حريم يموتون على خراب البيوت

اشلونكم يا حلوات
عندي لكم موضوع حده باط جبدي ابي اشوف شنو الحل معاهم وانا واجهت هالنمونه ووايد حريم يتشكون منهم
لما الوحده تتهاوش مع زوجها ويشيشونها رفيجاتها ولا قريباتها ولا مرت حماها ولا الي معاها بالدوام خليه يولي لا تصالحينه ولا تعتذرين خلي عندج كرامه طلبي الطلاق
ولا وحده تزوجت واحد اكبر منها بسنه ولا لاشهر وهذي صارت معاي واي شتبين فيه ياهل اكبر منج بسنه وايد صغير بصير طايش حلاته اكبر منج اقل مافيها 5 سنين عشان يدللج تطلقي احسن واييب لج واحد احسن منه
يعني مثلا بقوله وانا توني مالجه انا ما ابيك انت ياهل واخاف تطلع طايش ؟
ياما حريم خذوا رياييل اكبر منهم ب 10 سنين بحجه ان يبونهم يدللونهم وتحسفوا الي راعي بنات ولا راعي سفر وخرابيط ويشرب ولا يطقها ولا يغار عليها ويشك فيها على غير معنى
ولا وحده تسولف ان اهي تدفع تكاليف السفر مع زوجها وهذي صارت معاي بالدوام يا تساعده يا اهي تدفعها كامله ياكلونها اشلون مايصير اهو لازم يسفرج ماكو شي اسمه ماعنده غصبن عليه يسفرج شحقه عيل تزوجج طالما ماعند يسفرج
ما ادري هالشي باي شرع الفوا على كيفهم واخاف عاد رياييلهم الي يسفرونهم وشي منهم مو شموا حتى ريحه المطار بس تفلسف وغيره وخراب بيوت
ولا وحده قالت انا ساكنه عند حمولتي وهم صارت معاي وصارت مع غيري اشاون راضيه واهله يلعوزونج وماراح تاخذين راحتج لازم يطلعج بشقه غصبن عليه عيل ليش تزوج لا تسكتين
انزين اذا اهو مو راضي ويبي اهله اشلون ؟
وولا وحده قالت زوجي بسافر مع ربعه صج ما اؤيد هالشغله بس ما باليد حيله وهذي هم صارت معاي ومع غيري وكلوها الحريم اشلون تخلينه يسافر مع ربعه ؟ وباجر يخونج المفروض يسفرج انتي الفلوس الي بسافر فيهم انتي اولى زعلي وطلبي الطلاق اذا عاند واهم رياييلهم مطيحين بتايلاند لووووووول
ولا وحده زوجها مايخليها تطلع مع رفيجاتها اشلون يقمتج عصبي ولا تسكتين ماعليج منه
ولا وحده زوجها ملبسها عبايه ومايخليها تحط مكياج اشلون جذي بيدفنج بالحيا انتي طول عمرج كشخه والكل يتكلم بكشختج وهذا يصك عليج بحكرته لا تسكتين ماعليج منه
ولا وحده زوجها مايخليها تسوق كلوها اشلون مايخليج تسوقين هذا متخلف مينون ماعليج منه سوقي غصبن عليه
ولا وحده زوجها دوامه مختلط يشتغلون عليها الهوانم لاتسكتين باجر يتحرشون فيه الي معاه مايحلى بعينهم الا المتزوج باجر يطيح الميانه معاهم وسولف وتلفونات

والله حرام حراااااااااام ليش جذي تسوون شنو هل الغيره اهي السبب ماتحبون تشوفون احد مرتاح باجر لا تطلقت الوحده بسبه التشيش والتحريض بتفيدينها ولا بتربين عيالها ولا بتدفعين لها مصاريفها ومصاريف عيالها
لكن ما اقول الا حسبي الله ونعم الوكيل على كل وحده تحرض صديقتها على زوجها

والله هالناس يحبون خراب البيوت
مادري شنو بيستفيدون من ورى هالشي
جنهم شياطين على شكل إنسان
يبون اي شي علشان يخربون هالبيوت
مادري ليش ؟

هههههههههههههههههاي والله العظيم كلامج عين العقل
بعد هذي هي قلتيها
( حريم يموتون على خراب البيوت )

انا الحمدلله من اول مااشتغلت ليومج هذا وانا مااحب ادخل احد بحياتي الخاصه كلللش

والله العظيم مرتاحه وشاريه راحتي كل اللي معاي صباح الخير واشلونج وبس

خل يقولون معقده او انطوائيه بس افتك من شرهم والله مايجي منهم الا الخراب

والحمدلله مرتاحه انا جايه الدوام اشتغل واروح البيت مو جايه اتعرف واقرق السوالف لها مكانها والدوام له احترامه

هالنوعيه موجوده بكل مكان اما رفيجات او زميلات عمل او حتى من اقارب

لكن المفرووض الوحده ماتعطي مجال يخربون بيتها وحياتها الشخصيه لها ولريلها محد له حق يدخل بينهم

حياكم يا قلبي نورتوا ومو بس رفيجات الدوام حتى الي يصيرون لها ولا احيانا مرت الحمى ولا رفيجاتها بره الدوام
بس ليش جذي والله شي يقهر

صح كلامج وانا تصادفني هالمواقف بس كلا اقولهم صبري حتى لو كان الغلط من الرجال ما احب اكون سبب في خراب بيوت العالم

عدل كلامج
لازم كل وحده تكون واثقه من زوجها
وعلى فكره الريال إذا بخربط ولا بخون ولا بسوي أي شي بسويه بديرته لأنه كل شي متوفرله
مو شرط بالسفر مه ربعه
يمكن يكونون ربعه الزينين وأهو الي مو زين
بس والله المره أهي إلي تخلي الريال يصونها او يخونها
اللهم ابعد عنا الخيانه

طنش تعش

حياكم نورتوا وعدل كلامكم

كلامج صحيح وااايد بنات جذي بس الافضل انج ما تعطينهم ويه وتخلينهم يلزمون حدودهم
يسلمو على الموضوع وااايد حلو

صااجة اكثر الخرابات اللي تصير بسبة تشيش الرفيجات او احد ثاني تقعد توز توز باذون البنية لما ينقلب حالها و عاد شوفي لما تشوف ريلها بتطلع عيوبه كلها كله من هالتشيش اوكي الواحد يسولف مع رفيجاته بس مو عن حياته الشخصية و لا تصرفات وعيوب زوجها .

حسبي الله ونعم الوكيل على هالاشكال

البعض ينصح نصايح هو نفسه مو قادر يطبقها
يعني قولي حق زوجج جذي
مو كيفه يمنعج من الشغلة الفلانية
وتكون اصلاعند زوجها مو قادرة تقول نص كلمة
بس المفروض
الوحدة عقلها براسها وتعرف خلاصها
مهما نسمع نصايح كل وحدة اخبر بطبيعة زوجها وطبيعتها وشنو ممكن ينفع لهم وشنو مايصلح لهم
وشكرا بريتي عالموضوع

حياكم يا قلبي نورتوا بردودكم