جرح العمليه القيصريه

بنات أنا بجر وولدت بنتي بعمليه قيصريه مع إن الرحم كان مفتوح 10 سانتي وراسها تحت بس سبحان الله إنحشرت وقررو عميله

المهم أنا ألحين نفاس وصارلي 22 يوم بس أحس للحين فيني عوار مكان الجرح وأخاف لما أقعد وأوقف إنه ينفتح

وفيني غرزه وحده بصوب اليمين وسؤالي هالغرزه إتطيح من نفسها وإلا أروح الطبيب ويشيلونها لي؟؟؟

ومتى أقدر ألبس حزام أو مشد أو كورسيه؟؟؟؟

وأقدر أحط على مكان الجرح خلطات؟؟؟؟

بليز ساعدوني ومالي غيركم

حمدلله على سلامتج ومبروك ماياج

انا والده قيصريه

انا ما كان فى غرز كان كبس تجميلى

مالبست حزام ولا كورسيه خفت بصراحه

انا بس كنت اعقم المكان بمره وبيتادين بخاخ بس واى خلطات ما اقربها صوب العمليه كلش

ودعواتج الله يشفى عيالى

الحمدالله على السلامه ومبروك ماياج
حبيبتي العوار عادي بس حاولي ماتشيلين شي ثقيل او تتحركين بسرعه لا خلج على راحتج
والغرزه اذا طولت روحي لدكتورج احسن يمكن لازم يشيلها
والكورسيه عادي حبيبتي تلبسينه اذا ماتحسين بعوار بس مايكون ظاقط حييل

حمدالله على السلامه ومبروك ماجاج
الغرز اي لازم تروحين عشان يشيلونهم والكورسيه اي عادي تلبسينه على 15 يوم انا لبسته على كلام الدكتوره وعادي لا تخفين ماينفتح

حمدالله على السلامه ومبروك ماجاج
الغرز اي لازم تروحين عشان يشيلونهم والكورسيه اي عادي تلبسينه على 15 يوم انا لبسته على كلام الدكتوره وعادي لا تخفين ماينفتح

الله يسلمج ياقلبي

وأنا ماافي غرز كلش بس خيط صغير صوب اليمين وطالع من الجلد
وعمليتي تجميليه الحمدلله مو مبين إن بطني كان مفتوح

ومشكوره ياقلبي والله يشافي عيالج ياااااااااااااااارب

الله يسلمج ياقلبي

والمشكله كل ما أشوف هالخيط طالع من الجلد يعورني قلبي

وبالنسبه للكورسيه ما أدري ليش خايفه يقمت الجرح ويفتحه

الله يسلمج ويبارك بعمرج

بس مافيني غرز كلش
وبلبس الكورسيه على كلامج

مشكوره حبيبتي

الحمدلله ع سلامتك

اب اب