حرااام اللي تسوينه يا ابله ترا مو من حقج تعالوووو

السلام عليكم

في موضوع قريته …….. شلون تعاقبين طلبتج

انا بتكلم عن مرحله الرياض … ومرحله الابتدائـــي

اول شي انتي مو من حقج انج تعاقبين الطفل

واللي بترد علي وتقولي انه من حقها الاحترام انتي اثبتي نفسج قدام الطلبه
وانا اتعجب من الابلات اللي تعاقب الاطفال اللي بالرووضه ترضين يصير بولدج شي؟؟؟ّ!!!!!

ترا والله حرام حطي نفسج بمكانه انزلي لمستواهم ترا اذا سويتي هالحركه ما راح تحسين بنرفزه

وبعدين انا اتعجب واندهش من الابله اللي ماسكه مسطره وتستلم هالطلبه (_الصبيات او البنات _ اللي بالابتدائــي)
وتكسرينهم ترا حرااام عليج

منو انتي امه ابوه اخته اخوه انتي عليج انج تدرسين وتثبتين نفسج قدامهم باحترامج لهم ونزولج لمستواهم

مو تستلمينهم طق حراام والله حرااام تخيلي شكلج وانتي تطقينهم واهو يتلواا والله حرام ترا يكسرون الخاطر

https://www.youtube.com/watch?v=7iEvQDMJAK0

شوفي هالفيديو بأي حق تطقه انه ما كمل الدرس

انا ابي اوصل لكل معلمه ومدرسه حرااام عليج وابي الكل يستفيد من موضوعي

والابله اللي تضرب الطلاب وتكسرهم بالمسطره تتغير من هالسنه معاملتها ترا اذا صار شي بأي طالب

مهما كان مشاغب ومهما عمل او تشيطن عليج راح تشوفين شي ما شفتيه

ومحد يرضاا على ولده

وشاكره لكم

وينكم على الاقل تقروون وتستفيدون من موضوعي

او انتم من النوع الللي يزعل لما ينقال الصج

حبيبتي صاااااجة يا عمري..

أنا مدرسة وما أحب أمد إييدي أبد

حتى لو كبار..

الوحدة تثبت شخصيتها والباجي على الله..
وإنتظري الرد أكثر..

يسلمووو يا عمري والله حرام يكسرون الخاطر

ومشكوره على ردج

آنا طول مرحلة الأبتدائي (أولى وثانية وثالثة ورابعه) حصلتي لي طقة من مدرسة مع إني عنونة وهادية
والله أكسر خاطر نفسي لما أتذكر <<< حلوة هذي
مشكورة عالطرح حياتي والله يهدي المدرسات والطلبة بنفس الوقت

مشكوره حبيبتي بس بأي حق تطقينهم منو انتي <<< اسمحولي ترا منفعله من اللي قريته موضوع اسمه
كيف تعاقبين طلبتك <<<< الصراحه موضوع ما عجبني كلش ويحرض على العنف

أصلا بقولج شغلة لج ولأخواتي المدرسات
إذا المدرسة تستعمل الطق ما راح تقدر تدرس الكبار
تقدر تطق الكبااااااااار؟؟؟؟

ماتقدر عليهم..
آنا ادرس كبار فوق 15 سنة والله كانو يقولون هالصف مشاغبين حدهم وما تقدرين عليهم وغنتي توج متوظفة..
وكنت خايفة بس قلت فيني فيني حتى لو خفت
والله ومن اول يوم ماكنت أضحك بس كنت احترمهم وكانو مشاغبين لين ذاك اليوم وبعدها الحمدلله ملكت قلوبهم وصارو يحبوني وااااااايد ولله الحمد مع غني مدرسة يديدة

انا مدرسة ابتدائي مالي قلب اطق اي طالبه حرام لو شنو كانت مشاغبه اعاقبها عقاب ثاني اوقفها 5 دقايق وتكسر خاطري واقولها قعدي لكن طق مستحيييييييييييييييل عمري مافكرت ولا راح امد ايدي على احد كماتدين تدان مثل مااخاف على عيالي ان احد يطقهم مارضاها على عيال الناس وبعد الناظره لها دور بالهموضوع الناظره محذره من طق الطالبات واشتكوا اولياء امور على مدرسه مصريه تطق شسوت فيها الناظره بهذلتها تبهذل لاصار ولا استوى

آنا مو مدرسة آنا طالبة وآنا إلي ( إنطقيت )
آنا ما طقيت أحد والحمدالله
إقري ردي عدل حبيبتي

