|
|
قوووووه بنااااات اشلووونكم
بنات انا فكي من سنين عندي مشكله فيه كله يطقطق ويعلق علي لما لما افتحه وعالجته من قبل بالأميري عند دكتور نشأت الزهيري ووقفت عشان صارلتي ظرووف هذا الكلام قبل 5 سنين والحين أبي ارد أتعالج مره ثانيه لانه اتوقع الحاله زادت قمت اسمع اصوات خشخشه وشي يتفتت بفكي الله يستر بس وقام يطقطق من الصوبين كان قبل صوب واحد حسافه اني وقفت العلاج والله بس الحمدالله على كل حال .. الحين بعرف منو تتعالج هناك أو تعرف طبيب غير دكتور نشأت أخاف يقطوني عنده مره ثانيه وابي دكتور ثاني غيره لانه اهوا ليلحين موجود وأخاف يرد يعالجني اذا رحتلهم ؟!
بس سؤال ليش تعالجين يعني لي هالدرجه تضايقج ؟ا
انا عن نفسي احسها مضايقتني
كانو يحطوووولي جبييره بأسناني البسها ?? ساعه بس وكت الأكل اشيلها وهي طريقتها ان تخيلي الفك السفلي شويه ليه جدام بس أنا أحس انه حالتي زادت لأنه صار يطقطق من الصوبين وغير الاصوات الغريبه الي أسمعها
زين حبيبتي كلش مافكرتي تتعالجين انتي .. ؟!
بس لا عادي ما تضايقني يعني ما احس فيها لاني لمن اتثاوب بس يطق ولمن افتج حلجي حييل
وله عادي مو حاستها مشكله
بس انتي الضاهر وايد الله يعينج حبيبتي مدام عالجتي من قبل وحسيتي بتحسن كملي احسن لج
وبالنسبه للجبيره هذي قالولي بيحطونها لي فوق الفك العلوي على الهاله من داخل وعلى اسناني عشان توسع لي الفك
أنا أسالج لاني حاليا أعاني منالالم هذا وكلما اروح لدكتور يقول لي مافي حل غير الصبر ويعطوني مسكنات ومرخي عضل المسكادول
الم مو طبيعي لدرجة انقز من العوار
وحذروني من التثاؤب والكلام بصوت عالي وأكل شي جاسي او ناشف
هل حالتج نفسي؟
وبعرف حق منو رحتي ؟! أي دكتور ؟!
وبعدين قالولوج ما في غير الصبر يعني اشلوون اتظلين جذي تاخذين مسكنات والله مو زينه كثرتها حبيبي روحي حق دكتور متخصص
انا اليوم رحت الاميري وقالولي ماكو غير د. نشأت اهوا الوحيد إلي متخصص بمفصل الفك وعليه ضغط وايد وموعدي شهر 8
وسوري فووق انا كاتبه البسها ساعه وبالأساس أنا البس الجبيره 24 ساعه