جدول التطعيم حتى عمر السنة

شلونكم بنات، كالعادة نودي عيالنا حق التطعيم و ما ندري شنو نوع اللقاح حق كل مرة، ودي أفيد اللي ما يدري و ياريت كل وحدة تقولنا عن خبرتها بكل تطعيم و شنو سوت علشان تخفف الالم.
1- اليوم الأول نقط شلل الاطفال الجرعة الاولى و كبدي الجرعة الاولى
2- الشهر الثاني نقط شلل الاطفال الثانية، ابرتين بالفخذ الرباعي الجرعة الاولى و الكبدي الجرعة الثانية
3- اخر الشهر الثالث : الدرن ابرة بالكتف
4- الشهر الرابع نقط شلل الاطفال الجرعة الثالثة و ابرة الرباعي الجرعة الثانية( الابرة تعور و تورم)
5- الشهر السادس نقط شلل الاطفال، ابرتين بالفخذالرباعي و الكبد الجرعة الثالثة
6- سنة: الحصبة و الحصبة الالمانية و النكاف
و سلامتكم

يعطيج الف عافيه اختي فوز
انزين تطعيم السنه ابره ولا بالفم؟
عشان استعد نفسيا حق الحنه

عقب ما اطعمه الدرن عقب شهر اروح يجيكون على الابرة بعدين يطعمونه مرة ثانيه عقبها ما كو شي يعني الشهر الخامس ماكو تطعيم ؟؟؟

والابرة مالت الدرن اثرها ما يروح من الجتف لاني الاحظ انها كل مالها وتكبر

يعطيج العافيه

يعطيج العافيه ياقلبي

الله يعافيكم، و اللي عندها معلومات تنفعنا بخصوص هالموضوع ياريت ما تقصر