|
|
السلام عليكم جميعا
كيفكم ان شاءالله بخير ؟
حبايبى بقولكم سالفتى الحزينه 
كنت بالمزرعه قبل سنتين وفجأه بدون سابق انذار بديت أهرش اهرش ارهش جنى جربه اسمالله عليكم
بإيدينى ويومها كاقدرت أنام قلت يمكن قارص او شي
بس والله سنتين على هالحاله يوميا اكل حبوب الحساسيه حبتين والا اموووووووووووووووووووووووت من الحكه ولاحظت أنه بس اطرافى ايدينى وريولى
رحت المستوصف والا الدكتوره العبيطه تقول روحى الجلديه شكو الجلديه ابى مركز الحساسيه !!!
المهم الحين منو تعرف عن حكه الجلد اسبابها وعلاجها على ماأخذ تحويل لمركز الحساسيه
وشكرا للجميع والله يرزقنا واياكم العافيه يااااااااااارب
والله يشفيج انشالله
واوقات يزيد و اوقات يخف .. قالولي حساسيه من نوع من الاكل الي اهو البيض… وتالي قطعت البيض
عقب فتره ردلي مره ثانيه !! جان اروح اسوي تحليل مال الحساسيه من الاكل وطلع الحمدالله مافيني حساسيه
من الاكل حتى البيض !!!
رحت دكتورة جلديه وقالتلي هذا نوع من الحساسيه وعلاجه يطول كل يوم حطي من هالكريم .. وظليت فتره احط منه
يطخ وبعدين يرد يحرني ويحكني …
تالي سافرت ورحت دكتور جلديه بالديره الي سافرت لها وقالي هذا نوع من الحساسيه شبيه للاكزيما
لكن ماله علاج !! اهئ اهئ بس عطاني مرهم وقالي هذا المرهم يخفف الحكه والاحمرار
ووريته الكريم الي اول استخدمه الي دكتورتي بالكويت وصفتلي ياه وقالي انه ممتاز حق هالحساسيه بس يمكن
ماطاح عليج جربي نوع ثاني ….
الله وكيلج خلصت هالكريم وماكو فايده الاحمرار موجود والحكه تروح وترجع.. الحين قمت اتدهن بزيت زيتون كل
يوم وترك … والحمدالله احس الحكه والهيجان وايد يخف بفضل الله ثم زيت الزيتون …
وبس ماشيه على الدعاء وزيت الزيتون وكافي انه الرسول عليه الصلاة والسلام كان يستخدم زيت الزيتون
وكانوا يتعالجون منه (كلوا الزيت وأدهنوا به فإنه يخرج من شجرة مباركة )
هلا حبى
بروح أن شاءالله بس اول بروح لمركز الحساسيه والله صرت ادمان على حبوب هالحساسيه
((daanoon))
المفروض والله راقى نفسى انا حيل مهمله من هالناحيه مع شديد الأسف جزاج الله خير
الله يسلم قلبج ياعيونى
والله أعلم يجوز وأن شاءالله برقى نفسى وبغسل بسدر لأنى صج تعبت تقطع يلدى من الحك
dalal
هلا حبوبه ردج ريحنى الله يريح قلبج دنيا واخره أنتى وكل حبايبى الى ردو عالموضوع وانا معاكم بعد :$
لازم الرقيه والزيت صاجه والله أنا مهمله بهالناحيه ببدى من اليوم بأذن الله
الله يشفى الجميع يارب من كل الأمراض
|
المشاركة الأصلية كتبت بواسطة over love
 dalal
هلا حبوبه ردج ريحنى الله يريح قلبج دنيا واخره أنتى وكل حبايبى الى ردو عالموضوع وانا معاكم بعد :$ لازم الرقيه والزيت صاجه والله أنا مهمله بهالناحيه ببدى من اليوم بأذن الله الله يشفى الجميع يارب من كل الأمراض |
امـيــــــــــن واجمعين حبيبتي
والله هالحساسية دعلة ولصقه ماتفج .. وتقطعين نفسج تقطيع من الحك .. !
الله يشافيج ويشافينا ياارب
من الصعب ذهاب الارتكاريا من الجسم بسهوله .. ولكن تستطيعى ان تراجعى مركز الحساسيه فى الفتره المسائيه من 4 الى 8 بدون تحويل ..
علما باننى احد المختصين فى مركز الراشد للحساسيه ,, يوجد احد المواضيع عن الحساسيه وساتابعه بنفسى وسارد على جميع الاستفسارات المتعلقه فى الارتكاريا ..
والله مومن أكله معينه لو ماأكل خير شر هم أتحكك !!
الشر مايجيج
ملاك
هلا حبيبتى والله مادرى يجوز لأنها مرعبه صراحه حطمتنى وتعبت من الحبوب وربى يوميا أكل حبتين بروح للراشد بشوف الموضوع
آمين ياقلبى الله يشافينا جميعا
دكتور
شكرا لك وبمر المركز قريبا بحاول باجر العصريه لأنى الصبح ماأقدر يارب ماتكون ارتكاريا
بس أن كانت هى الحمدالله على كل حال الأهم أنى أتطمن لأنى موعارفه راسى من ريولى مانى عارفه شفينى
الله يجزيكم خير كلكم ويشفي مرضانا ومرضى المسلمين
وفوطه او اي شي المهم يكون خشن الملمس
يعني المقصد حبيبتي
انج تدهنين بالزيت الدافي وبعدين تفركين بشي خشن عشان الزيت يدخل بالمسامات
وظلي تسوينها فتره لان علاجج يطول شوي
وان شاء الله ماففيج الا العافيه
..
اجر وعافيه حبوبه ,,