تكيس المبايض خطرررررر او لايحتاج لعملية تكفون طمنوني

السلام عليكم والرحمة اكاد لا انام من التفكير والوسوسه رفيجتي قالولي لا تسكتين علية السنة اللي طافت سويت فحص شامل ومن بينهم السونار وقالولي عندج تكيس بالمبايض مع العلم اني بنت هل التكيس يحتاج لعملية وربي اني ارجف من الخوف والخرعه ولا علاج عادي امانة تفكون دلوني على دكتور زين وشاطر امانة ضروري الله يفرجها عليكم تكفون لا تخلوني

لا اللي فهمته من دكتورتي اثبتت الدراسات ان العمليه نتايجها نفس نتايج الادويه
ودام انتي بنت اتوقع علاجج حبوب منع الحمل وحبوب تنظم الدوره ولازم تستشيرين دكتوره شاطره احسن

انزين ابي دكتور او دكتوره شاطره باسرع وقت وقالولي افضل مستشفى في امراض النساء

ماتشوفين شر انشاء الله
بس اللي اعرفه بعض الحالات يحتاج عمليه وبعضها لا
بس نصيحتي لج قبل لاتروحين حق اي دكتور عليج بالدعاء والاستغفار وشربي ماي زمزم ((ماء زمزم لما شربه له))
اتجهي بالدعاء الى الله بقلب صافي وانشاء الله ربي يشفيج

هلا حبيبتي

لا تحاتين—> انا فيني تكيس والدكتوره معطتني حبوب للعلاج
انا انصحج ان تروحين للدكتوره وتسوين تحليل لهرموناتج وخصوصا هرمون الحليب وهرمون الغده
وراح تبدا معاج العلاج لتنظيم الدوره

والي اعرفه ان الحالات تختلف عن بعض ويمكن ما تحتاجين عمليه ان شاء الله

اذا تبين معلومات اكثر عن التكيس—-> دشي قسم تأخر الحمل في مواضيع ومعلومات مفيده

حياتى ماعليج الا العافيه ان شاء الله التكيس انواع نوع مع الادوية ونوع مع العملية بس قبلها حياتى لازم تنتبهين حق وزنج لان التكيس عبارة عن دهون تغلف المبيض بس روحى عند دكتور شاطر علشان توج بنت لا يلعبون بهرموناتج على الفاضى عندج هدى الزكرى وعندج الكتور محمود الأصطل شاطر بالأمراض هذى بعمارةالاطباء جنب مستشفى السلام وعادى لاتحاتين ان شاء الله خير هالامور ولله الحمد صارت سهله .

لا تحاتين شغلة مو خطيرة
بس لازم تراجعين عند دكتورة امراض نسا

لا تحاتين حبيبتي بس يبيلج مراجعات و علاج و مرات التكيس يروح من نفسه !!

المووضوع ما يخرع كلش و لا تحاتين و لا تخافين

طبعا التكيس في انواع في بنات يكون فيهم تكيس لكن الدورة منتظمة عادي و يحملون و يولدون واصلا مع الحمل يروح التكيس

و في بنات عندهم تكيس من الدرجة الاولى بحيث الدورة ما تنزل الا مع االادوية و تكون تكيسات كبيره

و في تكيسات مرات تطلع فترة وتروح تكون بسبب الوزن الزايد ومجرد ما تنزل الوحده وزنها تختفي

لا تحاتين و اذا كنتي خايفه لا تعتمدين على طبيب واحد في التشخيص

الله يسهل عليج يارب

الله يجزاكم خير جميعا لاني حوافة حيل اخاف من شي اسمه عملية تصير فيني ام الركب من اسمع عملية ممكن تعطيني رقم الدكتور محمود الاصطل اختي الله يجزاج خير

امانة لا تخلوني ضروري جدا جدا اجدا ابي رقم دكتور محمود الاصطل اوي دكتور شاطر ولا دكتوره

حبيبتي عادي انا قبل لا اتزوج قايلتلي الدكتوره فيج تكيس بس خفيف و ما يضر يعني اقدر أحمل عليه و الحمدالله كاني حامل و حتى السستر اللي كانت معاها تقول فيها تكيس و هم حامل . بس انصحتني أشرب مرميه كل يوم و أشرب ماي زمزم .. عالعموم لازم تشوفين دكتوره تفحصج و الفحص زين يطمنج

حبيبتي روحي عند دكتوره نداء بوخضور وايد ممتازه

على حسب حجم التكيس .. اذاا كان كبير ينشال بعمليه واذا لا يتعالج بحبوب منع الحمل ^_^

انتي روحي لطبيب شاطر .. انا سويت العمليه كان فيني جيس بس عاد تكيس وله شنو مادردي سويتها بدار الشفا عند هبه رضوان بس للاسف راحت مصر .. والعمليه سهله ولا تشيلين همها لو قالو بيسوونها لج

هلا حبيبتي
لاتحاتين اهوا موخطر بس يمنع الحمل وخاصة اذا كان حجمهم كبير والعلاج عيبة ان يطول واحسن شي العملية وترة ماتعور وايد تقريبا 10 ايام وتكونين زينة باذن الله ( عن تجربتي ) وماينفع تسوينها وانتي بنت