جبتي نسبه وقبلوج بالجآمعه ألف مبروك تعآلي أعلمج شنو تسوين :)

أول شي ألف ألف مبروك حبيبآتي على النجآح

وإنشآلله كل وحده تدخل الكليه اللي تبيها ..

الحين بـ مآ إن طلعت النسبه فـ أكيد قررتي شنو المكآن اللي تبين تدخلينه ..

بـ النسبة لـ الطآلبآت اللي بـ يدخلون جآمعة الكويت .. حطيت لكم هـ الموضوع عشآن يسآعدكم إنشآلله بـ التسجيل

ومآ تضيعون ..

طبعآ كل وحده لهآ يوم معين للتسجيل على حسب النسب
فـ بقولج من الحين شتسووين عشان ما تتوهقين وقتها ولا أحد يوهقج

أول شي ..
رآح يكونون موجودين طآلبات الإتحآد واهم الوحيدين المخولين إنهم يدخلون
صآله التسجيل ..

وهذا باجهم

أول مآ توصلين رآح يكونون موجودين يوصلونج لي الصآله
ويسآعدونج بتسجيل الموآد و أحسن الدكآتره ..

ثاني شي ..

نصيييحه نصيحه .. لا تعطين رقمج لأي أحد من القوائم غير
الإتحآد

لأنهم اهم المسؤولين عن كل شي بالجآمعه

ثآلث شي

بعد مآ تودين طلب القبول
ويقبلونج بالكليه اللي تبينها انشآلله
رآح يدزون لج مسج إن قبلوج بالكليه الفلآنيه
وتسجيلج رآح يكون باليوم والتآريخ الفلآني

وقتهآ انشآلله
بس تروحين وتسجلين موآدج وتنتهي السآلفه

وآخر شي

موآعيد التسجيل
رسميا :مواعيد التسجيل لدفعة 2024 :-
حسب نسب الثانوية :
7/5 > 92 إلى 95
7/6 > 90 إلى 92
7/7 > 88 إلى 90
7/8 > 86 إلى 88
7/12 > 84.5 إلى 86
7/13 > 83 إلى 84.5
7/14 > 81.5 الى 83
7/15 > 80 الى 81.5
7/18 > 79 الى 80
7/19 > 78 الى 79
7/20 > 76 الى 78 (للعلمي)
7/21 > 73 الى 76 (للعلمي)
7/22 > 70 الى 73 (للعلمي)
7/25 جميع الطلبة الكويتين والطلبة أبناء الكويتيات من غير محددي الجنسية ولم يسجلو من قبل.

2024/7/27-26 لجميع فئات القبول

أي وحده تبي تسأل ولآ تستفسر عن شي لآ يردهآ إلآ لسانهآ