جم كيلوو نزل منكم بعد الولادة مباشرة

السلام عليكم يا حوامل و امهات….

هذا الموضوع و ايد ناس تختلف عليه

امهات يقولون ننزل على الاقل 5 كيلو وفي ناس اتقول ولا كيلو

و السؤال الثاني اشكثر خذيتو من شهركم لين و لدتوا

انا نزلت9 كيلوو
وخذت من شهري اسبوعين بس بالمرتين يولدووني اول مره عشان الماي شويه
ثاني مره ضغطي عالي بس المرتين طبيعي الحمدالله

انا تقريبا من 7 إلى 8 كيلو بعد الولاده مباشرة
وكل حمالاتي اخذلي تقريبا 3 اسابيع واولد مااكمله كله
والحمدلله كله طبيعي

انا نزلت 8 كيلو تقريبا
ولادتي ودلدي الاول .. بنفس يوم موعدي
ولدي الثاني … عقب موعدي باسبوعين يعني بالعاشر ههههه
بنتي اخر ولاده لي .. بيوم موعدي بالضبط

حبيبتي انا من أول ماحملت لي الولاده .. زدت 32 كيلو ادري راح تنصدمين بس هذا الي صار ماي … وعقب ماولدت نزلت 9 …. وبعدين تقريبا اب 9 اشهر نزلت الباجي وطولت يعني نزلت 23 .. وعلى ولادتي الصراحه كملت الشهر التاسع ودشيت بالعاشر عقب اسبوع حطولي طلق صناعي لان الطلق كان زعلان مني ماكان راضي اييلي بس المعروف انه البجر يكمل شهره … والله يسهل عليج يارب

آنا صراحة خلصت شهري وقطيت 10 كيلوات وعقب سنة قطيت 12 كيلو وباقيلي 8 واااااي متأزمة
مع التحية………..

الحمدالله يعني نقدر نضعف عقب الولاده لانه سمعت من الدكتوره انه يرجع الوزن مثل ماكنتى قبل الولاده ولكن زايد جم كيلو بعد يعني اذا كنتى قبل الحمال 70 بعد الولاده اتردين بالسبعينات بس 75 او 73 او 72 مو مثل قبل الحمال بالضبط لا زايد علي وزنج قبل الحمال ابجم كيلو !!!!

بس انا سؤال هل نرد نضعف عادي وممكن انصير اضعف من قبل الحمال ؟؟؟؟ يعني اذا كنت 70 و حملت وولدت بالسلامه اقدر اسوي ريجيم و اضعف واول مثلا 65 ؟؟؟

اي الاستقراطيه يصير حبيبتي انا بعد الولاده ينزل تقريبا 8-10 كيلو وبحمالتي الاخيره سويت ريجيم ورجعت اضعف واحلى واصغر من يوم ما كنت بنت شرايج ؟؟؟
يلا تولدين بالسلامه ان شاءالله وتضعفين على راحتج

اناازيد بالحمل تقريبا 12 او 13 كيلو و اول ما اولد انزل 8 كيلو و الباقي اظل اعابل فيه بس انا كسولة يعني يظل وزني اكثر من قبل الحمل مثل ما قلتي كل حملة اشيل معاي 4 او 5 كيلو للحملة اللي وراها و … جذيه لين صرت دبدوبه ..هههههه
بس في بنات ما شاء الله عليهم ينزلون و يصيرون اضعف من قبل الحمل اهيا مسألة ارادة اصرار…

بالنسبة لي انا والدة 4 مرات و الحين حامل بالخامس …. ما شاء الله
اول حمل ولدت قبل موعدي باسبوع و ثاني و ثالث حمل ولدت بموعدي بالضبط و الرابع ولدت بنص التاسع .. انا ما يييني طلق بس ينبط ماي الياهل و اروح المستشفى و اكون فاتحة 2 سم و يحطون لي درب و طلق صناعي ويشتغل العوااار وااااي ما بي اتذكر الله يعيني على الطلق هالمرة …. ما نتوب…ههههههه

بعد الولادة مباشرة ينزل وزني من 5-7 كيلو وبأول ولادتين اشزيني ارجه نفس وزني قبل الحمال وأقل بس هالمره الكل مستغرب مني مو راضية أضعف يبيلي بعد 10 كيلو والسبب مني لاني قاعده أخربط

انا دايما أخلي اسبوع من شهري ما اكمله والله يسهل على كل حامل يارب ويرزق كل محروم

4 كيلو

نزلت 4 كيلو مباشرة
وبعد شهر ونص 10

ولدت قبل موعدي بيومين

امبيه انا الحين زايده 28 كيلو ماشاالله عليي وقل أعوذ برب الفلق لايصير فيني شي وهذا حمالي الأول وليلحين ماولدت ولادتي 17/1/2010 واللله يستر جم بزيد لين أولد

زدت 11 كيلو وباقي ماولدت

ana zedt 17 kilo o awwal ma waladt ga6eet 6 kilo o kan bageely esboo3 3la ekmal shahry