|
|
تصدقون بنات؟ بعد كل هالعشره تسوي فيني جذي؟! 
كنت توني بحط راسي انام إلا احس يمي… بلل!
انصدمت شلون قطوتي تسوي جذي و اهيا صارلها عندي فوق الشهرين و ما شفت منها وصاخه؟ و الله كنت اقول يا حظي فيها تعودت على الرمل من اول يوم وهيا مو مأذيتني 
طبعا راحت النومه و شلت الكفر و الشرشف للمصبغه و كنت بنظف البقعه اللي على الماترس جان تجي الصدمه الثانيه! لقيت في بقعه قديمه بعد !! .gif "Eh S(14)")
يعني موووو اول مره و بس في بقعتين فأكيد انه السالفه مو عاده عندها.
قلت بسيطه ما راح تدخل غرفة النوم مره ثانيه.
صبروا السالفه ما خلصت 
قعدت افكر جان اتذكر الريحه اللي ما ادري شسالفتها اللي طالعه من الغنفه (شفتوا شلون كنت ساذجه؟ و الله ما فكرت انها اهيا لحظه وحده) كان عبالي انه اكل طايح على الغنفه و اهواا اللي مسوي الريحه! كنت اغسلها و تروح بس مو 100% و كان هذا لغز محيرني 
اللحييييين بعد ما قرقت فوق راسكم ابي اقول المشكله (بعد في اكثر من جذي؟!) انا قلت انه القطوه ما تقعد بالصاله بدون إشراف! و المسكينه مو متعوده على الحكره. كلما ابي اطلع اقطها بالمطبخ مع اكلها و ألعابها و المشكله انا بديت اداوم فتظل 6-7 ساعات محكوره اهناك تنادي و الله تكسر الخاطر بس شسوي؟
و مو كل وقت لي خلق اني ادير بالي عليها انا ارجع من الدوام تعبانه فبس اطل عليها و اصك الباب و اروح ارتاح شويه
بنات هاذي مو حاله انا احب قطوتي و ابيها معاي في كل وقت بس بعد اللي سوته رااااحت الثقه ما اقدر اخليها بروحها بدون لا اكون وياها.
و الله قاعده تنادي و انا اكتب لكم الموضوع أبي نصايحكم و اللي عندها خبره ابرايكم شنو اللي خلاها تسوي جذي؟؟
اسفه حبايبي طولت عليكم بس من الحره اللي فيني
بأنتظار ردودكم 
انتي متأكده ان الرمل مالها نظيف تماما؟؟
وعلى فكره ترى القطوه مرات اذا خافت حيل ممكن تبلل مكانها
الحمدلله ما صار شي مع قطوتي والله يستر وان شاء الله البنات اللي خبرتهم اكثر يفيدونج
ما حبيت اطلع بدون رد مع اني منغثه من ناس هني بالمنتدى
اتاكدي انها مو ذكر لان الذكر ايذا صار موسم التزاوج يبلل في كل مكان
والله اعلم
مشكورين على ردكم حبايبي
انا الاخ الي عندي تشها مرة عالارض ..
فاااا اختي خذته و شممته الي سواه و طقته على خشمه شوي شوي و قالتله لأ لأ بصوت عصبي .. وبس ماكررها لوول
بس مرتين الاخ .. يحب يحفظ في زاوية الليتر بكس .. فالظاهر ما نيشن عدل .. و عمل عملتو السوده برة ..
فسويت معاه نفس الحركة .. سواها مرتين .. الحين كل ما يروح يلبي نداء الطبيعه ,,
اشوفه وين يحفر و اكون وياه لين يخلص و انظف من وراه على طول ..
و سويت وياه نفس الحركة لما يسوي حركة باااااااااايخه ..
يروح عند زاوية الليتر بوكس و يطشر التراب برة عالارض .. سويت وياه نفس الحركة .. الحين كل ماراح يسويها اقوله لأ بصوت عالي و عصبي يوخر .. تعلم ..
جربي وياها .. ^^
فديته حبيبي نزغه
والله يعينج
ترى اهيا نفس الجهال الصغار ..
اول شي عمرها كم ؟!
وذكر ولا نثيه <.. قاعده اضحك مو قادره اكتب …هههههههههههههههههههههههه
——————————————
المهم ارد لموضوعي شوفي ترى اهي يمكن خايفه .. او الرمل مالها مو نظيف او انها مو متعلمه عدل ..
شوفي لا تحكرينهااااااااااااااا ترى بعدين تتعب نفسيتها وصج صج تبتلشين وربي … ترى ما تكل لين تمووت ..
اول شي تآكدين ان الرمل نظيف واشتري لها رمل كرستال هذا اللي لونه ازرق فاتح وريحته حلوه …
وخليها يمج وانتي تزهبين اللتر بوكس واول ما تخلصين حطيها فوق الرمل وحركيه بمالت الرمل ..
وعقبها شيلها وششميها المكان اللي هي سوتها فيه بعدها ردي وحطيها باللتر بوكس وهم حركي الرمل ..
وبعدين حطي الاكل مالها قريب من الرمل وقعدي معاها وهي تاكل وشوفيها واهي تسويها بالرمل حلوو واول ما تخلص عطيها اكل ما تعطينيها اياه بكثرر مثل سناك او اكل مميز لها للمكـافئات ..
وإن شاء الله يتدعل سلوكها ,,
تقبلي مروري : بدويه
بنات انا ما اكون وياها لما تسوي الحركه و لما اكتشفها تكون مر عليها وقت ما ادري اشلون اعلمها احسها ما راح تفهم
ترى اهي مو قطوه يديده صارلها فوق الشهرين عندي و متعوده اتسويها باللتر بوكس عشان جذي انا مستغربه. ما اظن كانت خايفه انا ادير بالي عليها و اعاملها معامله زينه بس ما ادري شنوووووووووو سالفه هالفنتق؟!
و القطوه حاسة شمها احسن منا ف اظن اني لازم اوخر الريحه عدل من الغنفه عشان ما تفكر انه المكان حق الوصاخه و اتسويها مره ثانيه.
حبيبتي بدويه و الله احس انه شخصيتها تغيرت و طلعتها بره لأن ما كو حل غير جذي اللحين و الله يستر.
فا انتي تأكدي