|
|
السلام عليكم بنات
بسألكم في احد من عيالكم الله يحفظهم اطلعتله حبه بالعين تصير على حواف الجفن من داخل
بحثت عنها طلع اسمها (جليجل)
تخيلوا مره تطلع بعينه اليمين وتختفي بعدين ترد تطلع بعينه اليسار
خذيته ورحت البحر (حوادث)
ولا دكتورة كويتية صغيرة أول ما فحصت عينه جان تقولي عملــــــية
أول كلمه انطقتها قالت عمليه
قلت لها ليش شنو هالحبة وشنو اسبابها
قالت هاذي ممكن يكون سببها الرموش الكثيفة
استغربت أول مره اسمع بهالشي
فسألتها والحين شلون مافي حل غير العمليه
قالت لمدة اسبوعين حطيله كمادات (ماي دافي) على عيونه وعطتني قطره ومرهم
وقالت لي خليه كل يوم يغسل عيونه ويفركهم بشامبو بيبي جونسون الاصفر
نعم!!! شامبو يفرك عينه فيه!! قالت لي إييييييي
قلت لها شامبو بيبي جونسون الاصفر ماغيره
قالت اييييي الاصفر ماغيره
طلعت وحدي مستغربه.gif "Eh S(10)")
سألت اللي اعرفهم قاموا يضحكون ويقوليلي شالدكتوره المخرفه
طبعا انا ما سويت هالشي لاني مو مقتنعه
ولما بحثت بالنت قريت ان اخر علاج للحبة اهوى العملية !! واهيا أول شي انطقت فيه قالت لي عملية
المهم حطيت الكمادات والقطره والمرهم
بس اللي خرعني
انه بعد اسبوع ونص من العلاج
قعد الفير من النوم وقام يصرررررررررررخ من عينه اليمين اللي انا مت من الخرعه
يقولي ماقدر ابطل عيني ، عيني تعورني
حاولت افتحها ولا حمرررررررره
غسلت عينه وحطيتله كمادات وغيبته عن المدرسه
الحين راح الاحمرار والعوار
بس انا حدي خايفه وقررت اوديه طبيب خاص
بس ابي رايكم منو احسن طبيب عيون؟؟؟
وفي احد مر بنفس الموقف؟؟
عفيه بنات محتاجة مساعدتكم هاذي العين أغلى ما يملك الانسان
رشحولي دكتور عين زين وعن تجربة
للأسف ماعندي فكره عن دكاترة عيون ولا تسوين الي قالتلج عنه ماكو شغل افكر عين
الياهل بشامبو @@
ماحبيت اطلع من غير لا ادعيله حبيبي الله يشافيه ويعافيه من كل مرض ويخليه لج
بانتظار ردود البنات
بس ليش مو مقتنعه بالعكس كلامها صحيح انا طلع فيني العام جذيه وقال لي الدكتور سلطان المطيري نفس كلام دكتورتج وللحين استخدم شامبو الاطفال بيبي جونسون لعيوني وقال لي كمديهم والحمدالله بسرعه تعافيت من بعد الله سبحانه توكلي علي الله وكمديه واغسليه بشامبو مايضر بشئ ترا ومايشوف شر وعسا الله يشفيه لج
عيل يمكن صج يفيد
صح كلامج خل استخير واتوكل على الله
ودكتورج زين ؟ وين عيادته؟