|
|
مساء الخير بنات كويتيات
اذا قلت لكم مكتأبه محبطه يائسه ماراح توفي هالكلمات الاحساس اللي احسه الحين
انا اداريه بمدرسه ثانويه واحن على النقل ونقلوني ابتدائيه بنين بعد الواسطات
والحوسه المهم المدرسه الجديده تحفه فنيه ماينقعد فيها ابد كل شي فيها مومريح لا الاداره ولا المبنى نفسه
فيها شي غريب من رديت من الدوام اول يوم داومت فيها وانا ابجي 
وثاني يوم غبت والله موبيدي غصب علي بس هالمدرسه ماتريح ابدا ابدا ابدا
قولولي شسوي تكفون
اقدر انقل الحين مدرسه ثانيه لأني ماقدر اكمل ابد اداوم بهالمدرسه
فزعتكم ياكويتيات
قدمي نقل وشغلي واسطتك
المشكله اخوي يقول مستحي يكلم الواسطه وانا مابي احرجه
انا اقول صلي استخاره يمكن ضيقه عشان المكان جديد وبس عرفتي
اي تقدرين اذا عند فيتامين واو 
وعسى أن تكرهوا شيئا وهو خير لكم
الحين هالسنه لازم تكملين فيها وقدمي نقل بس يفتحون باي النقل شهر 1
عسى الله ييسر لج
الله يسرها انشالله
الله يعينج
نفس حالتي اول ماتوظفت قعدت مكتابه شهرين
بس انتي ياحياتي اصبري يمكن يتحسن الوضع لا تستعجلين النقل يمكن ربج يفرجها عنج
واصبري والصبر مفتاح الفرج باذن الله
الله يفرج عليج يارب اذا كلش مو مرتاحه ردي مدرستج القديمه !!! وكل شي بالواسطه حبيبتي ماعليه الله يكون بعونج ويسخرلج الي حواليج وترتاحين
وعسى ان تكرهوا شيئا وهو خيرا لكم….صبري اشوي حبيبتي هذا عشان التغير والا ما يكون في احد زين في هذه المدرسه .. ان شاء الله ربي بيسر امورج