|
|
اشلونكم شخباركم ؟
حبايبي المتزوجات والي تعرف من العرايس ابي ترتيب حلو حق جنطة شهر العسل اذا كانت السفره حق ماليزيا وتمتد الى 20 يوم
عفيه بنات فيدوني شنو احط واشكثر وخاصه انه زوجي يقولي خلي جنطتج كثر ما تقدرين صغيره ههههه << بالاحلام
المهم ياليت لو وحده تعطينا ترتيب حلو وكوول يا كوول هههههههه
وشكرا
وبالتوفيق جميعا انشالله
وبصراحه ما اعتقد الجنطه الصغيره بتكفي ل20 يوم لانج عروس ويبيلج تبدليل وغيارات…
اول شي حبيبتي…
اخذي معاج 6 قمصان نوم او 4 كااافي لانج شهر عسل ولازم تقتصدين
وكثري من الملابس الداخليه عشان باليوم بتبدلين على الاقل 3 مرات
واخذي 3 بجايم حرير و4 بجايم قطن ونوعي فيهم طبعا بين الظويل والبرمودا والشورت
الحين طلع عدنا حوالي 13 او 11 بجايم وقمصان تنوعين فيهم وقت النوم ووقت القعده << القعده اقصد البجايم الصبح او باليل
نجي للجنزات والتنانير القصيره
اخذي جينز طويل وجينز برمودا وشورت << غيري باللونين
واخذي جينز ثاني احتياط
واخذي معاج تقريبا 6 بدليات منوعه من علاق وكت ونص جم << بدلي فيهم على الجنزات والبرمودا
واخذي لج 3 فساتين قصيره وواحد طويل <<يعني كلهم 4
واخذي لج عبايه احتياط غير اللي بتلبسينها من المطار اذا كنتي تلبسين عباية مع جم ملفع يعني ملافع ملونه تمشي مع اغلب البدل واذا كنتي منقبه يكفيج 3 ملافع ان شاءالله
واخذي معاج تنانير طلعه مع قمصانهم يعني بحدود ال4 << لاتنسين انج بتبدلين فيهم مع الجنزات لاتقولين موكافي
وجنطه صغيره حق المكياج الناعم مو الاوفر
علبة عدسات ومحلولها–بندول–عطرين–بخور–عود –ولاعه–فحم–طقم لوشنات–اعاود اذاني–مزيل مكياج–ديودرنت–بودر–كريم مرطب–مشط–استشوار<< حطيهم بجنطه صغيره
واخذي معاج فوط حق الاستحمام—اخذي لج كوكتس –ومني كوتكس للاستعمال اليومي مع الغسول
واخذي لج فلاتين حق التمشي وكعب واحد حق الطلعات والمطاعم
واخذي لج جنطتين كشه بس
واذا انتي ماتلبسين عباايه اخذي لج بدلات طلعه لاتسين بدال الفساتين حق الشقه يعني تعوضين فساتين الشقه لارديتي بالسلامه ان شاءالله
وان شاءالله اكون ماقصرت وقدرت افيدج بلي اعرفه
وأهم شي أخذي جوآتي مريحه لأنه مآليزيه مآينفعلهاا الكعــووب كلــش ..
فديتج والله يالسنافيه ما قصرتي وعسى ربي يوفقج انشالله ويهنيج
وفراشه عزيزتي الكلوتات شنو ممكن اتوضحين اكثر ؟؟
وبكل الصيدليات موجوده ؟؟
وشكراااااا على المرور والافاده
"
"
" الكلوتات يعني اندر وير (سراويل نوع خفيف للدوره أو السفر لاستخدام واحد)
وشكرا على المرور صج ما قصرتو بنات
البنات كفوا ووفوا
وشكرا على المرور
القاهم بصيدليات ؟؟
او الجمعيات ؟؟
اعجبتني فكرتهم
صح كلامها فراشه
خذيهم من الصيدليه يجون في باكيت واحد فيهم عشر حبات او 8 وايد رخيص على دينار ونص جذي بهالحدود
وفي منهم الوان بعد مريحين حيييل حق مره وحده نوعيته مثل الكلينكس ناعم على البشره
أناا لمــاا أسافر مع اهلي أشتريهم من الجميع عجييبه تلبسينهاا وتقطينهاا كرمج الله بالزبآله ..
بسئل أمي إذاا يبيعوونه بمكـاان ثآني وأردلج خبر ..
ههههههه سامحوني على الاساله الغبيه والوايد هههههه
ومشكورين على المرور