|
|
السلام عليكم
كتبت هالموضوع لعل وعسى القى وحده نفس حالة قطوتي او سمعت بهالحاله وممكن تفيدني او عالاقل تطمني
قطوتي عمرها 9 شهور.. وديتها قبل اسبوعين رويال البيطري عشان تجيك عليها وتفحصها وكانت سليمه ماشاءالله ومافيها الا العافيه وقلتلها ان قطوتي ماتحب تعلج الاكل تبي شي سهل تبلعه على طول
قالت لازم اغير اكلها واعلمها انها تطحن
شريت لها معلبات fancy وكلته .. بعدها بيومييييين بلشت ترجع عزكم الله!
قلت يمكن لانها تبلع وماتعلج وقصت .. ثاني يوم حتى الماي ترجعه وصار فيها حراره وخمول وماتبي تاكل وكله نايمه
وديتها مرة ثانيه قالولي احتمال حايشها الفايرس اللي منتشر هالايام وسوولها تحاليل وقالولي سليييمه من هالفايرس ! عطوني ابرتين وحده حق الترجيع والثانيه تنزل حرارتها
بس ماتحسنت!! واستمر الترجيع والحراره وااااايد مرتفعه وماتاكل كللللش
رديت وديتها وقالو يمكن بالعه شي وسوولها اشعه وشافو ان امعائها ملتصقه ابعض ومتشنجه و لاااازم عمليه @@ !!
قلت امري لله وان شاءالله تتحسن وتصير زينه
سوو العمليه ومالقو شي متعلق بس كانت تقلصات وتشنج..
بعد العمليه بيومين (طبعا كانت رافضه الاكل وترجع اذا غصبوها تاكل) شفتها والا حالتها تكسسسسسسسسسر الخااااطر والله بجيت لما شفتها
موووو قادره تتنفس !!!!
جنه في شي واقف ابلعومها مو مخليها تتنفس
طلعتها على مسؤوليتي قلت يمكن ترتاح بالبيت وتحس بالامان وتحاول تتنفس بهدوء
بس ماكو فاااايده
فجأة تفز من النوم مختنقه وتبي ترجع
وديتها اليوم قالي بلغم ومن كثر ماترجع صار فيها قرحه !!
استغفر الله ما ادري شصدق وشخلي .. كل يوم حجي وكل يوم دوا غير وكل يوم حالتها تسوء اكثر
والحين قاعده وحاطه ايدي على قلبي خايفه انها تموت اي لحظة جدامي !!
مادري شسوي ! لا اكل راضي يدش معدتها ولا دوا نافع معاها ولا اهي اللي قادره تتنفس عدل
خواتي ادعو معاي ان الله يشفيها ويعافيها ويرحمها برحمته
مابي استاثم بهالمسكينه ولا ابيها تتعذب بس صج مابيدي شي
واذا كانو المستشفى لاعبين فيها فحسبي الله ونعم الوكيل فيهم
وسوري على طوالة الموضوع بس كنت بحاجه اني اتحجى وسمع حجي يريحني.gif "Eh S(2)")
على قولتج ماتاكل. لاااااااااااااازم درب لازم مافيها روح تعال
وديها مستشغى الوفره ويعطونج الحل النهائي ان شاء الله
تكفين حرام دام ماتاكل راح تموت لاااااااااازم درب لازم
آنآ قطوووي تقريبًآ مثل حآلته
من طبيب لي طبيب مآكو فآيدهـ مغير يعطونه من هآلآبر 
وآلحين كآهو طآيح كآنه ميت بس يتنفس وبآرد حيل آدفي له آلفوطه بآلدفآيه حآره وآحطهآ عليه
وشكله بيموت كل شي سويته مآني عآرفه شسوي فيه
قآل آلدكتور حآيشه آلفآيروس آلي يقتل آلقطط
وآلله جد ضآق خلقي وحآسه فيج
عسى ربي يشفيه ويقومه بآلسلآمه يآرب
ويشفي قطوووي يآرب
اتذكر مستشفى رويال عنايتهم كانت افضل لمثل هل حالات المفروض تتنوم عندهم و يعطونها مغذي و كمام و يسوون لها غسيل للجهاز التنفسي جذي سوو حق قطوتي لما مرضت حيل صحيح خذو فلوس وايد بس ما طلعتها منهم الا و اهي سليمه