ينبش فيه عادي

واذا هو مايبي يعطيني باسوورده عادي كل شخص له خصوصيات

وخلي الامر عادي عندج تيك ات ايزي

خصوصيات هذي ! مو لازم تعرفين كل شي عن ريلج

انا ماعرف باسوورد زوجي و زوجي مايعرف باسووردي

هذا مو معناه ان زوجي عنده خرابيط ,,, و مومعناه ان انا عندي خرابيط

اححنا الاثنين عندنا خصوووووصيه لازم نحترمها

تركي عنج الشــــــــــك لانه يذبـــــــــــــح صاحبه

اتمنى انج فاهمتني

ليش إدخلين روحج بمشاكل وانتي توج متزوجة

ويقولج اللي بالجدر يطلعه الملاااس واذا كان يلعب بذيله "الله لايقوله" ربج بيكشفه انتي بس ادعي ربج انه الله يسخره لج ويخليكم لبعض

وصفي النية معه ريلج يمكن صاج انه سوالف ربعه ..ومايبيج تسوين ايميل لنه يغااار عليـج ..

صح كلامها

نفس الي بقوله

يا قلبي كيفه خليه على راحته والله وبالله الكريم مرده لج
وبعدين دام محترم مشاعرج وما يبي يوريج
انا مابي اشككج فيه
بس الحين اغلبيت الرياجيل جذيه
بس شكله محترم مشاعرج فا لا تخلينه يوصل لمرحله يقولج فيهابسوي اللي براسي وكيفي وانتي طقي راسج بالطوفه
والله ثنتيين من رفيجاتي صار لهم هالموقف
ابلعي العافيه وطنشي
والله نشوف الكباااااااااااااير ونطنش