|
|
السلام عليكم ورحم الله وبركاته
اشلوووونكم عرايس ؟؟؟ 
حبيت احطلك هالموضوع اقتباس من موضوع بالمنتدى عجبني بس حبيت اطوره واجدده ويكون ادق (خاص بالعمره)
اول شي اعرفكم بنفسي<< اخلصي بس 
معاكم نوووره عروس عرسي بعد شهر انشالله 
واتمنى تكون بداية حياتي الجديده بارض الله الطاهره … وانشالله بعد الزواج بطلب من زوجي يوديني عمره وتكون هذي اصباحيتي
حبيت احط هالموضوع لكل العرايس الي بتسافرو اللي ماراح اتسافر … بتقولون وش دخل الي ماراح تسافر
الي ماراح تسافر يمكن تكون مفاجأه السفره او يكون عرسها بوقت صيف ويقرر بعد العرس يوديهااا سفره او يمكن اهيا تطلب منه
المهم احتياااطا ضيفي هالموضوع لملحقاتج وبتحتاجينه وقولي نوره ماقالت
بس اتمنى تفااعلكم معاي وراح يبين من ردودكم واذا في شي ناقص او مبالغ فيه نبهووني عليه
وبيكون الموضوع
اول شي اتمنى تكون بداية حياة كل عروس مع زوجها بارض الله الطاهر (مكه المكرمه)
اول شي جنطة السفر وتكون صغيره موكبيره جنج مهاجره خليهااا صغيره عمليه ومرتبه
واتوقع كل وحده بتشتري اطقم جناط لجهازها راح تستخدم اصغر جنطه (مثلي)
افتحي الجنطه ورتبي اغراضج معاي
العبااايه : اللي تلبس راس او كتف
(1)اللي تلبس راااس(منقبه )
عبايتين راس وحده ناعمه بس فيها شغل خفيف ,
ووحده ساديه بالمره حق الاحرام عشان ما يطقونج المطاوعه هناك ههههههههههههههههههههه
ونقاب واحد كافي
وبوشيه وحده (بوشيه =غطوه) حق الاحرام
……………..
(2) اللي تلبس كتف(منقبه ومو منقبه)
عبايتين كتف وحده ناعمه وكشخه بنفس الوقت مطقمه مع ملفعها بس لا تلبسين دفش …
ووحده ساديه مع ملفع سادي مرييح وراهي حق الاحرام ..
ونقاب واحد للمنقبه << واذا تبين 2 اذا بطولين بالسفره
…………………..
الحين للكل
لا تنسين كاب (الطاقيه) اخذي 2
دلاغات شفافه (اسود او بيج حسب الي انتي متعوده عليه ) اخذي 2
…………..
الجنطه والنعول (تكرمون)
جنطه كشخه مع نعلها تكرمون<<يستحسن تكون ماركه
ولا تنسون البوك يكون نفس الجنطه لانه بيطلع واجد من الجنطه وبيبين فخليه نفس الجنطه هههههههههههههههههههه
الجنطه وحده كافيه لكل السفره والنعل اخذو ثنتين وحده كشخه ووحده عمليه للمشي (طبيه)
……………………………
ندخل الحين على الي تحت العبايه
اخذيلج تنوره كشخه مع اكسسواراتها وتكون خفيفه ومريحه (عشان الصيف حر)<<بدله وحده كافي لا تكثروون بنات عشان ما تكبر الجنطه
واخذي معاج بين 2 الى 3 دراريع قطنيه مريحه ((قطن عشان يمتص العرق بالحر مو استرج عشان ما يلزق على جسمج )) شوفووو ماركس اند سبنسر عنده دراريع حلوووه ب10 اخذي وحده لانهم غاليين وال2 الثانيات خليهم من بو دينار ونص او دينارين ونص الي بسناء حلووو
…………………..
