|
|
هاي بنات ..
أول مره أعرض مشكلتي عندكم .. وابيكم تتفاعلون .. لاني والله مظلومه .
تخيلووا انا تزوجت قبل خمس شهور وانا حالياا مطلقه …. وبالعده ..
خلوني اعطيكم نبذه عني .. انا بصراحه جميله جدا وكشيخه وزقرتية وحدي ناعمة
وهالشي بشهادة الجميع مدرسة وعندي سيارة وشخصيتي قويه .
بصراحه ابوي حيل مدلعني وامي بعد .. ومحد يرفض لي طلب .. تزوجت من شخص
ماعرفه ولاا اعرف عنه اي شي يعني ناس ذاكريني لاهله وصاار النصيب ..
زوجي كاان جميل جدااا بس شكل والكل امدحه.. وبيوم العرس تزوجنا احنى واخوه الصغير .
يعنى كنا معاريس اثنين ..بس طلعت بعرسي طلعه الكل انبهر مني ومن كشختى وكنت شي من الخيال
والعروس الثانيه ع قد حالها لبسها وشكلها عادي لدرجه لما دشيت الصاله المعازيم يحذفون علي بوسات
وتخيلوا بعد العرس وانا قاعده عند حمواتي رفيجاتهم يتصلون يقولون لهم من وين جايبين هالفطفوطه
طبعا بعد العرس باسبوع سافرنا شهر عسل .. اهني انصدمت تخيلووا ع كثر ما سافرت كانت هذي
اتعس سفره بحيااتي .. تخيلوا زوجي كله نايم وما طلعناا ويقوم اخر الليل الا كل شي مسكر
واحسه مايفهم شي مايعرف شي كلش جنه اول مره يسافر ..تخيلوا طول السفره وانا ابجي ..
ومره قعد يتطنز علي يقولي انتى ماتعرفين تحطين كحل .. وهالشي صدمني لان الكل يسألني شلون
ارسم عيني وهذا يقولي ماتعرفين تحطين كحل وقعدت ابجي .. وحزتها زعلت عليه لان اسلوبه نرفزني
وكنت بالفراش جاان يجي يمي ووخرت عنه .. قالي شدعوى نايم مع حليمه بولند .. جان اقووله مالت
عليك وع حليمه بولند وقاام طقني وانصدمت .. وتخيلواا لما ادش محل يوقف عند الباب خايف اقوله ادفع
وكنت اقوله كنسل السفره خلنا نرد الكويت واهي السفره كلها 6 اياام بس وع وع وع اخيس اياام عمري
رجعنا الديره والا ابوي مسوي لنا استقبال واهو اهله ما كلفوا عمرهم يسوون لنا شي .. وبيوم من الايام
كنت نايمه انا وياه الظهر ولما خلص قالي تدرين قلت شنوو ؟؟ قالي انا كارهج ومو قادر اطل بوجهج ..
انصدمتت وقعدت ابجي وشلت اغراضي بررروح لبيت اهلي تخيلوا ما كلف ع عمره وقالي اقعدي والا خليج.
وفوووق هذا انه لما يناام معاي ما يقذف داخل لا براا ولما قلت له ليش قالي مابي اعيال اللحين ..وانا سكت
طبعا وانا راكبه سيارتي قلت ياربي توني ماصار لي حتى شهر ليش اروح لاهلي خلني اكلم اخته الكبيره واقولها
اتصلت ع اخته وقلت لها طبعا انا منهااره من البجي جاان تقولي تعالي بيتنا احنى اهلج لا تروحين لاهلج
وكنت عادتهاا اخت كبيرة لي ولما رحت الا حماتي وخالتى ينطروني بالصاله ومسكرين الباب
مايبون احد يدري من حريم حموااني طبعا كنت ابجي وقلت لهاا شوفي ولدج مايبينى خلاص
بيت اهلي موجود امساك بمعروف او تسريح باحساان المهم الاخ ناايم بالبيت ما قعد الا اخر
الليل ولما جا لاهله انصدم لقاني موجوده ع باله رحت لاهلي جاان تقوله خالتي شفيك ع بنت
الناس قال يمه والله اهي ما فيها قصورر بس انا مادري شفيني عليهاا وجاني بعدها بالغرفه وقالي
امشي الشقه ورحت معاه وكنت متضااايقه منه حيييييل .. تخيلوا طول فترة الزواج كانت طلعتنا قليله
