█♥ حزب معلمات التعيين اليديد سوالف يوميات فضفضة ♥█

بسم الله الرحمن الرحيم
اللهم صل على محمد وآل محمد

افتتح ثالث موضوع يخصنا بعد نجاح أول موضوع لي تعدوا الـ 100 مشاركة وكان كل موضوع فعّال والحمدلله
بمشاركتكم وتعاونكم، يعني الصراحة لولا هالموضوعين الي كانوا بقسم الحياة العلمية جان كنا بخبر كان. وهالشي
يزرع الثقة فيني وبكل بنت كانت تبي تصير مدرسة وعرفت الخطوات من وحدة على النت ما تعرفها. فجزاكم الله
ألف خير بنات لأنكم تساعدتوا وساعدتوني..

الموضوع هذا فتحته بقسم المعلمات لأن ولله الحمد شريحة كبيرة من البنات انتقلوا من سلك الأوراق والحوسة بالوزارة
إلى سلك التدريس والوظيفة، ف علشان جذي خلاص لازم نتشاوف في قسم المعلمات خبركم صرنا مدرسات وموظفات ويمشي لنا معاش >> مو مصدقة ان عندها معاش

طبعا بالبداية حبيت أرحب في جم بنت كانوا متواصلين وياي في الموضوعين الي طافوا منهم:

زرقونا – أميرة القصر المهجور – أكادينيا – الشيخة شيخة – رقاوي – غلا الأيام – حبوبة – أم ماريا – فراولة2010

سو هاي – وكل وحدة نسيتها..

افتتحت هالموضوع لان في بداية حياتنا الوظيفة وشي طبيعي أول سنة لازم نكون مرتبكين ومو عارفين طبيعة الشغل
هالشي يمر فيه كل موظف بحياته.. قلت افتح هالحزب علشان نواسي بعض ونسولف بأمور تخص التدريس وطرق
التدريس وحالتج النفسية مابعد المدرسة وقبل لاتروحين وغير أسلوبج مع الطالبات أو الطلبة.. وهم بعد نتكلم عن المعاش وعن الناظرة والمدرسة الاولى وشلون صايرة مدرستج . ورئيسة قسمج ومع منو من المدرسات طقيتي صحبة
ومن هالامور الي كلكم عارفينها

رجاء خاص واعذروني للبقية الحزب هذا خاص حق المدرسات الي متعينين يديد يعني من

شهر (9) سبتمبر 2024 إلى نهاية شهر (4) إبريل 2024

والي تشوف نفسها توظفت خلال هالفترة وتنطبق عليها الشروط فأهلاً وسهلاً فيج يا " أبـــــلــــة/ مـــس "

بانتظاركم أبلات والموضوع ما راح يستمر الا بفضفضتكم ويومياتكم وصدقوني، مثل ماساعدنا بعض
في الموضوعين الي طافوا بقسم الحياة العلمية، فأن هذا الموضوع راح يزيل عنا التوتر النفسي
بصورة كبيرة انا متوقعتلها قولي ليش؟ لأن بمجرد ما تفضفضين حق وحدة تعاني نفس الوضع تحسين
انج مسنودة وفيه احد يعيش نفس معاناتج..

علشان جذي بنات اللي انقطع تواصلنا وياهم مثل: أم ماريا – رقاوي رجعوا نبيكم
وتذكروا ابلات ان في ابلات ثانيين مو مسجلين بالمنتدى ومتابعينا خارج نطاق العضوية فهذا بحد ذاته شي حلو

الله يسهل أموركم ويوفقني ويوفقكم

ورسميًا افتتح الحزب وأقص الشريط

والمايك لكم ولي بنات وان شالله نشوف مع بعض يومياتكم المدرسية..

انا قديمة يصير اقولكم

الله يوفقكم

فطوومة انا بحاجة حق الخبرات القديمة لان تدرين احنا مدرسات يديد وعظمنا طري ف المدرسات الخبرة يعتبرون داعم اساسي بالموضوع هذا حياج فطومة ونورتي الموضوع يا عسل..