ندخل على الملابس الداخليه
اخذيلج شلحتين قطن وتكون وحده منهم بستيان لانه بنات اللي بستيان ترتب الجسم وتصبه صب ويطلع زوولج حلووو على الدراعه والثانيه تكون بدون ستيان او بستيان هم حسب انتي شنو ترتاحين له بس انصحكم تاخذون لو وحده بستيااانها عالاقل حق اول يوووم عشان ينبهر بزولج رجلج <<<من الشلحه والله لو انها مشد ههههههههههه
اخذيلج شووورت استرج واحد(اللي مثل المشد تلقووونهم بالجميع ومستوره وانور وكل محلات اللانجريز) وو شورت قطن مريح واحد <<< اللي ما تاخذ معاها شووورت تبشر بابو زليييييغه
والستيان اخذووو معاكم مريحات 1 او 2 مو اكثر
والسليبات الداخليه كثرووووووووووووووو منهم (اخذو من الرخاص الي بماكس او الي عند الهنود الي الدرزن ب دينار ونص مثلا هيك شي )
لانج مالج خلق هناك تغسلين واصلا ما عندج وقت وفشله تغسلينهم وتنشرينهم بالحمام قدام الرجال ههههههههههه
واذا صار شي تكرمون تقطينه على طول بالزباله ماعليه حسوووفه <<انتو عارفين العمره مشي
يعني انا انصحكم تاخذووون اللي علبه مستطيله فيها 10 مادري 12 سليب <<ما ياخذووون حيز بالجنطه
………………………
ندخل الحين على القمصان ومستلزماتها
اولا اخذي معاج قميصين نووم مع روووبهم مطقمين كشششششششخه اخذي احلى 2 عندج بدلي فيهم
ولا تاخذين اكثر لانج ماراح اطولين بالعمره اقل من اسبوع راح تقعدين واذا تبين الثالث هم مو مشكله بس انا احاتي الجنطه تكبر
ههههههههههههههههههههههههههههههه
واخذي اطقم ستيان مع سليبهم كشخه داخليه مطقمتهم مع القميصين
**ملاحظه : لا تاخذووون بدل شقه حراام لانه يومكم راح يكوون مزحوووم ماراح تقعدون بالشقه الا وقت النوم وال,,,,,,,,,,,,,,,(افهموها عااد )
ههههههههههههههههههههههههههه
اخذي بجايم عدد 1 او 2
بجامه وحده اذا بتقعدون 3 ايام , ووبجامتين اذا بتقعدون لقريب الاسبوع
اخذي معاج طقم الحمام ,, انا انصحج تاخذين فوطه بس ولا تاخذين الطقم كامل .. لو شهر العسل بدوله سياحيه عندج وقت اترززين وتكشخين بالرروب
فكافي الفوووطه
……………….
والحين ندخل على شغلات الشعر
اخذي كماشات الشعر حسب الي انتي متعوده عليه اخذ 2 اذا وحده انكسرت عندج الثانيه احتياط
واخذي وحده سير واذا عندج حراكات اصغيره وبسيطه ونعومه تجي مع القمصان تحطينه بعلبه اصغنونه مع اكسسواراتج
واخذي المشط حسب الي انتي ترتاحين له برووش او غيره بس واحد كافي لا تشكلون مسوينها فنتك
واخذو الاستشوار مهم لا تنسووونه
كان ودي تاخذووون الستريت معاكم الي مثل الاوتي بس اخذو الهوا كافي
بس في عضوه معانا (اسمها قاااب)<<<لبااا قلبهااااااااا
قالتلي انها شاريه استريت يكفيها عن استشوار الهوا
وانا ما ادري والله اذا فيه ياليت وتاخذونه
بس اذا مافيه اخذووو بس استشوار الهوا كافي …. والستريت خلوووه بالبيت
………………….
