|
|
السلام عليكم
ينات انا حامل بالثامن وكان عندي اجهاض وبعدين ولادة مبكرة
والاسبوع اللي طاف ياني طلق ووقفوه
وابي اطلب مجلس طبي شلون الطريقة
علما اني اشتغل بوزارة الصحة وبيتنا تابع لمستشفى العدان
اول شي طلبي من دكتورج يكتبلج تقرير عن حالتج اناطهري يعورني ووووو الخ ونطري متي يخلص التقرير
طلبي من دوامج بكتاب رسمي تحويلج للمجلس الطبي مع التقرير الطبي الي يايبته من الطبيب وهذا طبعا كل شي عندج منه نسخه
عقب مايوافق مديرج المباشر والي فوق اهم يودون كتاب الموافقه للمجلس
اخذ نسخه وروحي راجعي فيها يحددولج موعد وتري بيكون عقب شهر اول اقل
نطري موعدج
وروحيلهم ودشي عاللجنه وان شاء الله عقب الاسئله يوافقون عليج
انا سويت الاجراءات بنص السابع علي ماخلصواوراقي كنت باخرالثامن رحت موعدي وقلتلهم خلاص انا بدش التاسعو مابقي شي
وقلتلهم اني احتمال اولد مبجر
كسرت خاطرهم ووافقو
انزين المجلس الطبي ايهو اللي بمستشفى الصباح
لان جنه شفت ناس بمستشفى العدان عند الحوامل يتكلمون عن المجلس الطبي
*وتولدين بالسلامة يارب
انا قدمت عليه من نهاية شهر 1 وحطولي موعد اول 3 ويوم قلتلهم شلون على مرضياتي اللي طافوا قالوا لازم تييبين ورقه اعتماد توصيات طبيه هم تطلبينها من دوامج بس لازم يكون عندج مرضيه اسبوعين متواصلين
ماقدر افيدج بخصوص موضوعج بس شفت نكج حبيت اتطمن عليج
وادعيلج
الله يقومج بالسلامه يارب
وطلي علينا لاتخلينا نحاتيج
وعن المكان بالشويخ ولا بالعدان
الحبن بدش التجمع
|
المشاركة الأصلية كتبت بواسطة cherry tree
 انزين واذا اللجنة ما واففت ينحسب لي غياب؟
وعن المكان بالشويخ ولا بالعدان |
اي ينحسب غياب اخذيهم مرضيات عشان ان ما وافقوا الا انتي بالسيف سايد
عن المكان انا كنت بشويخ لاني تابعه للصباح ومادري عن العدان
أنا للأسف مانفع معاي قدمت عالمجلس تقريبا من الشهر الثالث بس ماوفقوا وانا نفسج بالعدان والحين أنا الحمدالله باخر الثامن بس وغبت تقريباً شهرين ونص بس كله خصم وصل لي 800 دينار وياريت عالاقل دزولي المنطقة ورقة بأيام الخصم كان أهون علي عشان اعرف طريقة الخصم بس الحين صج ابي اسوي اعتماد لطبياتي بس ماني عارفة شلون الطريقة
يااااااريت ليموووووووونة تفيدني بالخطوات وأكون شاكرة لها من كل قلبي
عقب مايوافق مديرج المباشر والي فوق اهم يودون كتاب الموافقه للمجلس
دام السالفه فيها موافقه المدير لا بالله كدينا خير 
انا بالثامن بس تعبانه وما اقدر اقعد كلش .. دوامي 8 ساعات وقاعده على مكتب :
بس انتي دام عندج ولاده مبكره واجهاض عيل انشالله بيوافقون عليج
اول شي لاااااازم يكون عندج مرضيه اسبوعين او اكثر من مستشفى بورقه وحده يعني كاتبين لج راحه لمدة اسبوعين مو مرضيات مفرقين
تروحين دوامج وتقدمينهم (المرضيات) مع تقرير عن حالتج من المستشفى ونموذج تحويل مجلس طبي من الدوام وتقولينلهم ابي ورقة اعتماد توصيات مرضيه عشان اتحول مجلس طبي .. طبعا راح تحوس بدوامج من رئيسج لي المدير لي الاجازات والدوام لي لي لي (علوووووني ) اخر شي تودينها المجلس الطبي وتسوين الاجراءات بعدها تروحين تاخذينلج موعد عشان تدخلين عاللجنه
انا ماكنت ادري عن المرضيات ان لازم اقدمهم وماكنت ادري انه في ورقه اسمها اعتماد طبيات فعطوني اللجنه من تاريخ اللجنه وقالولي لازم تسوين هاللويه كلها عشان نعتمد مرضياتج اللي طافت تعييزت صراحه وقلت ماتسوى قدمت مرضياتي للدوام قلت طاف خل يحسبونهم مرضيات
اتمنى اني فدتج واي سؤال انا حاضره