حاارج

مرحبا…
بناتت في تقريبا في الشهر الثاني و ذابحني هال يومين الحارج!! مو طبيعي جنه نار في معدتي.. و تعب و ارهاق فظيع !!1
هذا اول حمل و ما عندي خبره شسوي؟؟
تحياتي

جربي الروب انا لمن اكله يروح عني..

الله يعينج حبيبتي

شربي حليب بالموز

والحليب البارد بعد ينفع

وفي حبوب بالصيدليه اسمها يبدي بحرف n

تقريبا سعرها 750 فلس

وتوخر عنج اللوعه وتخليج تاكلين على راحتج

عن تجربه الحبوب فادتني لمده شهر وشوي

وبعدها معدتي قامت ترفضها والبيبي يردها لمده يومين وبعدين اختفت اللوعه نهائيا

الله يسهل عليج انشالله

فى حبوب بالصيدليه وشفى الفوار اذا ينفع لج انا الفوار بطعم البرتقال يوخره عنى على طول
بس ماجربته وانا حامل للامانه
وعسى الله يوخره عنج

قولي حق دكتورتج توصف لج حبوب Zentac

لون القوطي عندنا بالكويت أبيض وسماوي ومن غير رسمه
أنا الحين أستخدمه صارلي يومين أخذ حبه وحده على الريق لمدة عشرة أيام مـــــــــــو طبيعي من أخذته وأنا مو قاعد اييني حارج أبد
بعد العشر أيام وصفتلي Gaviscon

قالتلي بعد الحبوب (10 أيام) آخذ الـ Gaviscon عند الحاجه فقط

أنا أراجع عند دكتورة نداء بوخضور هي اللي وصفت لي الدواء (جزاها الله خير)

امو حبوب عطتني اياها الدكتوره العلبه فيها 10 حبات

وايد خففت عني اللوعه بس خلصت العلبه

ماشريت غيرها قلت خلاص كافي حبوب

ردت عليي لوعه مو قادره اكل على راحتي

بس شسوي الحمدلله

لازم حبوب حبيبتي علشان تروح اللوعة

انا كنت اكل خيار على طول يروح الحارج
او اشرب حليب بارد بس يكون خالي الدسم

فى بسكوت الى ينباع فى قسم الرجيم يابس ………..هذا وايد زين حق اللوعه

حبيبتي حليب بارد و خيار احلى شي

والله نفس الحاله ..

انا اشرب حليب بارد ولا تنسدحين على ظهرج بعد الاكل عشان ما تصعد الحموضه

اكل ايس كريم يعني بريد يروح الحارج ويارب يهون عليج

الله يعينج ان شاءالله …

لا تكاين شي في فلفل وتوابل واااايد لان يسبب لج الحارج وخصوصا بالليل متأخر قبل لا تنامين ومثل ماقالولج البنات روب وخيار والحليب واااايد زينين حق الحارج … واذكر ان في علوج بالصيدلية تاكلينهم يخفف الحارج كنت آخذهم وانا حامل من صيدلية مستشفى دار الشفا

حليب بارد و خيار و بسكووت