مر حبا منال انا كنت اطلع على موضوعك بالحياه العمليه انا مقابلتي بكره دراسات اسلاميه بغيت اسالج مطلوب مني في المقابله الاجابه على كل لاسئله اجابه صحيحه او عادي موشرط وطمنيني شلون لجنة المقابله

هلا فيج حبيبتي محبوبة.. عادي حبيبتي انا لما قابلوني سويت امتحان تحريري وغلطت فيه وايد وما ياخذون له اهمية وبعدها دخلت مقابلة شخصية وغلطت 3 مرات وعادي لا تحاتين اصلا التربية بحاجة مدرسات يعني ان شالله مقبولة وحطي في بطنج 4 بطيخات صيفي
وموفقة يارب

خلوني أتكلم عن نفسي بما إني بديت الموضوع..

بما إني يديدة انا مدرسة لغة عربية متوسطة

المدرسة الحمدلله مالتي زينة وادارتي زينة ورئيسة قسمي حليوة وحبوبة

المشكلة تكمن في الطالبات الصراحة انصدمت منهم تصرفاتهم حيل طايشة مثل الصبيان وشطانتهم شطانة صبيان سواء

داخل أو برا الصف.. وهالشي مضايقني لان مرات ما أقدر اتحكم فيهم.. يعني مرات ارجع البيت وانا مستانسة لاني مساحلتهم

لكن اليوم الي بعده يخترب كل شي..

ابيخ شي لما ألف ظهري لللوح الي تقوم من مكانها والي تاحجي الثانية والي تطلع اكل وتاكل امبي ابي ابجي

واحاول استعمل وياهم اسلوب الدرجات والنظرة بعضهم يمشي وياهم والبعض الآخر لأ..

——————

من المواقف المضحكة اني لحد الحين كل ما يقولون لي " أبلة " الف ويهي على السبورة " وأضحك احس بعدني مو متعودة عليها

———————

ابيخ شي لما لساني يصير حطب وانا اشرح وااااي احس بعد ما اقدر اتكلم من كثر ما اهو جاف لكن الحمدلله من بداية هالاسبوع

لاحظت ان هالشي خف تدريجي

——————

طبعا انا تعينت كمدرسة في 4/5 يعني توني بقراطيسي..

——————-

بأول فترة قمت ادخل صفوف مدرسات لمدة 3 ايام من الاولى لحد السابعة
وبعدها بيوم دخلت صف مع المدرسة الاولى وعطتني تمرين اطلع فيه جدام البنات واشرحه

والاسبوع الثاني عطوني صف نظامي ادرسه لحد نهاية الكورس

عطوني بس صف واحد وهي مرحلة " السادس " والحمدلله جذي احسن لان توني يديدة ما اقدر اشيل صفوف وايد

وانا معتبرة اني داشة دورة تدريس ومو حاطة ببالي اني مدرسة وجذي احسن هالشعور مريحني…

————

ولاني ماخذة صف واحد لازم شوي يكرفوني بقسم العربي من باب اني اتعلم الشغل ف ادخل الدرجات بالنت واصحح جماعي
يعني يوم الاربعا الي طاف صححت فقرة املاء شعور حلو لما تصلحين امتحان لأول مرة..

سبحان الله وبحمده

هلا منوووووول …

انا متعينه بــ 2024

وشفت من التربية اللي طلع عيني ..

