|
|
خواتى انا حابه اخذ رايكم بموضوع من خلال تجاربكم وخبرتكم
انا الدكتور وصف لى حبوب جلوكوفاج 850 جرام ( منظم للسكر ) وانا اساسا مافينى ولله الحمد سكرى بس لان عندى تكيس مبايض وبنفس الوقت وزنى زايد وتاخرت بالحمل
وقالى اخذى هالحبوب لغاية ما يصير حمل
ولله الحمد صار حمل ولما راجعت الدكتور قالى لا تقطعينهم كملى عليهم
قلت له ما ضر يا دكتور ؟؟؟ قال لا عادى استمرى عليهم
وكل زياره اروح له يأكد على انى ما اقطعهم
بس اليوم بالصدفه شفت الوصفه ومكتوب يفضل عدم استخدام هذى الحبوب للحامل والمرضع 
وبالصدفه بعد وانا اقلب القنوات شفت لقاء مع دكتور نساء وقال ننصح الحامل ماتاخذ حبوب للسكر يفضل تاخذ ابر انسولين افضل لان الحبوب تشوه الاجنه
وانا الحين احس انى تشتت بين كلام دكتورى وبين كلام الوصفه والدكتور اللى باللقاء
فياريت اللى مرت بمثل هالتجربه تعطينى رايها بالموضوع
او اللى استخدمت هالحبوب واهى حامل وكملت عليهم لغاية اخر الحمل ياريت تقولى شنو كانت النتيجه
ومشكوووووووووووورين خواتى
حولوها عالأبر لأن الحبوب تشوه الجنين …….. عشان جذي قطعتهم وأنصحج تقطعينهم دام انج الحمدلله حملتي ……
الله يتمم عليج حملج ان شاءالله ……
والله ماعندي خبرة
وماعندى علم اذا تنفع للحامل
الله يثبته لج
بس أنا من خلصت العلبه قطعتهم فمادري والله وأنتظر الدوره الأسبوع الجاي كم كليتيهم وبعدها حملتي ؟؟
واستفدت من ردودكم وانشاءلله باجى البنات يعطونا تجاربهم
خواتى اللى اسالوا من متى اكلهم انا صارلى سنييييييييين اكلهم من بداية علاجى بس كنت اقطعهم فتره وارد
بس الحين لا مستمره صارلى سنه
|
المشاركة الأصلية كتبت بواسطة وحيدة2
 حرام عليكم….الي ماعندها علم بالموضووووع لاتعطيها……لالالالالالاتقطعينهم ابد لان الي تاخذ ابر انسولين يكون فيها سكر وما يصير تاخذحبوب جلوكوفاج….اما بحالتج انت ما فيج سكر يعني عادي اسمعي كلام الدكتور افضل من اي كلام عشان ماتخسرين …هذي نصيحة وانت بكيفج….احنا ردينا عليج بس احنا مو احسن من الدكاترة….خليج على الدكتور احسن
|
وحيدة مرت أخوي كانت تاخذهم قبل ماتحمل لأن سكرها خفيف بس عقب ماحملت الدكاترة نفسهم اهم اللي قالولها اقطعيهم …
الحين انتي صرتي أخبر من الدكاترة ؟؟….. شنو مسوية دراسة عن حبوب الجلوكوفاج واحنا ماندري ؟؟ …
والحمدلله عن نفسي مارد على أحد الا بشغلة أعرفها عدل ومقرونة بالأمثلة ……