|
|
تخيلو يابناات اني عروس16-1ومومجهزه ولاشي ومعااي عرايس اثنين
مقهوره لان الكل يقولي متينه بطه وحتى
وانا قاعد اضعف جسمي قاعد يترهل مشكلتي
زنوودي يلعبون صاير جسمي يرقص
زوجي شاافني مره وحده يوم الملجه حسيت
انه فيه شي بس ماتكلم واهله مومقصرين قايلين عني
امور كبيره ووايد
الي جارحني صارلي هالشي بصمة عااار
الكل بعايرني فيها مع اني كنت عود بس الله
لايوفق الكرتزيون هوالي تفخني
العرايس الي معااي اضعفاااق بس انا لا الكل يقول
عادي جسمها جسم البقره صار لي ثلاث ايام موذايقه النوم
غير3ساعات حتى زوجي كرهت ارد اوكلمه واسكر
الجهاز اخاف يدف نفسي طااابت دمروني خطبوني
بداية 10وع اساس العرس2014بحكم ان زوجي كان
مسااافر فجااه تغيرت الامور وحجزوا وبلغونا قبل8او7
ايام ماعندي مجال الدنيا سوده بعينه امي كبيره
وخواتي مالهم شغل وانا لاتجهيز حتى لوني تغير صرت سمره
ويهي اصفر عيوني سود صرت اشوف العرايس واقول
الله يوفقهم اخاف اني اضرها بالفرحه
نفس خالتي ظلت وراي حتى يوم ملجتي تبجي وتعدي
عشان ماخذيت ولدها كنت اتجهز حق الاعراس بشهر
وشهرين
وكانوا من جماعتنا الحين انا العروس واحساسي ثابت عزيمتي
واصراري
كسرو نفسي من كل شي حتى الابتسامه ساعدوني
شسوي احترت مااعندي وقت وانا ماسويت شي
صار الموت علي اهون من انس اشوف شماته بعيونهم
واستغفر ربي اقول في احد يتمنى الموت عن العرس
اعتذر اذا طولت عليكم
حبي نفسج شوفي نفسج ريلج شايفج ولا قال حرف أنتي الحين متوتره مو أكثر
ذكري ربج وفرحي بعرسج وجهزي حق عمرج ما تدرين يمكن نظرتج ل نفسج غير نظرت ريلج يمكن يشوفج
قمر عسى الله يوفقج وفرحي ي بنت
لاتحاتين ابد .. جهزي ثوب العرس الابيض ومستلزمات العرس بالبداية ،، وبعدها اسبوع كل يوم اشتري شغلات مثلا العطور والمكياج يوم لانهم من نفس الاماكن ،، والملابس يومين ،، واذا في تفصيل حاولي تبلشين عشان يمدي اسبوعين خالصين ،، والجواتي والجناط يوم … وجذي
ونصيحتي لا تكثرين تجهيز .. لان اول شي انتي ماشيه على رجيم وبيتغير مقاسج
وثاني شي ترا شهر وبتروحين السوق وبتشترين الي تبين بعد العرس عادي .. اهم شي الضروريات
ولا تتحبطين ترا تو الناس
حاولي في الليل تحطين خلطات وماسكات وتدهنين جسمج بزيوت وتلبسين بيجاما وتنامين ترا يساعد يشد
ويوحد اللون
وصحح بقولج انصحج بمساج التخسيس ترا وايد يساعد ويشد ويشيل السليوليت
يا حبيبتي الله يوفقج ويسعدج ويجملج بعين زوجج
هدي نفسك …واعمل لنفسك جدول .. ايش حابه تعدلي نفسك .. استعيني حتى بطبيب .. بطريقة صحيه وامنه ..
اعملي ايش احتياجاتك .. وايش الاهم ثم المهم .. والامور راح تضبط ان شاء الله ..
