|
|
معروف ان الزواااج قسمة ونصيب ومحد يدري متى الله راح يكتبله ويتزوج لأن هالشي بعلم الغيب والي قاعد يصير هالايااام ان مشالله كل شي قااعد يصير بسرعه كلام حريم
وفجأة الملجة وعقبها الحفلة
وراااها بفترة قصيرة العرس والوحده ما يمدييها تفكر شنو بتسوي والا من وين بتجهز .gif "Eh S(1)")
ووااايد اشياء تروووح عن بالها وتكون مهمة وتنسى تحطها من ضمن جهااازها
واليوووم انا يايبتلكم لسته من اجتهاادي الشخصي 
سويتها حق كل وحده تحتاج مسااعده بجهااازها وانشالله تعجبكم اللسته وطبعا ارحب بكل اضاااافاااتكم علشااان كلنا نستفيد
جهاز العروس
أولا : المجوهرات :
1- الشبكة ( ألماس أو ذهب أصفر ).
2- خواتم تشكيلة مختلفة الألوان والأشكال .
3- طقم ناعم ( للزوارات).
4- ساعتين ( وحدة للاستعمال اليومي ووحدة للمناسبات ).
5- مجوهرات يومية .
ثانيا : الملابس :
1- بدلات للزوارات ( يفضل تنانير أطقم كاملة ).
2- بدلات للدوام والطلعات العادية ( مجمعات وسينما .. الخ ).
3- بدلات كاجوال – سبورت ( جمعية – طلعات شاليه وبر .. الخ ).
4- بدلات المناسبات ( بدلة ناعمة للحفلات الخفيفة وبدلة عرس ).
5- ملابس بيت ( بجامات – بدلات ناعمة تصلح للبيت مثل تنانير قصيرة ونفانيف ناعمة وشورتات وبرمودات لقعدة العصاري… الخ ).
6- دراريع ( دراعتين للمناسبات مثل رمضان والعيد وزوارة في بيت- دراريع بيت احتياط وحدة عالاقل ).
7- عبي ( عبايتين ناعمين وحدة كشخة للطلعات السريعة ووحدة للصالون والطبيب والجمعية تكون بسيطة – وعباية مناسبات).
8- ملابس النوم ( قمصان نوم أشكال وموديلات متنوعة حتى لو ما تتخيلين نفسج تلبسينها على ما تتعلمين على ذوقة – بجامات نوم شورتات قصيرة ونفانيف قصيرة وبديات).
9- ملابس داخلية( أطقم كشخة وأطقم ناعمة – وستيان لبدلات الحفلات- وسليبات يومية وسليبات شهرية – شلحات وكورسيه اذا نوعج تلبسين ).
10- ملافع حسب الذوق مع مراعاة يكون جم واحد كشخة للمناسبات .
11- احتياجات القدم( دلاغات للجواتي والبيت – دلاغات شفافة وجيجي للنفانيف القصيرة – ونعل للبيت جم واحد ).
ثالثا : العطور والمكياج :
1- عطور شرقية ( بخورنوعين معمول وبخور للمناسبات – دهن عود – مسك ابيض للعرايس ومسك اسود … عطور بروائح شرقية ).
2- عطور فرنسية ( عطور خفيفة يومية – عطور ثقيلة للمناسبات – عطور للمساء والسهرة ) .
3- معطرات الجسم ( ديودرنت – بودر جسم – عطور للجسم سبراي و دهن ممكن مع العطر مالها – كريم للجسم معطر ).
4- معطرات الفرش والبيت .
5- كريمات العناية بالبشرة ومكياج ( كريم الليل – كريم النهار – حماية من الشمس – كريم اساس واحد استعمال يومي واخر للمناسبات – بودرة للوجه لونين فاتح وغامق – احمر خدود عدة ألوان – حمرة شفايف عدة ألوان غامق وفاتح – جلوسات عدة ألوان ونكهات- مكياج العيون شدو وكحل قلم وسائل ومسكراوقلم حواجب وتحت الحاجب – لمعات للسهرة والحفلات ).
رابعا : الإكسسوارات :
1- اكسسوارات شعر ( شباصات-باندات وتيجان- ماشات للبيت والمناسبات-كبابيس للبيت والبحر ).
2- اكسسوارات الملافع (دبابيس انواع واشكال – أمطات- وردات).
3- اطقم اكسسوارات حسب الذوق ناعمة وللمناسبات – خواتم – اساور- تراجي- حزامات).
4- اكسسوارات للكبت ( تقسيمة للكبت – علاقات ملابس موديلات حسب الملابس – تقسيمات للتسريحة … الخ ).
5- احذية ( صنادل اهم الالوان اسود وابيض وبيج وبني طولين كعب صغير وكعب طويل – جوتي رياضة- صنادل للبحر والبر والطلعات الخفيفة- جواتي مسكرة للمناسبات ).
6- جناط ( جنطتين ماركة عالاقل اسود وبني – جناط الالوان الي تحتاجينها – جنطة هاند باج للشاليه والنادي – جناط للسفر يفضل طقم 2 متوسطين الحجم ووحدة صغيرة – جنطة للمكياج تفيد للسفر وجنطة الايد – جنطة سبور جانبية او جنطة للخصر ).
خامسا : الأجهزة الكهربائية :
1- سشوار نوعين عادي وستريتنر .
2- مكينة حلاقة اخر موديل .
3- أوتي بخار وعادي .
سادسا : لوازم العناية الشخصية :
1- ماسك وسنفرة للعناية الاسبوعية .
2- قطن واعواد أذون وكلينكسات للجنطة ومعطرة انواع متنوعة وكوتكس).
3- ملقط ومقص صغير وكبير .
4- عدة بديكير ومنيكير وصبغ أظافر مع كريم اليدين والقدمين .
5- سنفرة للجسم ورغوة معطرة للجسم .
6- شامبو للشعر وبلسم وماسك وحمام زيت مع الكبوس .
7- شاور جل كذا نوع واملاح للبانيو ورغوة.
8- سيروم للشعر وسبراي مثبت .
9- مشط للشعر .
10- منظرة صغيرة للتسريحة ومنظرة للجنطة .
11- شيرة .
عساكى على القوة
مشكورين على ردوودكم الحلوه
حياج الله وشكرا على مرورج
بنااات قولووولي شنو الي ناااقص باللسته حتى لو شي بسيط علشااان اضييفه عندي 
اتوقع نسيتي فرش للسرير وكفرات
صح معااج حق بس انا يمكن ما حطيت فرش السرير لانه من ضمن الاثااث ولو باحط راح احط اشياااء غيره وااايد بس هم مشكووره للتذكير
شوشو *** فوفه *****سوفت ليدي*****
مشكورين على مروركم وحيااكم الله
وعسى الله يحل مشكلتج ونشوفج عروس
شكرا على مروركم وانشالله تستفيدووون