حبوب زين الأتات اللي جربهم يدش ظروري واللي ماجربهم يستفيد

انا بعد ودي اعرف عنهم
يا ليت احد يفيدنا

انا قريت تجارب للبنات بالمنتدى عن هالحبوب نبشي بالمنتدى بتحصلين الموضوع

اختي خذت علبه كااااااااااااامله ومع رجيم مانزلت ولا شي
ورفيجتي نزلت عليهم جنه 7 كيلو بس مادري بشكثر

انا ماقدر اخذ حبوب بس يوم سمعت عنهم بالغصب بالغصب خذيت حبه وبغيييييييت اموت لانه انا اختنق بالحبوب وكان يوم اسود لانه كل المضار صارت فيني قلبي نبضه حيييييل وعوار راسي مو طبيعي و لوعت جبد ودوخه واي واي مابي اذكر يعني لو كنت متزوجه جان قلت حامل لوووول
وبس فبعتهم على رفيجتي
انا من رايي لا تجربينهم

ادقين عليهم اهما يوصلونهم لج لي البيت ب 12 دينار
واحنا قالوا لنا عادي رجيم وله بدون رجيم بس المهم يكون في اكل تاكلينه
لانه مايبين مفعولهم مع رجيم قاسي

اذا تبين الرقم باجر اييبه من اختي

ياهلا فيكم يا الغالللللللللللييين

يابعد قلبي يا انصار ماتشوفين شر وياليت الرقم؟؟ما ادلين مكانهم؟

ومشكوره

وين الباجي؟

خذتهم لا سدو نفسي ولا شي :/

السلام عليكم ورحمة الله

بصراحه ان ثنتسن من رفايجي جربوا هالحبوب …وحده استفادت لانها كانت تمارس الرياضه والثانيه ما ايتسفادت لانها ما كانت ما تتحرك واعتمدت بس على الحبوب.
لان في دهون متجمده ما تنزل الا بالرياضه….وبصراحه اغلب منتجات زين جربتها وما شفت منها نتيجه..مثل كريم تكبير الصدر وكريم شد البطن وكريم تبييض الركب ما اتسفدت منهم.

تقبلو اتحياتي

السلام علييكم ..

تبين نصيحه مني ..

لا تاخذين شي من زين الاتات ..

منتجاته كلها خرطي والله مجربه لزقات اللي تحجو عليهم كللللللل يوم احطهم و سويت التعليمات كلها

بس ما سولي ولا شي

و نفس الشي امي جربتهم و هم ما فادوها

و اخوي جربهم و ما فادوه

و سولنا حساسيه

وكل ما اسأل احد عن شي جربوا من زين الاتات لازم يطلع فيه مشكله و محد يعجبه شي

لا تاخذين حبوب و سوالف روحي دكتور ينضم اكلج و امشي شوي والله وايد احسنلج من الادويه اللي من غير وصفه

انا جربتهم ..

اول مره ضعفت عليهم تقريبا 7 كيلوات كنت كلش ما اشتهي ولا شي بالغصب اكل ..

و ثاني مره خذيتهم ما انفعوا كلش شهيتي مفتوحه قمت بس اكل :s

و نصيحه مني سوي رجيم و بتضعفين ان شاء الله انا تحسفت والله كل اللي ضعفته رديته ..

مشكورين يا الغاليين

خذيتهم ماسووا لي ولا شي ورفيجتي نزلت عليهم وايد ماشاء الله

انا جربت علبه كامله بس من زمان.. بصراحه ماسدت نفسي بس طيحت تقريبا 4 كيلو بشهر من غير لا رجيم ولا رياضه بس كان لها اعراض جانبيه وهي السهال عزكم الله كل مااكل شي رحت الحمام ذبحتني وبصراحه تركتها ماعجبتني وسويت رجيم طبيعي من عند دكتور وبصراحه فادني اكثر من الحبووب اللي مامنها فايده

مشكورين ماتقصرون

وياليت اللي جربهم يقول لنا تجاربهم

هلا حبيبتي انا جربتهم
ووايد من اهلي جربوهم
بس طريقة الاستعمال ساعات تكون غلط
بما انهم غاليين شويه العلبة فيها 20 كبسوله كانو اب 12 دينار الحين اعتقد صارو 13 دينار (ليش زيادة الدينار طبعا مادري !!)
الناس ياخذون كبسوله وحده بس عشان يوفرون الفلوس والصحيح انه تاخذين كبسولتين قبل الريوق بنص ساعه
وراح تحسين بالمفعول انشالله يعد يومين او ثلاث تقريبا
وطريقة استخدامه شهرين متتاليين بعدين توقفينهم مدة اسبوعين تقريبا وتكملين بعدها اذا احتجتي
واتحدى الي ما يلاحظ الفرق عليج انشالله

وطبعا الكبسولات هذي من اعشاب طبيعيه يعني شي مضمون لا كيماويات وولا شي
والي تسويه انه تقطع الشهيه بس مو 100% يعني تاكلين بس شي بسيط وبعدها ما تقدرين تاكلين شي تحسين بشبع وثاني شي راح تعرقين وايد وخصوصا مع ابسط حركه تسوينها حتى لو بالبيت تمشين من غرفتج تروحين الصاله وترجعين غرفتج راح تشوفين نفسج عرقانه.
بس عيبها اول جم يوم تقلل النوم يعني تخليج صاحيه وفيج نشاط وبعدين يردج وضعج عادي مع النوم