توزيعات الولادة بأسعار معقولة !!

قوة بنات .. شلونكم و شخباركم ؟ الله يسهل عليكم و يخفف كرووشكم قولوا آمييين

حبايبي ..

أنا تعبت بصراحه و أنا أحووس و أدور أبي توزيعات حق استقبال الولادة بسعر معقوول ..

يعني بصراحه اللي أشوووفه شي خيال .. مو طبيعي !!!

إذا باخذ شي سعر الحبه فيه أقل شي دينارين .. بيطلع حسابي 100 دينار بس على كاكاو و إلا شمووع !!! والله أحس حرااام .. أحس فسق

منو تعرف طريقه أقدر أحصل فيها توزيعات ولادة بسعر طبيعي … يعني بحدود 50 أو 60 دينار بالكثير ؟؟؟

شغل أسويه بإيدي .. أو موقع أطلب منه بأسعار معقووله ..أبي أفكار سهلة و حلوة .. خبركم الحامل مالها خلق تجابل و تخييط و هالسوالف

تكفووووووووووووووون .. أي نييييد هييييييييييييييييييييييلب

انا بعد وياكم ودي اعرف

حبيبتي انا اليوم يايه من محل بسرداب صوب بياع الورد بنفس المجمع

فيه سوالف رخيصه وحلووه اغلى شي ب 23 دينار

اخذيه واشتري كاكاو ولزقيه عليه وبس

هذا اللي انا بسويه انشالله

والله صاجة كل اللي يبيعون ارخص شي الحبه الوحده تطلع عليج 1 وربع ور دينار ونص
والله انا رحت بياع الورد اللي بحولي وخذيت لي علب صغار من فوق يصير شفاف وشريطه و ورد صغار ورحت محل ككاو خذيت كيلوين ككاو وكل علبه احط فيها ككاوة واصكها وحط شريطه واربطها على شكل فيونكه وبنص الفيونكه احط وردة شكله وايد ذرب وحلو وهالفكرة شفتها بمحل ريبيل مسوين جذي وماخذين العلب والاغراض من بياع الورد والعلبه عندهم 3 دنانير تخيلي اشدعوة والعلبه في بياع الورد الوحده 150 فلس
عالعموم نصيحة اشتري الاغراض وعطي خدامتكم تسوي اذا مالج خلق اوفر

انا نفس راي البنات الانه لو بتشرين جاهز وايد راح يطلع عليج

اعرف وحدة تغلف اسعارها مناسبه بعد

حبيبتي عندج بياع الورد فيه شغلات واااايد حلوه

اخذيلج علب شفافه وشتريلج رولات شرايط باللون اللي تبينه وشتريلج اشكال يعني ورود او فراشات او بيبي او مميه ولزقيهم على العلبه

والكاكاو اشتريه بالكيلو عندج ريبل حلو ولا كاشيت وروشيه

تطلع العلبه عليج تقريبا اقل من نص هذا اذا مو ارخص

وموفقه يارب والله يسهل عليج ياقلبي

انتي سويه بيدج روحي بياع الورد عنده فناتق بالسرداب
انا سويت توزعاتي بولدي طلعت علي الحبه 750 فلس تخيلي لو ماخذتها من بره مو اقل من دينارين

ونااااااااااسه بنات , فديتكم و الله ريحتوا قلبي ..

انزين من وين أقدر أيييب أشكال حلوة .. و مجسمات على شكل بيبيات أو ورد ؟؟

ووين صاير محل بياع الورد ؟

والله حبيبتي انا عندي تلقين جاهز يكون حلو بس انا عن نفسي احب انا اسوي بيدي اذا لج خلق تسوين اسهل لج
انا قبل يومين ولدت رفيجتي وانا سويت لها الاستاند طبعا هوايه وكلفني كله وحطيت فيه كاكاو من لاكاشيت ب 70
55 حبه ترا وناسه وتسليه وانا سويته كله على دبب من شرايط والعاب وكل شي وسويت شغلات حق باب الغرفه
حبيبتي اذا تبين اي مساعده حاضرين

حياكم الله عروضنا وايد رخيصه وفناتك بعد وكميات كبيرة امري وتدللي……….

السلام عليكم يا بنات.

اتفضلوا دة رابط لموضوعى وانشأله تعجبكم الآفكار

.https://www.q8yat.net/showthread.php?t=411682

الله يسهل عليج حبوبة..

اذا تبين مع التوزيعات ((لوشن معطر)) ممكن اسوي لج وانتي تغلفينه بذوقج مع الكاكاو..
او اذا تبين شي ارخص.. ممكن اسويلج جلوس (ملمع شفايف) << اذا بنت بيكون حلو..
اصغر حجم ممكن اسويه مثل اللي بالصورة..

واسعاري معقوله..

حبيبتي شيكيي الخاص

راسليني على الخاص وما يصير خاطرج الا طيب .. وفي خصم حلو للكميات

وحياج الله حبوبه

حبيبتى الصراحه انا قلبي يعورنى لما اقط فلوس على شئ النالس ياخذون الكاكاو ويقطون القش اللي فية بالزباله والا بايد اليهال يلعبون فيه
انا قاعد اسوي حق ولادتى توزيعات مصاحف صغيرة كتاب الله حلو وماينقط