زوجج قالج شي بخصوص هالسالفه !؟؟
امبيه ليش متعقده !!! لانج متينه !! شكثر بنات متان متزوجات واثقين من نفسهم وتلقين بنات كلش موحلوين وعندهم ثقهانتي تحتاجين ثقه وتحتاجبن دفاع عن تفسج
تعوذي من بليس وصلي وذكري ربج وادعي بصلاتج الله يعطيج الثقه بنفسج ويحبب زوجج فيج ويشوفج اجمل النساء ترا الدعاااء صج صج شي خيال الله يحققلج مرادج كل ماتدعين
واهل ريلج اللي طنزون هذيل حاله خاصه قبل لايطنزون شافو شكلهم !! ليش رشاقه ذابحتهم !! ولا البياض مقطعهم ولا شعر مايقدرون يمسكونه من طوله وكثافته ولا العيون قتاله !!! اكيد موكاملين محد كامل !!
اهتمي بنفسج واستانسي انتي عروس وزوجج لو ماعجب فيج جان ماخذاج محد يقدر يتزوج بالغصب واذا حابه تضعفين ضعفي براحتج ونتي مرتاحه ومستانسه حق نفسج موحقهم ولاتهتمين لكلامهم قوليلهم انا عاجبه ريلي الحمدالله
مع اني اشوف انه مافيج شي وانتي مكبره الموضوع
لاتوسوسين
ومالج شغل بغيرج ماعليج من الناس والله لاتخربين فرحتج على قيل وقال وحجي حريم
مالج دخل بكلام احد
روحي دكتور رجيم و سوي رجيم و التزمي
و اشتري لج جهاز مشي بالبيت و امشي فيه
و الملابس كل شي سهل وممكن تشترينه باسبوع
دخلي قسم العرايس و شوفي جداولهم و تقسيماتهم لتجهيز العرس
وكتبي عندج بورقه الي محتاجتهم
الله يوفقج و يهنيج يارب
اللي يشوفج يقول الجياكر و الخايسات ما تزوجو
والمصيبه حظم قايم
وانتي متحطمه عشان جم تافهه انتقدوج
تعالي شوفي شنو قالو عني بيوم عرسي
وانا عكسج
بس حقرت
انا مرتاحه عاجبه نفسي وعاجبه زوجي
وهم يصطفلو
فرحي الوحده مو كل يوم تتزوج
وريلج بشطارتج تلفتين انتباهه بسلوبج و كلامج الحلو
ودع ال تنبح
ترا الجسم مو اكثر شي يتهم فيه الرجال اول شي القبول اذا تقبلج و حبج و دخلتي قلبه شااافج باحلا صوره ياما بنات اجسام بس ما صار قبول من الزوج و شدعوه كل البنات ضعاف نص بنات الدنيا متان و متزوجين و عايشين احلا عيشه و احلا حياة
تعوذي من الشيطان تراه يحاول يخرب عليج ويوسوس لج ادحري ابليس وابتدي من بكره تجهيز و انتعشي روحي الصالون سوي لج جلسات تبييض و تنعيم و نظاره للوجه و سوي تبييض لاسنانج و اتركي عنج سوالف المحاتاه و اساسا انتي مع التجهيز و الحركه راح يشد جسمج و مع العنايه بالصالون راح تزين بشرتج و ربي يتمم عليج
لو مو عاجبتهم ماخطبوج!
أما لما تقولين إنج متينة وما تكون عندج ثقة هني تفتحين مجال للناس تنبش في النقص اللي فيج
وثقي تماما ماكو إنسان كامل حبيبتي ^_^
وأي أحد يتطنز عليج قولي إنج عاجبة نفسج وإن جميلة وبس وخليهم
ربي يوفقج
امسكي ورقة وقلم واكتبي كل شي مضايقج بروحج متينة (نادي صحي -وااشتركي بأكل دايت )
سمرة من الحين حطي حيلج بالحمامات المغربية
بشرتج تعبانة شوفي لج دكتور جلدية شاطر يكتب لج كريمات وشغلات تسنعج
و تذكري ان الثقة نص الجمال والبسي شغلات تبرز جمالج وتخفي عيوبج
مو فقة
وبالنسبة للتجهيز
حطي لچ جدول بيساعدج واحسن ماتنسين شي
ولاتنسين الدعاء
وبالتوفيق يارب