وعلى فكرة الوضع يختلف من مدرســة لمدرســـــــــة

ولكن الحين الحمد لله على كل حاااااااااااااااااال

احب التدريس واحاول ابدع فيـــه

ومو عيب الواجد يسأل وانا اكثر وحدة تسأل

ههههههههههههههههههههههههه

السلام عليكم أنا أختكم من السعوديه
أدرس تربيه اسلاميه
السنه إلي طافت تعينت ابتدائي أولاد
والسنه هذي الحمد لله أنتقلت لمدرسة بنات
وبالنسبه لي أعتبر السنه إلي درست فيها الأولاد ملغيييييييييييييييه لاني كنت أحاول أسكتهم أكثر من اني أدرسهم
فأعتبر السنه هذي أول سنه لي والحمد لله مرتاااااااااااااحه مره مره مع البنات
والقسم يهبببببببببل كلهم مصريات ورئيسة القسم كافيه خيرها شرها
أول أسبوع في الدوام طلبت منا رئيسة القسم نكتب شنوا راح نسوي من دروس رياديه أو نموذجيه
أو أنشطه أو مطويات أو…………………إلخ
فالمصريات ماشاء الله عليهم ماخلوا شي ماكتبوه
وأنا قلت لرئيسة القسم أنا أبي أدرس البنات وبس أي شي ما يفيد البنات ماراح أسويه
فقالت ليش ماتبين الإمتياز ؟!!!
قلت لها إذا ماأخذت الإمتياز على حصتي وبس فأنا ما أبيه ، وريحت راسي
وأكثر شي حبيته في التدريس لما أعلم البنات شلون يصلون ويتوضون وأحفظهم القران
الأسبوع إلي طاف خليت بنت أمها فلبينيه تحفظ سورة الليل صدق إني تعبت معاها
بس ما تصدقون قديش طرت من الفرح
والأسبوع هذا وعدت البنات إلى جابوا في الإمتحان درجه كامله راح أكرمهم في الطابور .
وعلى فكره المدرسات إلي معاي في القسم أستفدت منهم كثثثثثثير أول السنه كنت أستحي أسألهم
وبعدين تعودت والسؤال مو عيب وما شاء الله عليهم ما كانوا يقصرون معاي
وعموما أول سنه راح تشوفين أشياء غرييييبه من أولياء الأمور والمدرسات إلي معاك في المدرسه وحت من البنات
بس بعدين راح تتعودين / وأهم شي تحبين التدريس وإلي يحب شي راح يبدع فيه .

السلام عليكم مشكوووووووره على الموضوع الشيق منو بس حبيت اساااالج جم اسااله انا الحمدلله قدمت على وظيفه محضره علوم الحمدلله اتصلوا علي ورحت المقابله الحمدلله انه ربي وفقني بالامتحااان بس تصدقين عااد رحت اليوم الثااني قسم التنسيق شفت اسمي مكتوب تحت يرجى مراجعه الشؤن الاداريه بعد اسبوعين رحت بعد اسبوعين اعطوني ورقه ضغيرونه مكتوب عليها نو الطلباات وناااطرهم مره ثاانيه لماا يتصلون علي تصدقين عاااد صاار لي 20 يوم للحين ماادقوا علي وربي خاايفه ممكن مااا يتصلوووووون انتي وش رااايج وااشلون كاانت معااملتج بالتربيه
ميرسي عل موضوعج مره ثانيه

اسيرة الزمن من صجج ناطرة 20 يوم!! انا الي اعرفه اذا عطوج ورقة الطلبات تراجعينهم بعد 4 ايام!! من باجر روحي الوزارة لا تنطرين تلفونهم، روحي وتلاحقي على عمرج قبل
لا يكنسلونج ويقولون لج بتتوظفين على شهر 9

درة اهل الطولات
جبروت امرأة حياكم الله وانتم السابقون ونحن اللاحقون

كل شي عادي
الله يسهل عليج ويوفقج وباين انج تحبين التدريس

————

باجر عندي الحصة الأولى + الثانية وبعدها عندي مراقبة على امتحان وبعدها العادة اقعد على مكتبي واحضر درس باجر علشان ارجع البيت خفيفة وماعندي شغل وايد

——————–

اكتشفت شي يديد بالتدريس إن إذا الأدارة صار لهم ظرف شخصي مثل حالة وفاة او مرض لازم توجبينهم هالشي يديد علي ولاول مرة سويته وفعلا كان فيه عزا لمساعدة المديرة ورحت عزيت..

——————

جيكت أمس على البنك انا على التمويل قلت لعل وعسى نزل أول معاش لي لكن لحد الحين مافيه شي ورصيدي 49 دينار و500 فلس
لوول الله يخلي ابوي وامي وكل شوي يعطوني

منال انا لما الحين ماتعينت يعني مادري مايصير اشارك معاكم
والله صراحه حبيتكم و حابه استفييد منكم و منتجاربكم
واذا مايصير اشارك خلاص اشيل اغراضي و امشي
واذا يصير اقعد معاكم عندي لكم خير لووول انشالله ماكون ضيفه تقيله عليكم
بس صج حابه استفيد لاني وايد خايفه من الوظيفه و الحياة الوظيفيه وشي يديد راح يكون علي

السلام عليكم

انا معلمة علوم للمرحلة الابتدائية تعينت في تاريخ 17 / 9 / 2024

في مدرسة بنين الله لا يعود ذاك اليوم

وخلال هالسنة شفت ما يكفيني 10 سنين من الصدمات وجميع اساليب التحبيط و التطفيش والكذب والنفاق و الظلم

منال مبروووووووووووك حبيبتي على هل التجمع اليديد اللي ولا اروع

والله يعطيج العافية