ادري حبيبتي قريته عدل بس انا ابي المدرسه اللي تدخل
تقرا فهمتي

وبعدين حتى لووو لا توقفونهم ترررااااا والله حراااام

ويسلمو حبيباتي على الرد

وينكم ؟؟؟؟؟؟؟؟

9 ردود و42 مشاهده يعني 33 ابله او طالبه شافت الموضوع وهجت <<< اكيد انتو من النوع اللي يطق ويعاقب نيا ها ها ها

دست على جرحكم يالله وينكم ؟؟؟؟؟؟؟؟؟؟؟؟؟؟؟؟؟؟؟؟؟

موشرط الطق تأديب وعقاب!!

انا اعاقب ولو ما اعاقب جان محد فلح فيهم

وعمري ماطقيت عقابي يكون نفسي

واهما وااااااااااااايد يحترموني والعملية التعليمية ماشية على اكمل وجه الحمدلله واللي مريحني انه اولياء الامور متفمين وعافرفين طريقتي ومأيديني!!

حبيبتي شخباري اللي يطقون بالمسطرة او العصاه!!
مشكورة على موضوعج وانفعالج والله يكتبة بميزان حسناتج بس انا اللي اشوفة انه المعلمات تطوروا في اسلوب عقابهم والحمدلله يحبون عملهم

صج انا يوم كنا صغار انطقينا طق ظلم بس ما يهون علينا الحين نطق

فعلا المفروض كل معلمة تعامل الطالبة انها بنتها انا احط بنتي مكان هالطالبة وااااي ما قدر اتخيل ان معلمة تطقها او تزفها او تهينها

اساسا الحين النظام ممنوع الطق وطرق التربية تغيرت عندج الدرجات حاسبيهم فيها ولا تهينهم

انا احط ملاحظات على كل شغلة تسويها البنت واذا نزلت درجتها اعلمها او اعلم اهلها انها سوت يوم كذا هالشغلة و ووو

مشكوووورة

مشكوره ام مساعد بس ترا على فكره في ابلات بمدارس كثيره وانا اعرفهم وخاصه بمدارس الصبيان الابتدائـيه ويطقونهم طق سنه بساع

والله حرام وعلى فكره مو بس بالكويت هالسالفه حتى بالخليج وبمصر وسوريا والاردن وكل الدول العربيه

وفي ابلات عربيات يقرون الموضوع وعسى انهم يستفيدون منه

وفطومه مشكوره حبيبتي على ردج ويعطيج العافيه

بس ترا الاهانه والتفشل قدام الطلبه يهدم الطالب نفسه

حتى يصير يكره الماده

وما تقصرون بردودكم

يبيتها صح واللله والله الشاهد
انا ابلة روضة في ابلات تدز الياهل والا تطقه والا بلاااااااااوي شخلي شقول
انا شفت وايد خصوصا بالميداني
جان زين بس طق
تسولف عن مغامراتها اليليه اهيا مع ريلها بادق التفاصيل مع الابله الي معاها بالصف جدام اليهال بصوت مسموع وبعض اليهال اسم الله عليهم تلقينه ينطر اي شي يسمعه وينقله بعد حق اهله هذي كانت لا حيا ولا مستحا

اصلا ممنوع العقاب واحنا بروضتنا ما نعاقب في ابلات تطرد الطفل من الصف وتوديه صف ثاني وفيه ابلات تهدد الياهل يا ويلك ومن هالسوالف ما يجوز الصراحه الاطفال بعمر صغير يبون الحنان والامان خصوصا الروضة و اولى روضة بالذات توه طالع من بيتهم وياي مكان غريب عليه ما يعرف احد يبي احد ياخذ بيده و يحسسه انه انسان له كيان ووجود واحترام
الابله الشاطره الي تحترم الاي جدامها راح يحترمونها الاطفال والطلاب

والله لو شنو ما امد ايدي على اليهال هذول امانه عندنا ما فكروا بعيالهم الي راح يدشون او اهما اساسا داشين المدارس
لما اتذكر ابلتي بالروضة والله ادعيلها من كل قلبي لانها كانت طيبه حبوبه حنونه و تخاف علينا وهذا الي انا ابيه ابي لمن اكبر يتذكروني الي درستهم بكل خير ويقولون ابلتنا كانت تحبنا ابي لمن اشوفهم برا الروضة يستاانسسون ويقولون كا ابلتنا