|
|
بنات !!! ملاحظين ولا بس آنا ؟؟؟
الحين كثروا الشباب اللي يدشون المنتدى ويكتبون مواضيع
وآنا تحسفت اني رديت عليهم حتى لو نصيحه انهم يطلعون .. بس ستل المفروض مانعطيهم ويه
بس السالفة الغريبة إن اكو واحد كاتب موضوع يب يتزوج .. وبدل ما ينحذف الموضوع تم اغلاقه !!!
يعني شنو ما ينحذف والصبي حاط ايميله؟؟ شصاير؟ عادي يعني اي بنت مراهقه تاخذ ايميله او تدزله عالخاص؟
ليش ما حذفو المشاركه واحذفوه اهوا بعد مع الشباب اللي معاه .. مبين من الالفاظ انهم صبيان
هالرسالة للمشرفات .. وآنا دزيت تقارير بالمشاركات .. بس ماكو شي صار غير إن الموضوع تحول إلى " مغلق " وبس
مشكورين مشرفاتنا
لانهم باختصار سفهاء و يبون الي يعطيهم وي و يمكن ملوا من الجات
فقالو اندش منتدى نسائي و نتمسخر العتب على البنات الي يردون
جنهم اول مره يشوفون ريال داش المنتدى واااي مصخره و يتحول الموضوع
الي جات بين الشاب والبنات على ابو انهم بينصحونه ولي تدش تتمصخر والي تدش
تقط كلمه و تنطر الرد منه وااااي اررررففففف صج صج ما توقعت في بنات معانا بالمنتدى
بالخفه ! قاماو يسولفون و ياه و ميتمصخرون والله لاعت جبدي من الي شفته الله يهديهم بس
اهم شي ان من قوانين المنتدى ان العضوات ما يردون عالشباب واهما جنهم مو مصدقين خبر !
البعض مو الكل طبعا ..
من صجهم البنات يردون عليهم
والله اكثرهم يقصون على هالمراهقات بأسم الزواج 
الله يعين بس
ان اغلب الظن اثم
المنتدى مافيه واسطات ولله الحمد
وللتوضيح
الموضوع اغلق قبل حذفه عشان البنات مايتمادون بالردود
والموضوع تم حذفه ولله الحمد
وللعلم صاحب الموضوع منزل 3 مواضيع مو واحد وجميعهم تم حذفهم
والعضوات اللي ردو اكثر من مره او اعتبرو الموضوع تسليه وحبو يستظرفون دمهم وخالفو القوانين تم توقيف عضويتهم لمده ثلاث ايام كتوقيف تاديبي
واي عضوه راح ترد علي مسجل من الجنس الاخر ، او تحاول تستظرف دمها بزياده بالردود علي مسجل من الجنس الاخر سيتم توقيف عضويتها بغض النظر عن عدد مشاركتها وان كانت ذهبيه او ماسيه او جديده او تاجره
احد حاب يسئل او يضيف شي قبل لااسكر الموضوع لانتهاء الهدف منه؟
أنا فعلا رديت على احد هالمواضيع انصحه يطلع بس بعدين تحسفت حسيت جني عطيته مجال المفروض نسفهه
مشكوره مره ثانيه اختي .. وسامحيني على سوء الظن اعتذر .. بس حسبته هاكر وقاعد يتمشى على راحته بالمنتدى محد عارف يلغي عضويته فقط لا اكثر
بس الحمد لله .. مشكوره اختي
"واجتنبوا كثيرا من الظن ان بعض الظن اثم">>تصحيح الاية .gif "Eh S(6)")
وبس داشه اقول جيييييييييييييز
جيييييييز تو
ربي يهديهم
ارجو من جميع العضوات قراءه الاعلان التالي