تنظيف الأسنان بشكل دورى؟؟ تجربتى وتجاربكم

السلام عليكم ورحمة الله وبركاته
====

اشلونكم حبيباتي ،الجميع يعرف فائدة تنظيف الأسنان والعنايه بهما للحصول على ابتسامه جذابه ونفس منعش،نبى موضوعنا يتكلم عن العيادة التى تمارسين تنظيف اسنانك فيها بشكل دورى،.
أنا أولكم ببدأ تجربتي كنت فى السابق انظفهم بعيادة الميدان بمنطقة صباح السالم وأمس كان عندى بنيتى الكبيره موعد أسنان بمركز ابها التخصصى لطب الأسنان بالشعب البحري ،قلت يالله زلقه بطيحه خلينى اجرب عنده تنظيف الأسنان للأمانة الأخصائيه كانت حبوبه وقعدت تعيد وترجع عليهم باللبولش وتعرفون طعمه اشلون صاير صولتى على ليمون ، واللى ضايقنى انى برش الماى جم مره بقييت ابلع الماى وضايقنى هالموضوع ، بس عن جد تنظيفها برفكت وبعدها حطت لى فلورايد لحماية الأسنان ، كل هذابقيمة 30 د ك، والميدان احب انظف عندهم من زمان.
اللحين اسألكم جربتي تنظيف اسنانج بأى عيادة ؟وشنو انطباعج ؟ شاركونا نفيد ونسفيد من تجارب بعض.

المشاركة الأصلية كتبت بواسطة ** رش رش ** موضوعج جاه بوقته لاني مفكرة اسوي تنظيف لاسناني بعياده خاصه و مو عارفه وين انا من قبل ما جربت الا تنظيف المستوصفات و صراحه احس ما منه فايده اي كلام و دي بشي زين بالذات بعد ما سمعت ان لازم كل ست شهور تسوين تنظيف لاسنانج مهما كان تفريشج لهم

هلا حبيبتي تنظيف الحكومه ولا بيزه ما يسوى جربي تنظفين بالخاص وشوفى الفرق
ياليت تجارب البنات اللى ينظفون اسنانهم بشكل دورى

المشاركة الأصلية كتبت بواسطة bebo-q8 صراحه انا انظف هني بالمركز كل 6 شهور هذا الطبيعي… والله احسه جنه مو تنظيف تبيض اسنان وغير جذي عقب ما يخلص الدكتور واشوف اسناني صراحه وااايد نظاف وحلوين والعموم لين يشوفني يقولي انتي عامله تبيض اسنان اقولهم لاوالله اعمل بس تنظيف… انا اساسا اسناني بيض ومع التنظيف الدوري هني بالعايدة يصيرون وااااو ولا احلى مع لمعه اذا بغيتي احجزلج عن دكتور هني حااااضر انتي كلميني وانشالله ماراح اقصر وياج 96627600

حبيبتي ياليت تذكرين اسم المركز وبأى منطقه ؟ والسعراذا امكن، ومنو يسوى اخصائيه ولا دكتور
ومشكوره مقدما

المشاركة الأصلية كتبت بواسطة أبلة فاتن كل ما ندق فل المواعيد ههههههههههههه غير هالميدان يا حميدان بنات وين فيي بعد !!

تدرين حياتي اللحين فترة عطله والكل يبى يهتم بنفسه
جربي تآخذين موعد قبلها بفتره

بسم الله
===
قوه بنات اليوم الجو كان خيالى تبارك الرحمن، والجو هذا يشجعنى اطلع لو جمعيه أحس وناسه ،فقلت خلينى اروح العيادة اسوى اسكيلنج لأسنانى ،وتوكلت عالله بزحمة الصبح ووقع الأختيار على عيادة الميدان دايم احب اسوى عندهم( لا تقولون دعايه) ، ماكنت ماخذه موعد لسبب واحد قلت بينى وبين نفسى أول الصبح أكيد فى مجال، وصلت بالسلامه، واستقبلتنى اللى بالرسبشن وقلت لها ابى الأخصائيه اللى سوت لى آخر مره ،مو حافظه اسمها
والحمدلله طلع مافى عندها بيشن بهالوقت.

وهاذى اللوحه اعلانيه مسوين حمله لتقويم الأسنان والفك

يتبع

وأخذت كذا لقطه داخل الغرفه طبعا استئذنت من عند الأخصائيه ورحبت
أول شى فحصت اأسنانى وطلع فيه جم ضرس يحتاج متابعه لأن قلت لها أحس فيهم ألم

اهنيه صار وقت التنظيف بعد ما جهزت لى الأخصائيه اللأدوات الخاصه، بدت أول شى بازالة الجير من داخل فك الأسنان ومن بره ، بعدها حطت لى مثل الفازلين عالشفايف لأنها سوت تلميع بمادة مذاقها صولتى وحامض جدا، بعدها فرشت أسنانى بفرشه خاصه ومضمضه ،تقريبا خذت وقت أكثر من نص ساعه وشوى.

وصار وقت الدفع ، أ،ا كنت حاسبه حسابى عشرين دينار، بس طلع 15 دك وعندهم عرض لغاية السبت الجاى.

لما طلعت ماشاء الله السما للحينها تمطر

الهم لك الحمد