ندخل عالاكسسوارات
اخذولكم علبه حطوو فيها خاتمين يمشوون مع البدله او الجنطه
واخذي ساعتج الماركه العمليه .. مو الذهبيه والفضيه
مع سلسال ناعم مع قلبه على لون القمصان
والعلبه حطو فيها الكماشات الصغار او الربطات وفناتكج للقمصان بس تحطينهم كلهم بعليه وحده صغيره وحاولي اتقللين على قد العلبه
ولا تنسين منظرتج الصغيره السممبل بالجنطه ..لاتقولين عادي استخدم منظرة البودره … لانج ماراح تحطين مكياج بالعمره وراح اتوصخج البودره لما تفتحينها
فاخذووو منظره نعومه حلوووه
……………………………
ندخل عالعطووور والبخور:
اخذي عطر عربي واحد مخلط
ودهن عووود واااحد بس
ومسك العروووس من القرشي او ارزة لبنان
والخمريه مهمه <<<بس حطو منها عالخفيف مو تكثرووون على شعركم
وعطر فرنسي بااارد صيفي قوووي
بس واحد لا تكثرين
واخذي بخوورج واذا كانت علبت البخووور كبيره شوفيلج علبه اصغيره او قصدير لفيه فيه
ولا تنسين الفحم وولاعة الفحم <<<خلووو شغلكم كله عينااات تلقون العلب الصغيره عن بو اميه او الجمعيات او علب اكسسوارات عندج اي شي استغليه
واخذي معاج مجموعة الحمام اللي فيها الشامبووو والشور جل والبدي لوووشن او بدي كريم واذا بودرة الجسم بعد بس مو ضروريه بودرة الجسم
واخذي ديودرنت دوري احسن نوووعيه اتوقع دوووف احسن شي جربته
وحمام الزيت اذا بطولين هناك بس اذا بتقعدين بحدود ال3 ايام لا تاخذووون
ولا تنسووون كلينكس جونسووون االمعطر الصغير حطيه بجنطتج
ولا تنسين فرشااتج ومعجونج
والعلج وحلااو المص <<ياليت تكثروون الي بالنعناااع
……………………………………
والحيبن نجي للمكياااج
تاخذيلج علبة مكيااج اصغنوونه اللي حجمها بحجم مقلمة المدسيه <<<شخباااري مقلمه
وحطيلج فيها كريم اساس طبيعي وبودره .. او بوودره مضغوووطه اتبللين اسفنجتها بالماي تكفيج على كريم الاساس
وكونسيلر للي تحت عينها سووواد يستلزم وجود كوونسيلر
واخذي علبة شدووو صغيره الوان ترابيه هااديه
كحل قلم جاااف <<<اخذي ضد الماي اللي بترووح بالصيف عشان ما يسيح
وماسكارا ضد الماي
بلشر (بودر خدود ) <<مهمه حيل <<<اللي من بنفت السائل يجنن حق الصيف خاصه
محدد شفايف لووون هادي مع الحمره والقلووس
ولا تنسووون كريمج المرطب للبشره والايدين <<<حلووو الي من نيفيااا
وبس اتمنى يفيدكم الموضوووع
ما قصرتي بصراحه موضوع متكامل ..
بس لا تنسون الفوط اليوميه الصحيه واللي بتجيها الدوره تاخذ كوتكس عشان ما تتوهق وما تضطر تطلب من ابو الشباب .. 
واذا ذكرت شي اقولكم مع ان ما اتوقع نواره خلت شي فديتها ..
بس ليش حددتي العمره
كان خليتيه عاااااام عالاقل بالعنوان والا المحتوى كيفج
خوووش موضوع
بس انا بالنسبه لي ما اخذ شي واحد بس لازم اثنين او اكثر
سبحان الله يمكن واحد يتوصخ ينكت عليه عصير مثلا الا في بديل
يعني المنقبه نقاب عليها ونقاب بالجنطه
لازم بجامتين حتى لو 3ايام
اي اي بعد بنـــــدووووول ضروري يابنات البندول
طولت عليج ادري
يعطيج العافيه مره ثانيه
خوش موضوع
بس حبيت أزيد على الموضوع لازم تكون معاج جنطه كبيره للهدايا والصوغه وبعد تكون معاج كابرتج لصور الذكرى
سجاده وجلال للصلاه
مصحف صغير
شحاطه للحمام
شاحن للتلفون
غسول لليد من الشايع يغنيج عن الغسول والكريم اذا ماكان عندج وقت
واسمحيلي على تطفلي لموضوعج
تقبلي تحياتي
وايد حلو انه الواحد يبتدي حياته
بعمره
يانها قبل شهر العسل او عقبه
الله يوفق الجميع
خووش موضوع
وانا ان شاءالله ناويه بعد اروح العمره بعد العرس