تكيس المبايض .الحل؟؟؟

راح ادخل في الموضوع على طول لاني ماعرف اسوي مقدمات ابدا

اول شي انا بنت مو متزوجه ومن البلوغ وانا عندي لخطبه في الدوره

في البدايه ماكنت اهتم لاني صغيره وما افهم وامي كلما سالت دكتور قال عادي في فترة المراهقات تصير لها لخبطه لان النمو ماكمل

مشت فتره المراهقه على خير ودخلت العشرينات ورحت اسوي فحوصات تحاليل واشعه صوتيه عالرحم طلع التشخيص تكيس في المبايض الحمد لله رضيت بالقدر
قالت لي الدكتوره اذا الدوره تجي حتى لو متأخره ماله داعي للعلاج والادويه قلنا اوكي

بعد تقريبا سنتين الدوره قامت تتأخر اكثر واكثر والسبب وزني زاد للاسف
رحت لدكتور استشاري عقم سوالي تحليل هرمونات ثاني يوم الدوره واشعه صوتيه عالرحم
قالي الهرمونات سليمه والاشعه مابينت اي تكيس
استغربت بصراحه شلون الهرمنات سليمه والدوره ماتجي
قلت له طيب وهالدوره اللي تبهذلني وتتعب نفسيتي على ماتجي قال الحل انك تاخذين حبوب منع الحمل اسمها Dian 35
امنا بالله اخذتها 3 شهور والحمد لله نظمت الدوره لكنها سببت لي اكتئاب خلتني مو في الدنيا في عالم ثاني هذا غير لوعة الكبد والم المعده وزياده عليهم كبر صدري ياساتر صرت كني مره ام عيال
رجعت للدكتور قال بعطيك حبوب اخف اسمها Marvelon

بصراحه ماخذتها لان صار عندي عقده اسمها حبوب منع الحمل قطيتها في الدرج ورحت دكتوره ثانيه قالت لي خذي جلوكوفاج تنظم الدوره

وانا الى الان لا اخذت المارفيلون ولا الجلوكوفاج ومدري وش اسوي بعمري
اخاف اخذ الجلوكوفاج ويصير له تاثير على المدى البعيد لانه اصلا دوا سكر
واخاف اخذ المارفيلون تجيني نفس الاعراض اللي صارت لي من ديان 35 لان اللي صار لي مو شوية ابدا

ماسة الاسلام
الحمد لله اني ما استعملت هالادوية الا ثلاث شهور
وانا الحين اسوي ريجيم الله يعين
تسلمين عالرد والنصيحه كلك ذوق

مناوووي
مشكوره حبيتبي و تسلمين عالدعوة