|
|
السلام عليكم بعتبركم خواتي وبطرح لكم مشكلتي
أنا يابنات توني عروس مأكملت شهر زوجي والحمدلله مصلي ويخاف الله المشكله يابنات في الأمور الماديه أول كلمه قالها لي أنا ريال حيلتي راتبي وبش وأنا أحب معاشئ وسكتت وطول السفره يوصل لي مسجات انه على قد حاله وانه مايقدر يصرف وأيد ونكد علي صراحه
ومره قال لي أنا علي قرض وقسط السياره وراتب بنتي لأنه مطلق وعنده بنت وهو يابنات لأسوئ عرس ولا شئ ولا ياب شبكه بس مهر واثث الشقه المهم أنا عند أهلي الحين زعلانه بشبه اني قلت له بروح اطلع صوري
أنا دافعه غربون الصور نص السعر وباقي نص السعر عليه مو معقوله بدفع الشعر كله كافي اني دافعه أكثر من النص لما قلته عصب وقال حدهم غالين حنا الريائيل مايزيد عن 200 دينار قلت حنا الحريم غير وأنا دافعه أكثر من نص المبلغ مابقئ عليك شئ رد علي وقال مقدر هالشهر قلت أوكي
الشهر اليائ قال ولا اليائ ولا إلي بعده وقبله كنت بروح الصالون لأني بروح لأهله قلت له بالسياره أبي خمسين قال ماعندي اذفعي أنتي وبعدين أعطيج وماضدقته معقوله ماعنده خمسين قلت طيب ودني البنك اسحب ووداني وسحبت وأنا اهني أسودت الدنيا بوجهي لأنه لو يبي يدفع لي جان نزل وسحب لي بس حسيته جذاب ويصرفني
المشكله انه يقط على عمره وعادي يشتري غالي لعمره المهم زغلت هديك الليله وبالليل قلت له خلنا نتكلم قال أوكي قلت له ليش مأعطيتيني قالي راتبج كله لج وأنتي المشووله عن خصوصياتج وأنا المشوول عن البيت
قلت يعني جني ماتزوجت قالي أنتي محتاجه قلت مو قصه حاجه أبي أحس عندي سند وريال يصرف علي والحين يابنات شنو الحل مابيه يتعود يشيل أيده غني أنا عروس المفروض يدلعني وييب لي هدايا أهو ضابط بس محسسني اني مأخذه حارس مدرسه من كثر مايقول ماعندي كل مأقلت شئ قال المييزانيه ماتسمح ولما ازغل يقص علي بالكلام ويوقول حاضر إلي تبينه يصير بس حزه الجد يقول ماعندي فلوس
جد بنات أفكر بالطلاق وأحيانا أقول ليتني ماتزوجت ومن الحين بديت اقارن اخوانئ مدلعين حرييمهم وكاتين عليهم الفلوس كت مع ان وظائفهم عاديه أول مره اشوف واحد حريص جذي هو على باله انه ماياخذ من راتبي شئ صار أحسن واحد بالدنيا بس هو ببخله يحدني أصرف راتبي كله الشقه تبي تغيررات وناقصها أثاث وأكيد بيقول ماعندي أبي نصيحه وحده تنصحني مثل اختها أنا حدي محتاره وراسي يغورني
بس آهني كآتبته بشكل آوضح
شكله طبع بزوجج !!!!
