|
|
السلام عليكم
ماعليه بنات بدش بالموضوع على طول انا صارحت زوجي وطلبت منه الطلاق والسبب الرئيسي العيال ابي عيال
بس ما ادري ليش كل الناس اللي حولي يشوفون انه مو سبب كافي يخليني انهي حياتي معاه واني بتحسف وان زوجي كل شي فيه زين واللي مثله نادر بهالزمن انا ما اختلف معاهم انه زين بس انا تعبت وبعدين حاولت معاه اكثر من مره ابيه يتحرك باي خطوه يحسسني انه قاعد يسعى ابدااااا كل اقتراحتي رافضها تسع سنوات ما تقدمنا ولا خطوه وانا كل شهر بالتسع السنين احس ان بتصير معجزه واطلع حامل طبعااا ما يصير بدون ما ندري شسالفه
انا ما عندي احد اساله عندي اخت صغيره اخو واحد وهو اللي يقول اذا مرتاحه مو مهم العيال انا عندي عيال بس مو مرتاح
اقوله انت مو حاس فيني عمري رراح بدون ما احس
عالعموم فكرة الطلاق. بيني وبين زوجي محد يدري عنها ووعدني انه يرد علي يبي يفكر وعطاني المده
وبصراحه كل ما يمر الوقت اخاف
انا لما اقرى سوالف البنات اللي لها سنتين وسوت كل شي وزعلانه جنها لها 10 سنين اتحسر على حالي واقول اجل انا شقول
انا اشوف ان زوجي ظالمني بهالموضوع طلبته نسوي عمليه تلقيح رفض انابيب رفض نسافر رفض نروح مع بعض للطبيب يتابع حالتنا مع بعض رفض بالمساحل وبالبجي والعصبيه ما جابو نتيجه
مو هاينه علي العشره وبيتي اللي بنيته بهالسنين ما دري شلون بخليه
*
اذا عقيم وبعيد عن العاطفه انتي معاج حق انه يكون عندج عيال والله يلومه الي يلومج انا مو متزوجه بس احس العيال جدا مهمين بالحياه الزوجيه والدنيا هذي والمال والبنون زينة الحياة الدنيا .
اما اذا ريلج عقيم ورافض العلاج والمحاوله فأنتي بعد معاج الحق تسعين وتشوفين حياتج ودنيتج مع شخص يوافقج بأمومتج هذي نعمة من رب العالمين وما يصير توقفين خلفتج علشان اهو مو راضي يتحرك او يبادر للعلاج باجر تسرقج الايام وتلاقين نفسج لأنج ام ولا متزوجه فــــأعتقد انج مو غلطانه وربي يوفقج ويحقق امنيتج
وطلب الطلاق يمكن يكون دافع انه يعالج معاج
الله يوفقكم ويهنيكم بس لاتيئسين منه !*
وان شاءالله فكرة الطلاق تخليه يتحرك
وربي يرزقج الحمل بالذرية الصالحه
كلمي امج وابوج وكلمي خالتج وعمج خليهم اشوفون حل لان انت الي انظلمتي محط انظلم بس ماعليه حبيبتي
تحملتي هالسنين كلها ما تقطرين تتحملين عناده ع كبيب كلميه بالسياسه مثل ما قتلج دخلي العايله كلها طبعا بس لكبار
خليهم يعرفون موضوع او يمكن اهو رافض والله حبيبتي ما ادري
الله يشفيه ان شاءالله
انا بالنسبة لي لو زوجي يحبني وزين معاي ومرتاحه معاه ماظن ا=بهده عشان العيال ( هذي شخصيتي) بس هم مابرضا ان مايحاول ولا يسعى ربي قال اسعا ياعبد وانا اسعا معاك .. خير حاط ايده على خده ولا مسوي شي ويبيج تتحملين وتسكتين ..طبعا هالكلام ماينفع..
وممكن يبلش يتحرك ويبي عيال بعد ماتكبرين بالعمر ويصير الحمل صعب عليج ساعتها تعالي عاد عضي اصابع الندم انج ماتركتيه ولحقتي عمرج بجم ياهل… فهالقرار قرارج بروحج واحنا نهائي مانقدر نفرض عليج راينا لأن كل وحده فينا لها حياتها واولوياتها ..
والله يرزقكم كل خير ووكلي امرج لربج بس ضروري تتناقشون بكل شي وهو لو شاريج بيسوي اي شي عشان يحافظ عليج وحتى اذا ربج ماكتب ساعتها اذا قررتي اتمين معاه فماراح اتمين طول عمرج اتطالعينه بنظرة ان حتى مجرد سعي ومحاولة ماسواها عشانج
أستغفر الله العظيم.
يعني 9 سنوات ما راح حتى كشف على نفسه و الا راح و لقى فيه عله و ما رضى يعالج؟
مهما يكون هاذي مو حاله, الواحد يرضى بقسمة ربه له بس لازم ياخذ بالأسباب. يعني ما يصير بس قاعدين و يقولون الله مو كاتب.
شكثر أشوف بنات كاتبين بالمنتدى متزوجات من سنين و رياجيلهم حتى مو راضين يروحون يكشفون!
شصار بالرياجيل بالله؟
حبيبتي جيبي أحد من أهلج و أحد من أهله يصلح ما بينكم, و يحط له موعد محدد و نهائي قبله يروح يفحص أو يعالج.
لو متزوجه عمرج 20 يعني ألحين عمرج 29 و الخصوبة تقل مع الوقت, لا تنطرين على نفسج.
آنا عمري 25 و متزوجه من سنتين و نص تقريبا, الله ما رزقنا عيال بس زوجي أصلا راح فحص قبلي. صحيح ما فينا شي لله الحمد و المنه, بس على الأقل تحركنا. مو قعدنا جذي.
و الله يرزقنا و يرزقكم الذريه الصالحه.
10 سنين و ليلحين رافض انه يفحص او اييب بيبي !
الصراحه هاذا من حقج و اقل حق من حقوقج
انتي الحين شيلي فكره الطلاق من بالج
و روحي حق ريلج و قعدي وياه قعده هاديه و جديه
كلميه بخصوص هالموضوع .. و فهميه
و قوليله انطر ردك مثلا بعد اسبوع
خليه يفكر بينه و بين نفسه انج انتي جاده بهالموضوع !!
( المال و البنون زينة الحياه الدنيا )
بيني و بينج المفروض يكون لج موقف جدي من زمان يعني !
مو الحين عقب 10 سنين مفكره تتطلقين عشان هالموضوع
المفروض من عقب سنتين او 3 سنين من زواجكم تشوفين شنو نيته
يبي عيال و لا ما يبي كلش ليه الابد يعني ..
بس انتي تحددين حياتج
اذا فيه اعيال ليش تطلقين منه واذا ما فيه اعيال
لا والله شوفي نصيبج
ان شا الله زوجك ما يفهم طلبك للطلاق انه تنفصلون
بس توصله الرسالة بحجم معاناتك انك تبين تكونين ام ..
الاستخارة مهمة والالحاح بالدعاء بعد
وربي يكتب لك الخير ..