جهزوا الغترة + العقال + الشوارب ولحقوني عـــلـــى .

واااي بنات لو أقولكم شنو قال عن مجتمع الرياييل في المدرسة صج الي ودكم تلبسون غترة وعقال وتصيرون من " معلمة " إلى " معلم " يعني التاء المربوطة راح تفرق بس!

بقولكم شنو قال على نقاط وبتشوفون أبو الفروقات كلهاااا طبعا أنا نشفت ريجه بالأسئلة وهو يجاوب علي ههههههه بالأخير انحاش عني مع ان عندي أسألة وايد..

طبعًا اجوبته حسب مدرسته الي يداوم فيها، وقالي إن نسبة 90% مدارس الذكور نفس نظام مدرستهم..

،،**،،

1- أي مدرس ما يكون عنده حصة سابعة يقدر يطلع من المدرسة الساعة 1:00 والتوقيع يكون عند الوكيل وفي حالة الوكيل يعني يبي يعر وياهم ويتنيحس يطلعهم 1:10 لول

2- الاستئذان أكثر من 4 مرات في الكورس الواحد، يقول احنا الوكيل يراعينا حيل يعني اهو ولد خالتي المصون مستأذن فوق الــ 17 مرة 5 منهم كتبهم على سجل الاستئذان والباجي بس يقوله الوكيل " الله معاك " لا ويقوله عندك حصص ولا بترجع البيت؟ اذا ماعنده حصص خلاص مايرجع اما اذا عنده ف لازم يرجع >>> واااي ياريت عندنا جذي

3- الصبح التوقيع يشيلونه الساعة 7:45 وبعد هالوقت يحطون سجل التأخير.

4- في حالة اذا حاشته زحمة وهو ياي المدرسة وحس انه بيتأخر يتصل على أحد المدرسين ويقوله يبلغ الوكيل انه بيتأخر واذا كان عنده حصة أول ياخذ أي مدرس معاه الحصة على ما يوصل ولد خالتي ويكمل الحصة مالته ( يقول قسمه نظام متعاونين ماعندهم كل واحد بروحه وحصصه )

5- الوسائل الي يستخدمها داخل الصف كونه مدرس انجليزي: السبورة + 4 أقلام سبورة ملونة + إذا الدرس محتاج مسجلة تدريب صوتي مادري شنو قالي ف يحطه.. يقول ولا عمري قعدت وسويت وسيلة واذا يبي وسيلة يقول حق 4 طلبة كل واحد يسوي وسيلة حق درس معين ويعطي كل واحد 5 درجات

6- ولا مرة حضر داخل البيت ، ولامرة اخذ وياه دفاتر وصلحهم داخل البيت، يقول يخلص كل شغله داخل المدرسة ويطلع منه مرتاح وربعه الي وياه يسوون نفس الشي، وعندهم ممنوع يصلحون الامتحانات الشهرية مال الفترة الاولى والثالثة داخل البيت لازم يصلحونه داخل المدرسة.

7- اذا في مادة احتياط يعني مثلا مدرس رسم غايب ما ياخذون قسم الانجليزي احتياطه عندهم ممنوع يعني مدرسين القسم نفسه ياخذون احتياط مدرسهم يعني فرضا اذا مدرس انجليزي غاب ياخذ الاحتياط مدرس انجليزي مو مدرس مادة ثانية >> احس جذي حلو وعدل مو عندنا

8- في مراقبة على الطابور والمقصف والساحات وقت الفرصة >> زين فيه شي نفسنا

9- الناظر والوكيلين عندهم ربع يعني عادي يروح ويطق سوالف وياهم ويقعد وياهم بغرفهم ويشربون جاي وقهوة عاااادي جنه واحد من الربع مافي رسمية. طبعا المدرسين الكويتيين يسوونها مو الوافدين..

10- الشغلة الي عجبتني ان مافي عندهم مناوبة بالهدة يقول انتوا يمكن علشان بنات لازم توقفون على ما تطلع أخر بنت، يقول اهو بس يطق جرس الهدة الكل يطلع ماكو لا مناوبة ولا مدرس يوقف لول

11- المرحلة انتي تختارين تدريسها حق الكورس الياي يعني مثلا خلصت السنة نفس الحزة فرئيس قسمهم قال حق مدرس مدرس كل واحد يكتب أي صف يحب يدرس حق السنة اليديدة

12 – التصحيح وقت الاختبارات جماعي، يعني مثلا الامتحان يتكون من 4 أسئلة من 4 صفحات كل مدرس يستلم سؤال ويصححه يقول جذي نخلص أبجر وأسرع ويراجعون على الورقة أكثر من 3 مرات ويفقطونه وكل شي.. وقلتله انزين يعني وقت الفاينل متى كنتوا ترجعون البيت اذا كان عندكم تصحيح؟ جان يقول أكثر وقت طولنا فيه اهو الساعة 4:00 العصر ولا العادة الساعة 3:00 اهما خالصين كل شي >> مو احنا واعليا لي 6 ومرات 7 بليل

13- يقول عادي مثلا لما ما يكون عنده حصص يروح يقعد بأقسام ثانية مثلا اهو طاق صحبة مع مدرسين الاجتماعيات ف يروح يتريق وياهم وجذي..

14- طبعا يقول بعض المدرسين الوافدين ريحته تبط الراس والقسم يصير عطنه حدها، يعني ما يدور عندهم سوالف بخور وسنع ومنع مثلنا.. لوول جان سألني انتوا عندكم نفسنا؟ قلتله اي أخس منكم هههه
.

.

.

.