|
|
حبايبي كويتيات أدش بالموضوع على طول وأتمنى تقدرون تساعدوني
منو تقدر تفيدني وتعطيني نوعية الأكل المناسبه لمريض السكر( فوق 50 سنه ) وياخذ حبوب السكر علشان يقدر ينظم السكر عنده -وياريت لو بعد يكون الأكل بنوعه وكميته في كل وجبه
طبعا هالمريض عزيز علي وايد وحبيت اساعده ولأن مو قادر ينزل مستوى السكر كله مرتفع عنده رغم انه يحافظ عالأدويه وياخذ الحبوب باستمرار بعد كل وجبه حتى لو ياكل توسته بعد
يعني اللي تقدر تساعدني وتعطيني جدول بالوجبات ونوعها ومواعيدها الله يجزيها كل خير ان شاء الله
عموما مشكورين مقدما وبانتظار ردوودكم حتى لو نصيحه صغيروونه يمكن تفيده
وجزاكم الله خير وان شاء الله بميزان اعمالكم
الافضل يروح قسم التغذيه التابع لمنطقتكم يسوى له جدول بالمسموحات والممنوعات
وممكن يوصف لكم مشى ربع او نص ساعه يوميااا ويحددلكم عدد حبات الفواكهه باليوم
وحصص الخبز ,,,وهكذا
الافضل لمريض السكر لان كل حال تختلف عن الثانيه
وما يشوف شر ,
غالبا يمتنع عن المقالي والحلويات ويعتمد الاكل المسلوق والمشوي وبكميات محدده
هذا نظام ما ادري اذا يناسبة او لا
الافطار
كوب حليب خالي الدسم + شاي
+
(بيضة مسلوقة او ربع علبة نخي او ربع علبة باجيلا اوبيضة اومليت مع بقدونس او جبن خالي الدسم او 3 ملاعق كبيرة لبنة قليلة الدسم)
+
ربع خبزة سمرة او توستة سمرة
+سلطة
الغدا
(نص خبزة سمرة او 12ملعقة رز مسلوق او 4 ملاعق كبيرة مكرونة مسلوقه )
+ (خضار سوتية او 8 ملعقة فاصوليا او لوبيا او باميا )
+كوب شوربة خضار
+
(شريحة لحم مشوي او مسلوق او ربع دجاجة مسلوقه او مشوية او سمك مشوي)
+سلطة
+(علبة روب قليل الدسم او كوب لبن قليل الدسم )
العشاء
سلطة
+(ربع خبزة سمرة او توستة سمرة )
+
(حمص او شوربة خضار او سمك تونة او 3 ملاعق كبيرة لبنة او جبن خالي الدسم او لحم تركي )
بين الوجبات
تمر او تفاحة خضرا
اختى شوفي الرابط هذا راح يساعدج وايد لان انا بعد فيني مرض السكر ووايد فادني بتنظيم اكلي وعسالله يشافي كل مريض