|
|
السلام عليكم ورحمه الله وبركاته تكفون ساعدوني احس اني مليييييييييييييييييت زوجي من عرفته وهو خاين واول كان بالجوال والحين اربع وعشرين ساعه بالنت عالشات وجالس عندي وبس اشوف الابتسامات على ووجهه وبلقافتي حبيت اشوف مع من يتكلم والا كلهم بنات من الشات وتوزيع ارقام احس اني ماتهنيت بعمري جت الحزينه تفرح ماقت مطرح المشكله كل شي سويته له بس لافاده بجد احس بفرااااااااااااااااغ كبير وهو ماخذ كل عاطفته من بنات الحرام اللي لايخافون ولايستحون من الله لاتقولون اصبري لان خمس سنوات وانا على هالحال مليييييييييييييييييييييييييييييييييييييييييييييييي يييييييييييييييييييييييت اللي عندها حل لي لاتبخل جزاها الله الجنه ابغى اعطيه درس ماينساه
وإنتي متحمله
يابنات الحجي لكم كلكم من البدايه وقفيه عند حده وعطيه درس ماينساه
مو تمر السنين وبعدين جايه تفكرين تغيرينه
ذكريه بالآخره تراهم خوافين
واذا عندكم عيال لعبوا معاهم خليهم عنده دايم
عشان اذا شافهم ولعب وقعد معاهم يمكن يحن قلبه ويترك سوالفه
وانتي شوفي شمقصره فيه ليش يروح يدور عالبنات وانتي موجوده ؟؟؟
أب
أنا نفسج بالضبط اشوف واقرأ محادثات
وشات بس شسوي قاعده أحاول اخليه مايسهر
لان السهر هو يخليه جذي الوقت طويل ماكو شغل
ليش تتعبين نفسك
اهتمي بنفسك وادعي الله يبعد عنه بنات الحرام
الله يهديه ويسخره لك يارب
اب
ولا تحنين علية كثير عشان هذي السالفة عشان مايعاند ويزيد
اخو زوجي كذا اغلب وقته على النت وزوجته دايم معصبه عليه
انا نصحته انه تشغل نفسه بالنت طبعآ مش في الخيانه وتلفت نظره باسلوب حلو
وتشغل وقته بالمشاوير والطلعات كأنه بدأ يخف شوي
ادعيله ان الله يبعده عن هالبلا وي
مع كثره الحنه يزهق الرجل
اول شي الله يعينك ياارب ويبرد على قلبك
وثاني شي انتي واجهتي زوجك بخيانته ولا بس كنتي تشوفي وتطنشي؟
لازم تواجهيه وقوليله انت مهما خنت انا هالشي لا صغر قدري ولا شي مكانتي مثل ماهي عند رب العالمين
والحمد لله انام وانا قريرت العين لا اخذت ذنوب احد ولا عصيت رب العباد
بس انا خايفه عليك يوم لا ينفع مال ولا بنون
وبس..
صدقيني هالكلام بيذكره بربه وبتكبري بعينه
وبعد هالكلام لا عاد تناقشيه او تحني عليه .. ربي يتولاه
والله يوفقك حبيبتي ويستر عليك وعلى بنات المسلمين
على قول د/فوزيه الدريع الخيانه صايره مثل الانفلوانزامنتشره بين الناس
إياك ثم إياك ثم إياك يدري زوجك انك تعرفين بخيانته وساكته ياتقولين انك تعرفين وتكون لك ردة فعل رادعه له وقويه<لانه اذا ما كان عندك ردة فعل راح يستهين ويتمادى وقدامك عيني عينك>
يا اسكتي واشتغلي على نفسك وشوفي وش ناقصك ويدوره عند بنات الحرام
ولا تقولين ماخليت شي الا مايكون هناك سبب حتى لو كان بسيط
سوي سيرش بقوقل عن انماط الشخصيه وشوفي زوجك اي نمط وايش يحب وايش يكره وكيف تولعينه فيك وووواشياء كثيره بتعرفينها عن زوجك بمجرد عرفتي نمط شخصيته
انشاء الله اكون افدتك والله يسخره لك يارب