|
|
سلاااااام
انا عضوة من البحرين طالبتكم
انا ان شاء الله بتصير خطوبتي شهر 4 السنه اليديدة(2010) ادري ان تو النااس
بس ابي جدول امشي عليه للبشرة والجسم والشعر من شهر 7 السنه ذي لي شهر 4 السنه اليديدة
اتمنى انكم تتعاونون معاااي باسرع وقت
ايي وابي بعد كل وحده تكتب لنا شنو شرت في تجهيزها بالتفصيل علشاان نتستفيد
انطركم يااحلى عضواات
انا بقولج عن نفسى وانتى اختاري الى يعجبج وسويـــه
للبشرة بالليل احط كريم ماجيك وانــام والصبح اغسل بصابون الى عليها صورة بقرة (( عزج الله )) واحط مرطب نفس الماركه وعقب احط كريم حماية ماركه افين
وباليوم 3 مرات امسح وجهي بسكينول الاخضر بالخيار
وجسمي بالاسبوع مرة وحده اغسل بالصابون المغربي
ونصيحه بما انج تساليين عشان عرسج حطى بالليل فازلين على جسمج والصبح تسبحي روووووووووووعه جنااااان
وحق رجولج حزة الظهر حطي فازلين وحطى كيس والبسي دلاغ والعصر غسلي بصراحه خوووش طريقه جربيها
وانشالله البنات مايقصرون معاج
والف الف مبروك مقدما ولاتنسين تعزمينا على عرسج ((:
بس ممكن التفاصيل يعني شنو سويتي بالتفصيل للبشرة والشعر وشنو شريتي بالتفصيل ومن وين ومع السعر
وياليت تقولين لي شلون قسمتي مهرج وجم كاان محتااجة اجاباتج باسرع وقت عالخااااص
انطرج حبوبة
وقوليلها انو زواجك بعد شهر او شهرين
لانو اذا قلتيلها المده الحقيقيه راح تماطل بالعلاج انا اسوي جلسات ماسكات عند دكتوره واخذت اساميهم وشريت الماسكات واستعملهم الحين وللشعر استخدم حبوب هير دال بس الحين مو متوفرين بالصيدليات كلمي الصيدلي يعطيك حبوب مقويه للشعر واستخدمي زيت براشوت اخلطي معه زيت كيشور دهني مررره روعه للشعر واستخدمي حبوب زهرة الربيع المسائيه مرتين او ثلاث باليوم تجنن للشعر وللبشره وللاظافر وجسمك لازم تستخدمين مقشر للمنطقه الحساسه وممكن للوجه طبي حيييل حلو انا مجربته بنفسي اسمه رتن ايه ودايما امسحي وجهك وايدينك ورجولك باسكينول وسوي سنفره مره بالاسبوع لوجهك ورقبتك ونحرك واهم شي تسوين حمام مغربي بالبيت مره بالاسبوع
ودايما سوي مساج لشعرك وغطي شعرك ببلاستك واتركيه ساعتين او ثلاث وعقب غسليه وحطي عليه حمام زيت ولا ولما تطيح بايدك فلوس لاتستهينين فيها حتى لو دينار اشتري فيه كرتون علك قطن اذاني قطن تمسيح للوجه عشان جهازك لانك راح تنسين هالاشياء وانتي تجهزين اهم شي انك تكتبين اللي بتشترينهم بدفتر صغير وتكتين اللي تسمعينه من البنات بالمنتدى عشان ماتنسين والاماكن اللي تشترين منها وقسمي فلوسك باظرف واكتبي ع كل ظرف ((قمصان النو-ملابس البيت-الدراريع-فستان الزواج-المكياج-العطور-…………زالخ))ولا تكثرين من قمصان النوم والعطور لانو اغلبهم بيجونك هدايا ولا تشترين طقم ارواب الحمام لانه اكيد بيجيك كذا واحد هديه واذا ما جاك ممكن تشترين بعدين ولاتستحين من صديقاتك اذا قالولك شنو ناقصك قوليلهم انتي كذا تساعدينهم بعد عشان يشترون شي تستفيدين منه وماشريتيهوالمكياج لاتشترين اكثر من((كريم اساس فاونديشن واحد طبيعي وواحد للمناسبات انصحك بديرماكول طبيعي او لانكوم واف سان لوران للمناسبات-وكحل سائل من لانكوم-وارواج الالوان اللي تناسبك ولا تشترين لون ماشريتيه من قبل -ولا تنسين تاخذين كل بودره مع كريمها -وبلتة بلشرات ولا تنسين الكونسيلر وشوية لمعات وبودرة جسم ريجتها حلوه وفيها لمعه واخذيلك عطر يكون حجمه صغير مثل لانكوم الازرق نسيت اسمه عشان تحطينه في نطتكوبس طولت الباقي البنات يفيدونك
ربي يسهل لج كل اللي تبينه
ثانيا مثل ما قالت الأخت صللفه .. لازم تقسمين المهر .. ضروووووري علشان ما تطير الفلوس من غير ما تحسين ..
