|
|
السلام عليكم ورحمة الله وبركاته ،*
اولاً مبارك عليك الشهر الله يجعلنا وياكم من عتقاااائه ياااارب ،*
موضوعي هو ، يابنات اكتب وانا مغبونه لان الواحد يكون ع نيته ويجي ناس يعكرون صفو فطرة ونيته .. انا زوجي يحب اخوه الصغير وبينهم موده ورحمه مثل كل الاخوان ، وكان يقولي ودي اسمي ع اخوي وانا ماعندي مشكله بنات المشكله تكمن ب ان اختهم اللي هي حماتي كانت بتسمي اسم ثاني ويوم درت نبي نسمي ع اخوه وتسسسسمي اهي ، انا نرفزني هالشي ليششش النحااااااسه ، ليش التقليد ، لو مسميه من باب محبتها له قلنا مايخالف بس تنحاس وتقارش ليه ؟*
الحين انا ودي افاتح زوجي وماودي اصدمه وازعله ب اعتراضي ع التسميه ابي رايكم ووجهة نظركم … يمكن تحسونه عادي بس حطو نفسكم مكاني وحوليكم ناس يناحسون حسسبي الله ونعم الوكيل فيهم حسبي الله حسبي الله ….. 🙌
الاسم مايزعل
لا واسم ولد
لو بنت يمكن الوحدة تحب تتفنتق فيه
ادعي الله يهون عليج
بالعكس اذا فعلا تفكر جذي بتحتر
لما تشوفج مطنشة ولا أثر ع رايج الموضوع
وفوق هذا احتمال كبير تكلمين زوجج
وبينقدج ع نفسج
تعرفين مايفهمون اشلون نفكر احنا الحريم وبيسمي ع اخوه مثل ماهو ناوي
ويوصل لها خبر اعتراضج
اعتقد موضوع ماله داعي
تسمين اهي تسمي من اول وحده بتسمي
اهي بتسمي نحاسه بس فيج
بلا بلا بلا بلا بلا حجي ماله داعي
الرياييل عندهم هالسوالف بايخة وتافهة
واهيا بتحتر اذا شافتج مطنشة
وبالعكس انتي تقولين ان ريلج واايد مع اخوه الصغير يعني لو اخته سمت ولدها على اسم اخوها الصغير ما بكون مثل يوم اخوه إللي يعزه ويحبه يسمي ولده على اسمه بكون في فرق
ثانياً وبعدين هدي يارروحي خليها تسمي
انتي ناقشي زوجج وقوليله
الغلاا مو بالاسم الغلاا بالقلب
انا بخاطري اسمي اسم الولد جذي يعني اي اسم تختارينه
بس ديري بالج تقوليله عن اخته ترا والله
يمكن يقلب عليج ويعاندج لجذي خلج
ولاتفتحين موضوع اخته
الرياجيل كلهم ماعنده هاسوالف وهل الحساسيه
طنشي وقول لي عاشت لاسامي وسميه بطرج جاي الله يكثر من فلان
ويصلحهم
طنشي نفس ماقلو بنات هي ماسمته لا بتحرج وسوي نفسج مستانسه ومو هامج كله اسم ^_*
اذا اهيا عقلها صغير انتي كبري عقلج
وعادي سموا انتوا بعد عليه اشصار يعني
ياختي لاتعطينها بال والله بتموت قهر وانت الله يوفقج بحياتج يارب
لا تسبقين الاحداث
يمكن ان شاء الله اذا حملتي يكون البيبي بنيه مو ولد
لكل حادث حديث و يصير خير حزتها
و نصيحة مني لا تصيرين حساسه على امور تافهة جذي الانسان ما يعيش و لا يكمل حياته
انتي محتره وزعلانه منزله موضوع كامل
بس عشان حماتج بتسمي على اسم اخوها نحاستن فيج
ماعندج سالفه والله و على شنو معوره قلبج
خليها تسمي ماتشوف شر انتي عليج من نفسج ومن رجلج واللي ببطنج
شكو بالناس
الا فلانه تناحست معاي والا علانه حطت عينها علي
حبيبتي لا تعورين قلبج على كلام الناس وافعالها مايشووووووفون شر خلج بنفسج وزوجج وبيتج وبس
واذا عالاسم سمي اسم ولدج على اسم حماج وجنه العيد
بالعكس بتلاقين حماتج بتنبط من الحره اذا شافتج بارده وما اهتميتي
موفقه
يعني خذت فرحتهم وخبتهم بالاسم
حتى لوسميتي ولدج نفس الاسم بيستقبلون الخبر ببرود
ليش تحرق السالفة عليج!!!
صج سخافه وحركات يهال
بس لاتغيرين نيتج وسمي مثل ماكنتوا متفقين اهي شكو مالها خص
اسم ولدج باسم ابوه وانتي امه شعليج …. لاتحرين نفسج ولاااااا يسوى بالعكسسسسس انتي اخترتي وزوجج معاج وهي اللي
سمعت وقلدت ………. طاف طاف طاف …الله يسهل عليج يارب والله يعطيج السلامه ,,,