جم المده قبل عرسـج الى بديتي تجهزين فيها

صباح الخير

…….

…

بنات انا حددو عرسي باقى سنه وشهرين وبغيت استفسر متى ابدي تجهيز

وانا عارفه ان المده طويله وباقى واجد ماشاء الله بس حابه اسالكم شنو ابدي فيه بالتجهيز

ومتى الليزر ابلشه قبل العرس بكم شهر

لاني شفت تجمعات حق الفين و 11 وشفت البنات مبلشين عنايه قلت لايكون انا مادري شالسالفه

واحس بدري اشتري من الحين ؟

افيدوني بتجاربكم الله يجزاكم الجنه

الف مبروك مقدما و الله يهنيج
متى عرسج؟ باي شهر ان شاء الله
الله يتمم على خير و بارك الله لكم و بارك عليكم و جمع بينكم بالخير
انا ان شاء الله باقي على عرسي تسع شهور باذن الله و بعد عيد الفطر ببتدي اجهز
الله يوفقنا و يسخر ازواجنااااااا

————————————————

اللهم سخر لي زوجي و سخرني له و اجمع بيننا بالخير
اللهم لاتفرق بيني و بينه اللهم انزع الشيطان من بيننا
اللهم الف بين قلبي و قلب زوجي كما الفت بين قلوب عبادك و اجعلني
الزوجة الوحيدة له يااااااااارب و اسعدنا مع بعض

امين ياحياتي

انا باذن الواحدالاحد باقى سنه وشهرين

شهر عشره السنه الجايه

شرايج متى ابلش الليزر واشتري قبل عرسي بجم شهر ؟

مبروك ياقلبي …

تبتدين قبل عرسك بـ 6 شهور …

يعني شهر اربعه باذن الله تبلشين مشترياتك وعنايتك بنفسك …

بس الليزر ماعندي فكره متي بالضبط تبلشين …

موفقه يارب

الله يجزاج كل خير فرح

باذن الله ان الله احيانا

اهم شي لا تنسين الليزر

حسبي حسابج يبيلج اقل شي 4جلسات ليزر يعني مثل ما قالو البنات قبل عرسج ب6شهور زين

انا اقوول العناية المبجرة ما تضر و تعطيج نتايج احسن لانه الوقت يسمح لج ,,, الليزر ابديه مبجر حتى لو من الحين لانه جسم عن جسم يفرق ,,,و ما تدرين يمكن اطول جلساتج ,,مشترياتج زهبيهم قبل العرس ب 6 شهور,, بس العناية بجسمج و شكلج لازم تبدي من الحين ,,,, و الله يوفقج يا قلبي ,,,,

هلا حياتي
انا ما انصح بالليزر ما ادري؟ اخاف من الاضرار الي بعد جم سنه صج بالاول راح ترتاحين بس بعدين ماتدرين شيصير؟
انا عن نفسي ماراح اسوي ليزر؟
سوي علاج شعر الراس طبعا؟
بعيادات او صالونات
علاج اسنان بالعيادات
بس ليزر مادري؟؟؟؟؟ما عندي فكرة

و التجهيز قبل 6 شهور صح حلو
بس اذا اعجبج شي من الحين اخذي جمعي على البسيط و الفعلي على شهر 4 الجاي باذن الله

الله يوفقج و يسخر لج زوجج و ييسر امورج——————————————–

يارب تسخر لي زوجي وتحنن قلبه علي
يارب تضع لي في قلبه مواضع الرحمة والمودة والالفة من عندك
اللهم جملني في عين زوجي وحببني الى قلبه واجعلني الزوجة الوحيده له وارزقني ذرية صالحة منه
اللهم آميـــــــــــــــن

خووووووووش سؤال اي والله بناات فيدوونا انا مثلج بعد سنه و شهرين تقريبن

انا ما اايد اللي تقول بلشي قبل العرس بجم شهر احس يصير موضه قديمه ولابد تلقين شي احلى وتشترينه وبجذيه تكثرين مشتريات دون حاجه انا احس افضل شي قبل العرس ب3 شهور ويكون طلعاتج بانتظام يوميا وبجذيه تخلصين كل شي وعالموضه وخاصه البدل انا عرسي رابع العيد ولي اللحين ما فصللت ولا بدله وعادي عندي الدنيا مو طايره واحنا مو قريه ما عندنا شي كل شي بوقته وبفصل جم بدله وخلاص اذا جت عزايم بوقتها افصل او اشترى وكان الله غفور رحيما هونوها وتهون يا بنات الدنيا مو طايره والله اعرف بنات متحسفين على بدلهم ما لبسوها وكثرو على غير سنع

حلاتها التجهيز قبل عرسج ب 3 شهور احسسسسسسن شي بتلاقين كل شي عالموضه

بالنسبة للعناية تبتدين من الحين بالاكل الصحي الخضراوات الورقية اكثر شي وعصاير فرش وشربي شاي اخضر والشاي بالاعشاب وتنظيف بشرة وحمام مغربي هذول بعد كل دورة يعني مرة بالشهر واذا عندج مشاكل بالشعر او البشرة يبيله 6 شهور عشان يصير شعرج توب وبشرتج بيرفكت

اما بخصوص الازياء والجناط والاحذية قبل العرس يعني من شهر 4 تقريبا عشان تكونين مع الموضة مثل ما قالو البنات .

ومبرووووووووك نشالله .

قبل عرسج بـ 6 شهور إبدي تجهيز

والله يوفقج إن شاءالله

الف مبروك حبيبتي والله يوفقج ان شاءالله

انا من راي العنايه تبلشين فيها من الحين لان يبيلها وقت والليزر اذا بتسوين بلشي قبل العرس بـ9 شهور

اما التجهيز شوفي حبيبتي انتي زواجج على شهر 10 يعني بيكون على بداية اشتاء

يعني من شهر 10 او 11 بلشي بالشغلات اللي ماتروح موضتها من بجايم وملابس داخليه وقمصان واي اكسسوارات او شحاطات تشوفينها حلوه وكشخه اخذيها

واخذي علب الاكسسوارات الحلوه حق البخور من سنتربوينت او اي محل تشوفين عنده

يعني على الاقل خلصي الشغلات اللي مالها موضه وسكري عليهم عشان حتى المهر يكفي وتاخذين راحتج بباقي الشغلات

صاجين البنات الليزر على الاقل قبل العرس ب6 شهور

والتجهيز احس مايضر بالنسبة لقمصان النوم والاندروير هم مع الليزر

بس لبس الطلعه وهالسوالف صاجين قبلها ب 3 شهور