جنطة المستشفى

حبيباتي حبيت أطرح هالموضوع لتعم الفايده على كل البنات
وما نتوهق واحنا بالمستشفى ونكون ناسيين شيء ولا غرض
وياريت تكون بالتفاصيل لأنه مرات شغلات صغيييييييييرة حيل بس تكون مهمه

وببلش بنفسي :
1- ملابس البيبي ((أكيد حطيهم قبل ملابسج)) + لفات ثقال شوي عن البروده فوق المهادات+ 3 قطع كبابيس .
2- نفانيفج السنعه (الطاهر وأنور)
3- أندر وير 3قطع + اندوير طويل (لقنز + بدي)
4-كفر المستشفى.
5- مشط + شباصة (مانبي نخرع العالم اللي يزورونا بكشتنا)
6-شامبو + صابون سائل (للحمام وانتو بكرامة)ما أحب أستخدم من المستشفى شيء
7- ديودرن + بودر للجسم.
8- كريم أساس ومسكرة وكحلة وقلوز خفيف + بودرة خدود فاتحة.(أدري مالكم خلق بس أحسن لكم ما تبون اشوفونكم صفر تخرعون).
9-وانتو بكرامة نعال حلو (من الطاهر ولا أنور)ويكون مسكر من جدام .
10-لاتنسون الدلاقات ( البروده تدخل من الريل للجسم كله ).
11- مبخر + بخور + عطر رش مع البخور .
وطبعا أغراض القهوة والشاي والحلو والكاكاو.
والحسو لاتنسون تاخذون الحسو واللهوم وانتوا بالمستشفى

طبعا أنا بولادتي أولا ولاشيء ماخذه حدي غشيمه وبعوض هالمره ما بي أنسى شيء مخترعه ماخذه لهومها المستشفى شسالفه ؟؟؟؟؟ لووووووووووول
وبعد بنات اذا كنت ناسية شيء فيدونا