تعرفين الظروف مالت الرسايل ؟ أشتريهم وحطي بكل ظرف مبلغ حق شيء معين .. مثلا فلوس البدلة البيضاء بظرف .. وسكريه وأكتبي عليه
من برا .. فلوس الصالون أو الكوافيرة .. نفس الشيء .. والذهب .. والملابس .. كل شيء حطي فلوسه بظرف وأكتبي عليه من برا ..
وإذا زادت معاك فلوس .. لا تروحين تشترين أي شيء .. لا خليهم إحتياط .. يمكن تنقص عليك فلوس بمكان ثاني لا سمح الله ..
يعني مثلا إنتي حاطه 1500 حق البدلة البيضاء .. وحصلتي وحدة ب1000 باقي الفلوس زيدية حق الذهب أو الملابس ..
أعتقد فهمتي شنو قصدي ..
وإذا إنتي موظفة .. معاشك من ألحين إبدي جمعيه .. وإذا ما تقدرين خلاص قللي مصروفاتك .. وجهزي شغلات خفيفة على ما تستلمين المهر ..
وخلي عندك دفتر سجلي فيه كل اللي تبين تشترينه .. من بدلة العرس إلى معجون الأسنان 
وحاولي تستغلين موسم التنزيلات .. صح باقي وقت طويل بس احسن .. علشان يمديك تشترين .. وإذا خايفة إن الموديلات تتغير .. لا
تكثرين .. أو إخذي أشياء أساسية ما تتغير مثل الجنزات والتنانير والتي شيرتات والبديات والأحذية الله يكرمك ..
وعلشان ما يصير زحمة عندك بالغرفة .. والأغراض تكون مكركبة فوق بعض .. حطي كل شيء بشنطة كبيرة .. الملابس بشنطة .. الجواتي
وشنط اليد بشنطة .. العطور والمكياج بشنطة .. يعني علشان الترتيب ..
وبالنسبة للشعر والبشرة .. مثل ما قالوا البنات .. كل أسبوع سوي حمام مغربي .. شوفي فيه كتاب إسمه أسرار الحريم رووووووعة حيل ..
فيه كل شيء .. أختاري اللي يعجبك منه وطبقيه ..
فيه بعد خيمة السونا إذا تعرفينها .. مررررة روعة .. إذا مو عندك لازم تآخذين وحدة .. ما ادري عاد وين تنباع في البحرين ..
وإذا عندك مشاكل ببشرة الوجه أو الجسم لازم ترجعين دكتور الجلدية من ألحين .. أو أي مشاكل ثانية راجعي الدكتور من ألحين ..
وأهتمي بأكلك ونوعيته .. وكثري من الخضره والفواكه والماء .. اهم شيء الماء ..
وفيه خلطة حلوة للتنعيم .. بيبي اويل + فازلين تخلط مع بعض .. الدكتورة قالت لأختي عنها ..
وإنتبهي على رجولك .. لازم الدلاغ ( الجوارب ) تلبسينهم 24 ساعة .. علشان تظل ناعمة وما يصير فيهم تشققات ..
حطي فازلين أو أي شيء تحبين ولبسيهم طول اليوم .. وقت النوم بس تقطينهم ..
وأظافرك بعد إنتبهي عليها .. إذا فيهم مشاكل عالجيهم .. ودوم إشربي حليب علشان يتقوون ..
وإذا مو مسويه بدكير ومنكير من قبل بالصالون لا تسوين .. لأن مو كل مكان شغله مضبوط ومضمون ..
زوجة أخوي اظافرها خربت بعد ما سوت بدكير ومنكير .. تقدرين تسوين إنتي في البيت .. وبأدواتك الخاصة ومتاكدة من نظافتهم ..
إيه إذا انتي سمينة سوي ريجيم من ألحين .. وإذا ضعيفة ومو عاجبك وزنك من الحين حاولي تزيدينه .. وإن شاء الله يكون وزنك وجسمك حلو
وما تحتاجين لا لرجيم ولا لزيادة وزن ..
وشعرك إذا تعبان عالجيه من ألحين .. يعني قصي اطرافه .. وحطي عليه زيوت .. طبعا حسب نوعه .. أنا أحب زيت الزيتون بس ما يناسب
كل انواع الشعر .. وإذا شعرك خفيف .. روحي للعطار وأخذي منه ( كثيره ) تلاقينها نفس الثوم المجفف ..تآخذينها وتنقعينها بماء .. وتخلينها
لما تذوب .. وتصير خاثرة شوي .. يعني مو سائلة حيل ولا ثقيلة حيل .. ويمكن تحصلينها جاهزة عند العطار .. المهم يا تحطينها بروحها
على شعرك .. أو تخلطين معاها زيت زيتون .. روعة للشعر ..
شكلي طولت عليك .. وهذا اللي في بالي ألحين .. وإن شاء الله أكون أفدتك ..
والبنات إن شاء الله ما راح يقصرون ..
والله يوفقك مرة ثانية ..
تحياتي
أكيد راح تستفيدين منها ..
https://www.q8yat.net/showthread.php?t=365615