|
|
بنات
طراعلي هالطاري
وهالسؤال
المستشفى وتجهيز البيبي من لبس وسرير وواغراض وكل شي
جم يكلف؟؟؟؟
بحدود جم؟؟؟؟
وياليت كل وحدة تقسم التكاليف
يعني مثلا المستشفى يكلف كذاااا
هدوم البيبي والجيسة مع السرير واغراض البيبي من الجمعية ومميات وكل شي
وانتي تجهيزج من لبس حقج وكفر
المهم واذا في تفاصيل زيادة حطوها انا يمكن نسيت شي
ومشكوووووووووورين
انا بجر وماادري شالطبخه
لووووووووووووووووووول
.gif "Eh S(1)")
موضوعج حلوووو و راح يخليج ترتبين افكارج و تعرفين شغلج من الحين
شوفي اول شي اللي يحدد الاجابه اهو انتي وين حاطه ببالج تولدين
يعني يفرق من مستشفى لي مستشفى !
و هم يفرق اذا بتسوين استقبال بالمستشفى و الا لأ
عموما المستشفى
لازم تفترين و تقررين وين بتولدين و اي جناح و تشوفين سعره و تزيدين عليه
يعني لنفرض ان الجناح اللي تبينه قيمته 1200انتي حطي الميزانيه 1400لان الزياده احتياط حق ادويه او شي ما تدرين
و اذا بتسوين استقبال لازم تحطين ببالج :
-الكفر و شغله ( وين بتسوينه و بحدود جم)
-الحلو من وين و جم كيلو
– السفونير اللي بتوزعينه
– قميصج اللي بتلبسينه
-ديكورات الجناح اللي بتولدين فيه ان شالله
– سوالف التقديم
(ذكريني اقولج شنو سويت باستقبالي شي حده فنتق و غريب و كله من شغل ايدي حتى كفري )
و لا تنسين سرير النفاس اللي بتحطينه ببيت اهلج
قمصان حق البيت و بجايم و ملابس داخليه
و حق البيبي
اكيد تدرين شنو تحتاجين له
يعني انا انصحج تقسمين الميزانيه
و ودي اقولج مبلغ بالارقام بس قتلج لازم تعرفين اذا بتسوين استقبال بالمستشفى و الا لأ
و وين بتولدين ان شالله
الله يسهل عليج حبيبتي :*
شوفي انا بقول الاغراض الي تطري على بالي والسعر اذا اذكر
عربانت الياهل من ماذر كير 120 دينار
سرير الياهل 280 دينار من انار بالبستان فوق
السله الي ينحط فيها الياهل بالبيت من مذر كير ب 38 دينار
وكان تجهيزي كله من ماذر كير اوفراولات بس الصراحه ماذكر جم كلفني
والمميات والبامبرز والكوتكس والغراض الحمام مالت البيبي وحتى حقي من مركز سلطان
كورس نفاس لهوم وحسو تمر وشاي اعشاب وغسول وكله من ام خالد خبيرة اعشاب بالمنتدى ب 50 دينار
المستشفى كلفتني ولاده قيصريه 2000 دينار مستشفى السلام ووو
الصراحه هذا الي اذكره وشغلات وااايد ناسيتها
الورد من الجره
والحلو من الدينماركيه باليرموك
والقلاصات وهل سوالف من فياصل الجابريه
وعصير من فرش جوس بالسالميه
وو ان شالله اكون فدتج ومانسيت شي
حاطه ميزانيه 500 حق التجهيزات للبيبي وحقي واذا نقص بزيدها من عندي
وعالولاده زوجي حاط لي 800
وماراح اسوي استقبال الا بعد الاربعين
وهالاستقبال بسويه ببيتي وبييب بوفيه ومعاه السيرفس
لاني ما احب الخبه
خذيت سريرين حق البيبي
واحد يكون صغير علشان احطه يمي خذيته ب 30 مع تلبيسته
والثاني اعتقد شي و 30 من ايكيا يكون عواميده طويله علشان احطها بغرفته
وخذيت له كبت كبير شوي ب 59 من ايكيا
وبجذي اكون خالصه من الاثاث تقريبا بس باجي لي السله اللي احطه فيها من بيت لي بيت
انا ماراح استقبال بالمستشفى
ولا في البيت
يعني اللي يبي ايي حياه الله بالويك اند عرفتووو
ايام محدده مثلا الخميس واليمعه والسبت
بس ماادري انا امي تقوللي لا تشترين كفر خبة حييل
خليه ناعم احلى
تبون الصج انا مااحب الخبه
واح بالشي السمبل الناااااااااعم
ماادري من وين اشتري
والمستشفى انا ناوية باذن الله اولد بدار الشفا اذا الله سه لان شا الله
بالجناح الملكي
باذن لله
سريري 100 والكفر للبيت 220 وكفر المستشفى 100 طلع علي من غير الديباج الديباج 14 دينار
وطبعا الجيسه للنفاس 20 وشريت احتياط للمستشفى ب 35 و امي شرت لي جنطه البيبيللملابس وجنطه اللمميات و جيسه ب 130 عشان الطلعه
قمصان الاستقبال خذيت 2 ب16 و خذيت ب18 وخذيت 25 وبعد 2 ما اعرف اسعارهم
ملابس الياهل الصراحه حدث ولا حرج بس ما شريت وايد بس اذا بتجمعين بحدود 200 او 300
الاستاند مال الككاو طلع علي كله نجاره وتزين 35
الككاو طلع 150 العلب واللكاو طلع 45 دينار
اغراض البيبي من ممات واجهزه تعقيم 60
وامبيه بعد في شغلات يمكن ناسيتهم
وغير حسبي المستشفى ونفاسي عند اهلي ف لازم اعطي حق العصير والفطاير والحاله لانه يكلف كل شوي ياين ناس
انا الصراحه من حللت حامل سويت لي ميزانيه معينه حق تجهيزي والحمدالله خلصت الحين
امبيه وايد يكلف
الكفر خذيته مع سرير الياهل وتلبيسه ب 125
اغراض البيبي تقريبا كلفوني 150
وباقي هدومي انا هذول بعد 100 يمكن لانه مو ناويه اخذ الدرااريع واايد غللي ما يسوى ما البسهم واايد
والكاكو 100
ووو جنه بس
اذا موناويه تسوين استقبال بالمستشفى شحقه تولدين بالجناح الملكي ماله داعي لان اذا ولدتي فيه لازم حلو وكفر كشخه ويعتبر استقبال بعد..
ترى حتى بالبيت ماله داعي تحطين كفر وتنسدحين بين الحريم قديمه هالحركه اللحين الحريم يقعدون عادي بالصاله ويستقبلون الناس اللي جايه تحمد بالسلامه وتقوم بالواجب عني انا من زمان ماشفت نفاس منسدحه على سرير بالبيت يمكن من 8 سنين
حرام التبذير والاسراف
الله يسهل عليج ان شاء الله
حطيلج ميزانيه معقوله تكفي لتجهيز