حامل بالأول وما اعرف شي !! :)

الف الف مبروك حبيبتي الله يتمم عليك يارب
الي اعرفه ان بعد التحليل تنتظرين 3 اسابيع تقريبا عشان اذا رحتي يكون الجنين فى الاسبوع السادس او السابع فيبان الكيس ودقات القلب بعدين تدخلين على الدكتور او الدكتوره بيعلمك متى تراجعين تقريبا في الشهر مره او كل 3 اسابيع بس لازم تاخذين الفولك اسد من الحين لانه مهم جدا ان شاءلله يمنع تشوهات الجنين خذي حبه ال5 مل غرام مره وحده فى اليوم بس ادويه التثبيت و البيبي اسبرين هذا الدكتوره لازم توصفه لك لان يمكن ماتحتاجينه وباقي الفيتمينات تاخذينها على اول الشهر الرابع ان شاءلله

أأأأأأأأأاب
مبروك

مو عارفة شسوي الحين متى ابدأ مراجعات ؟ انا بروح م. السلام ف منو احسن دكتورة ؟؟
شنو اشرب فيتامينات او كالسيوم او حديد ؟

اول شي الف مبرووووووك والله يثبته ويحسن خلقه
ايه ابدي مراجعات انا انصحج بدكتوره ليلى ابو ليل شااااااااااطره
بالصفاة الامريكي
والسلام يمدحون الدكتورة نجمه بس ماعرفها
اول الاشهر ماتاكلين الا فوليك اسيد بس الفيتامينات اتوقع بعد الرابع او الثالث

متى اقدر اطمن ع النونو واشوفة او يبان وضعة ؟
هل سونار مهبلي او الي فوق البطن ؟؟؟

الحين يبين نقطه سودااا بس طبعا السونار فوق البطن

وشنو الاشياء الي مضرة للحامل (مؤكولات مشروبات ) حركات سريعة رياضة ,,, الخ

بعدي عن كل الاكل اللي مو صحي الوجبات السريعه والمشروبات الغازية
والادويه الا باذن الطبيه والرياضه مادري اسالي الدكتورة احسن بس اول الاشهر مو زين المشي واجد

وشنو الشغلات المفيدة للحامل مثل (مؤكولات مشروبات) الي تفيدها في هالمرحلة
؟
امممم التمر مفيد والفواكه والخضااااار يعني اكلي كل شي فيه فيتامينات والحليييييييب

متى الكروشة تبدي تكبر وتزدهر ههه ؟

انا بينت من الرابع شوووووي بالسادس بينت حيل

الف الف الف مبرك الحمـــال والله يتمم عليـــــج حاولي ماتمشين واجد وكثري من شرب الحليب والفواكـــة وابتعدي عن الدارسين وهالشغلات وعئبــــــــــــــــــــــال ماتشوفين البيبي بين ايـــــــدينج متعاااااااافــــي …… :>

مبرووك حياتي راجعي من الشهر الثاني والسونار على البطن موادخلي وهو يعطيج فيتامينات وحديد وكالسيوم وانتبهي لاتمشين واجد خلج اكثر شي منسدحه واكلي الفواكه واشربي حليب لبن اشياء مفيده وصحيه والكرشه تبين بالرابع وطالع والله يثبته

آمين يارب وياكم ان شاءالله
ما قصرتوا بنات الله يوفقكم ان شاءالله

تسلمون يارب

شوفي هالرابط

نصائح ذهبيه للحامل..

اية شفتة يهبل كله معلومات قيمة
مشكورة يالغلا
كلج ذووق

بنات ضروري ردوا علي
الدكتورة تقول كيس الحمل صغير جدا وانه انا مو بالشهر الاول لا اقل
وقالتلي اصلا بتحليل الدم ما يبين انا باي شهر

انا خايفة اتقول مو مبين بس كيس صغير
وانه اراجعها بعد اسبوعين

انا خايفة وايد
امانة ادعولي يتثبت ويكبر

بنات ضروري ردوا علي
الدكتورة تقول كيس الحمل صغير جدا وانه انا مو بالشهر الاول لا اقل
وقالتلي اصلا بتحليل الدم ما يبين انا باي شهر

انا خايفة اتقول مو مبين بس كيس صغير
وانه اراجعها بعد اسبوعين

انا خايفة وايد
امانة ادعولي يتثبت ويكبر

عادي يالكاكاوه انتي ماكو مشكله الجنين توه عنونو بيكبر انشالله والله يثبتلج اياه انا ماكو جيس ولا شي بس نقطتين شفت وللحين الجيس ما تكون موعدي بعد اسبوعين عادي لا تحاتين بس ديري بالج على نفسج

عالبركه ي قلبي … الله يتمم عليج

حبيبتي بعدي عن التمر والحلبه والدارسين والاعشاب الباجي الاشهر الاولى لاني سائله الدكتور قالي هذي تاكلينه اخر الاشهر بس
لانها تنوكل اخر الاهشر عشان تسهل الولاده ..|~ْ

موفقه

ياسمين / طمنيني الله يطمن بالخير يارب وتكبر اجنتنا وانشوفها ونسمع نبضها يارب

كلي طفولة : مشكورة ع النصايح ما قصرتي

سؤال صغير : في اي اسبوع يكتمل جيس البيبي ويبان الجنين الي يكون سبحان الله مثل حبة الفاصوليا وينسمع نبض الجنين ويبان مقاسة عدل
الدكتورة نهادة حسني بالسلام
قالت لي مو مبين غير كيس وحجة مو طبيعي صغير وخل اشوفج عقب اسبوعين وانشوف وصرفت لي فوليك اسد
وقتلة ابي مثبت لاني خايفة جان ع طول تكتب لي الدفستون 3 علب مدة شهر وقالت لي انتي شكلج موسوسة

انزين اكيد بصير موسوسة هذا اول حمل لي والله يدري شكثر كنت ملهوفة ومتشوقة وادعي ليل نهار ان ربي يرزقني واكون عادي باردة !!
لا ما اقدر

المهم تعتقدون بنات ما يضرني ؟ ابدأ فية اتوكل ع الله
لانه ما قالت لي شيسوي وجذي بس كتبته لي وطلععت !!

ناطرتكم عفية