آن شآءلله آلبنآت يفيدونج
عليك بالإستغفار واقري سورة البقره كل يوم وربك يسهل امورك
ووو آآآآآب
بعدين حياتي انتي توج باول حياتج الزوجية وعلى طول علشان مصرف بتطلقين ياما راح تواجهين بهالثلاث سنين زواج الاولي مشاكل ومو حلوه كل يوم طاقه شلايلج ورايحه بيت ابوج
سالفة الصور حياتي انتي قلتي هو معطيج مهر خلاص مكياجج ونفنوف عرسج والبوماتج كلها عليج ليش تطابينه بنص الفلوس كلنا دفعنا عن صورنا لاضيقين خلقج
سالفه ابي اعوده يصرف علي ما تيي بطريقتج حياتي هذي كلش مو طريقه بالعكس راح يعاند كلهم جذي اول الزواج يا ان يدلعج وبعدين يطلع على حقيقته ان بخيل او ان بالاول يتجيعص علشان حاط في باله انج بتمشينه على كيفج وبعدين يبدا يفج اشوي اشوي
شوفي قوليله انا مو ناقصني شيء الحمد لله بس ابي لي مصرف كل شهر حتى لو 70 دينار انت تعطيني ومعاشي موجود وانا ايمعه لنا حق وقت الحاجه ولا تدفعين بالبيت ولا شيء حتي لو شيء بو مية فلس حتي لو بالثلاجه ماكو غير جبن قلاس وتوست عادي حطي جدامه ولا تصيرين شاطره وتروحين الجمعيه واذا قال قوليله بدلع مو اهواش حبيبي انا بلغتك كذا مره ان الثلاجه فاضية خل نروح نتشرا الماجلة انا ما اعرف بروحي
عادي اولها وايد مشاكل بعدين يطخ وحلوه ان الهديا تنهدي مو حلوه تنطلب عادي ما ياب لج انتي ابدي يبيله علميه وقطيها بدلع وضحك هذي هديتي خن شوف اشتييبلي وضحكي بس عاد مو كل هديه تقولين هالكلام هههههههههههه
ودايم قبل لاتطلبين اي شيء حطي قبلها حبيبي او حياتي ناقصني المبلغ الفلاني عطاج كاهي نبيها ما عطاج قوليله بدلع اشدعوا عاد حبي يعني ما استاهل قاعده اقول ناقصني ابي اكشخلك وغمزيله يعني حسيسي ان هالشيء له قبل لايكون حق غيره
قومي طرشيله مسج حلو وعايديه وردي بيتج مو حلوه عروس توج وزعلانه في بيت ابوج
الله يهدي سركم ويهدي وسخره لج يارب
العمر واحد ولا ادقيقين بالامور الماديه حيل
بدليل انه قاعد يصرف على نفسه واايد على قولتج
وجيكي عالشقه لو اهيا تووب معناته مو بخيل .. لو اهيا ماااشي حالها واي كلام معناته لاصج مايندي
المهم
اذا جذي معنااته يبي يمشييييج من البدااااايه على انه انتي موظفه يعني انتي تصرفين
عاد انتي خلج ذكيه شوي
طلبي طلبات من الجمعيه اكل ومنظفات ووالخ .. قولي له البيت محتاااج وهذا شغلك مو شغلي
شوفي شنو راح يقول ؟؟ اذا بيدفع مسؤوليات البيت
زين على زين معناته اهو قد كلمته .. وراح يتحمل مسؤوليات البيت لي المستقبل باذن الله
امـــــــــــــــــــــأ لو رفض هالفكره وقال عليج ؟؟
هني ستووب
هذا اوله ينعاف تاليه
معناته حتى لو يالج عيال هم انتي بتصرفين عليهم
جررررررررررررررررررربي تخلينه يصرف على اشيااااااااء مو لج وشوفي شيصير
خووه كلنا صورنا ياااااختي وحنا اللي نطلع الصور مافيه شي لاتتصنعي بالمشاااكل
مشي الامور
وانتي عندج معاش وهو صااااج صرفي اللي تبينه وهو يصرف عالبيت
ولاتنسين عنده بنت
وباااااجر ربي بيرزقج واكيد بيصرف علي عياااااالج
ربي يوفقج ولاتبيني هالمشاكل والحساسياااااات بسبة المصروف
وتالي يتحسفووون
شيء طبيعي ريلج تعوود من البدايه شايله عمرج لاتلوومينه اللحين
اهوا كان وااضح معاج وانتي رضيتي
يمكن يكون بخيل او يمكن يكون صج
بس على قولتلهم ريلج على ماتعودينه
يمكن صج عنده قروض او مشاكل ماديه بعدين الصوور مو لازم هو اللي يطلعها طلعها اوكيه ماطلعها
عااادي موو ملزووم وترا التصووير مو شي اساسي عند الريااجيل عشان جذيه ينقدوون علي التصوير اللي فوق
الخمسميه والمكيااج اللي بميه وفووق
اذا هوو زين ومحترم لادققين بالسوالف اللي باقيه ودام عندج معااشج خلاص الحمد الله مع الاياام بيحس بالمسؤوليه
ويتغير