حامل ودوام وما عندي خدامه أترك الدوام ؟؟

حياتي ..، روحي عند دكتورتج وسويلج تقرير طبي وودية الدوام

يعطونج شهرين بهالشهرين ارتاحي فيهم الصبح وجزئي شغلج خليه على دفعات يعني مثلا الغسيل مرة بالاسبوع و تنظيف دامكم للحين 2 يبيلج شغاله امج او تنظيف بالساعات خليهم ينظفون لج البيت وعطيهم المقسوم وخلهم يتوكلون على الله وبنفس الوقت جابلي ريلج ودلعيه

قدمي ع خادمة احسن لج

ع فكرة انتي نفس حالتي انا ادرس وحامل وماعندي خادمة والله يعين افكر اوقف قيدي

*

حبيبتي اهم شي صحتج والوظيفه سلاح الحين واغلب الي يحملون على طول يجيبون خدامه
انا اقول طلعي لج دمعتين جدام زوجج ان نفسيتج تعبت من الضغوطات الي عليج وخايفه على البيبي وخايفه من تقصيرج لايطول واوصلي معاه لحل يريحكم اثنينكم

الله يهون عليج

يعني الحين الخدامه شي اساسي انا دوامي من 8الي 5ونص ومتزوجة وماافكر احط خدامه

اعتمدوا علي انفوسكم شوي الخدامه جايه من ديرتها ماتعرف حتى النظافه شوفوا الاجانب موظفين ومتزوجين وعيال وماعندهم خدم منسقين حياتهم ..

استقيلي ،، انا نفسج استقلت ومجابله بيتي وعيالي

بس انا عندي معاش وشايله نفسي ،، فعشان جذي مافرقت معاي وقت الاستقاله لانه لو بستقيل وانحرم من المعاش ماراح استقيل صج ريلي مايقصر بس لمن يكون بيدج المعاس غير ،، بس اذا ريلج راهي وقد كلمته يسويلج استقطاع شهري استقيلي ارتاحي شوي متا ماستقرت امورج ردي

وقبل كل هذا استخيري

1- أني ارد من الدوام والله حتى الصلاة مالي خلق أقوم أصليها ..

_صليها ولو على كرسي لا تتركين صلاتج

2- واهتمامي بنفسي وريلي صفر % ..

_حاولي تبتسمين وماتبينين تعبج باسوء الظروف

3- مالي خلق أطبخ لأني أرد تعبانه .. وصعبه كل يوم أكل من المطاعم ..

_اشتري من الجمعيه الاشياء لي تتسخن بسرعه

4- بيت أهلي بوادي وأنا بيتي بوادي يعني ماقدر أروحلهم بسيارتي ..

اذا لهم سايق خل يوصلج الاكل

5- البيبي ناطرته من أول ما تزوجت .. ومابي يصير فيه شي لاسمح الله من هالتعب ..

اذا عندج اجازه قدمي عليها

6- بيتي يحتاج تنظيف وحتى لو أجيب خدامة بالساعات هم البيت يحتاج تنظيف يومي خفيف ..

_بلليل اشتغلي على البيت ونظفي

7- مسؤولي يعصب إذا خذيت مرضيه أو تأخير ويسويلي سالفه .. ونفسيته خايسه

_مرضيه مايقدر يتكلم من حقج وقولي له حامل وبيتنا بعيد عن الدوام شسوي يعني

وأنا تعبت منه والله .. غثيث وعصبي .. ومايقدر أني حامل وتعبانه رغم أنه متزوج ويدري

شنو يعني المرا لما تحمل .. وأنا بلغته أني حامل ..

8- شهادتي دبلوم .. يعني الراتب مو ذاك الزود ولا المسمى ..

_الدبلوم على الخامسه حلو والراتب متوسط

9- الطريج زحمه ويخوف من هالأوادم اللي تبتون والله صرت أخاف حيل من الحوداث ..

_ماعليه هذا رزقج باجر ببتقاعدين وبتتمنين انج للحين تداومين لول

من رأيي تركي الدوام حاليا ولاحقة عليه إن شات الله
وصلي استخارة بعد ؛))))

استقيلي و اعتبريها راحه و فترة نقاهه

عقب الولاده انشالله حسني وضعج و حاولي تكملين ع شهادتج و توظفي بمكان احسن

استخيري

موفقه

قدمي اجازة بدون راتب حتى ولا استقيلي لين تولدين ويصير البيبي سنتين عمره ردي توظفي
ترى ريلجح اليوم ساكت باجر بيتحلطم
هاملته وهاملة البيت ولا طباخ ولاشي

انسي تستقلين شيلي هالشي من مخج

الحمال تعب بس فتره وتعدي

تأقلمي حطيلج جدول ولاازم لاااااازم تجيبين لج خدامه الحين على الأقل تردين البيت تلاقين البيت يلق

الهدوم مغسوله ومكويه وحتى مقصصه لج مثلا الخضرا والبصل انتي بس تكملين الطبخه للغدا

ديري بالج تستقيلين اكبر غلط

يعني انتي الحين تزوجتي خلاص مو كل ماصارت لج مشكله قلتي بستقيل غلط

طلبي الحين ع الخدامه واهتمي بروحج وبيتج وريلج لاتهملين روحج ..
ولاا تستقيلين من دوامج

لو راده عالخدم في خدامات نص دوام
ايوولج البيت يساعدوونج

والاهتمام بنفسج خليلج يوم بالاسبووع خل نقول يكون ريلج طالع فيه للدوانيه استناسي فيه برووحج

غير جذي قدمي على اجازه من غير راتب
عدلي وضبطي امورج وشووفي طريقه ريلج هل تقدرين تعتمدين عليه وويشيل مصاريفج او لا

وبعدين قرري

حبيبتي انتي مبين عليج حابه تتركين الوظيفه بس تبين احد يشجعج على هالشي حبيبتي انتي عارفه ظروفج و انتي الي تعبانه و محتاسه المفروض انتي تقررين و تشوفين الي يريحج