حركات دلع من الزوجه لزوجها

بصراحه قرأت هالموضوع بأحدى المنتديات و حبيت أنقله لكم

اذا دلعتي رجلج بهالطريقه و بهالنعومه وبهالرومانسيه صدقيني ما يطلع من البيت الا وهو يتمنى الرجعه لج بسرعه

ترى الرجال يحب الدلع و انج تبينين له شكثر هو غالي عندج و شلون غيابه يضايقج

ما ابي اطول عليكم حبيباتي راح انقل لكم المواقف

أحدى الزوجات تقول: كنت اذا اردت ايقاظ زوجي من النوم للصلاة اغسل يدي بالماء حتى تكتسب نوعا من البروده

وأعطرها من العطر المفضل لديه, فإذ ما لامست برودة يدي جسمه الدافئ واستنشقت انفاسه عبير ذلك العطر استيقظ من

نومه وان كان يقط في سبات عميق

(في بعض الزوجات تصيح على الرجال المسكيييين وتقول له يالله قوم صل مغير سهر طول الليالي ولا جت وقت الصلاة نمت عنها قوم ياويلك من الله

تخليه يعاند و ما يقوم يصلي)

وتقول أخرى:قال لها زوجها بغلظه سوف اذهب للغداء مع اصدقائي هل تريدين شيئاً ؟

قالت له:حسنا ولكن لا تتأخر لأن الكهرباء ستنقطع

استدار نحوها في تعجب ومن قال لك أنها ستنقطع؟؟

قالت له:انا أقول لك ذلك , بمجرد خروجك من البيت يظلم كل شيء و بمجرد دخولك يضيئ كل شيئ

تبسم بعد ان ادرك ما ترمي اليه وذهب وكله شوق للعودة الى البيت

(ماهو مثل بعض الزوجات اذا قالها بروح اتغدى برى تقوله ايه انت كل شوي طالع ومخلينا بروحنا

انت اناني والا تسكر الباب بقوة بعد ما يطلع)

يالله كلنا نتعاهد ان نعامل رياجيلنا أحسن منهم صدقوني راح يتغير الرجال للأحسن اذا تعاملنا معاهم بهالطريقه