واللي يقهرني انه يطلع بروحه احيااناا ودائما حريم حموااني يشووفونه يتمشى بالمجمعات والا بالكافيهات
بروحه واحيانا مع ربعه ..وبيوم من الايام كنت بالدووام اتصل علي قالي تعالي بطلع انا ويااج نتغدا بره
انصدمت قلت اووف غريبه يالله خوش فرصه خلينى اطلع انا ويااه ولما رجعت البيت من الشغل جاان القاه منسدح
بالصاله ومتغطي بالكنبل جدام التلفززيون جاان يقولي اقوول دشي المطبخ سوي لي غدا . قلت شنو انت مو عازمني
قاام يضحك وغطى راسه واناا ماره جداام الطاوله جاان اطالع الا تلفون طايح مو تلفون زوجي غريب .. وهو مغطي
راسه مسكت التلفووون الا مسجات من وحده .. تقول حق زوجي فديت بطنك الجوعان .. ومسج ثااني ياعين جدي انت
ومسج من وحده ثانيه تقوله انا اللي بالافنيوز 
جاان يرفع راسه قالي نعم ؟؟ قلت شنوو هذااا ؟؟؟؟؟؟ قالي هاا انصدم جاان قلت شووف وصااختك هذي لا تجيبها لشقتي
جاان يقولي ليش تبطلينه ؟؟ انتي ما تستحين ؟ قلت انت اللي ماتستحي ياوصخ وحذفت التلفون عليه قلت اخذ وصاختك
يااوصخ .. وشلت اغرراضي وركبت سيارتي وقعدت ابجيييي وماكلف ع روحه يقولي لاتطلعين من البيت اتصلت حزتها
ع اخووي طبعا اناا مابي احد من اهلي يدري عن شي وعن اللي يسويه فيني زوجي لاني كنت بحاافظ ع بيتي وكنت اكلم اخوي
وابجي وقعد يهديني لاني اسووق ومسرعه ورحت البيت اهلي ومحد يدري شنو فيني وقلت لاخوي السالفه وقعد يهديني واتصل
عليه اخووي وقعد ينصحه ويقوله هذولا بنات حرام وهذولا لك ولغيررك وهذي زوجتك لك بروحك صونها ومن هالكلام جاان
يقول لاخوي لا هذي اشياء قبل الزوااج ومن هالكلاام طبعا اخوي قالي ادري انه جذاااب بس طوفي عشان بيتج واتصل علي
وقعد يرسل لي مسجات يقولي لاتخربين بيتج وانا ابيج واحبج ومن هالكلاام وجاا اخذني من بيت اهلي ومحد درا من اهلي عن
هالسالفه بس اخووووي ……
اناا بشووف ردودكم وباااجر اكمل لكم …
حاولي تشغلين نفسج في اشياا تلهيج وتفيدج اذا بتقعدين جذي وتضايقين عمرج محد بيكون الخسران الا انتي
وادعي ربج يرزقج اللي احسن منه ويعوضج عن كل هذاا واهوا الخسران بالنهايه
حسبي الله علية ربي يرزقج الي احسن منة
مبين عليه مو كفو زواج و تحمل مسؤوليه
خليه يولي الله حسيبه ……….. عبالهم بنات الناس لعبه ياخذها يكسرها و يخليها
الحمدلله تخلصتي منه انسان ما يعرف ربه
عموما اللي عنده خرابيط بيكون عنده خرابيط سواء يعامل زوجته زين و الا ما يعاملها زين
اذا على سوالف الصياعة و المسخرة هذي ربج بيحاسبه مو انتي
بس انا اقول صبري عليه جم شهر يعني فترة معينة و حاولي انج ماتحمليـــــــــــــــــــــــــــــــــــــن
اذا ما تسنع يبا لاتغامرين بشي الله يعينج بصراحة بعضهم ما يترقعون و باجر سمعة عيالج من سمعة ابوهم يا قلبي
و مدام مو قاصرج شي و اهلج عازينج حاولي فيه شوفي جيسي نبضه فيه خير و الا لا
استخيري بالبداية و بالنهاية و ادعي ربج ترى الله مو بعيد و استغفااااااااااااااااااااااار
و اذا شفتي ما منه طب الله حلل الطلاق
و الله يهديكم لبعض
ترا مو طايقج
ولا طايق وجهج
وهم لما سفرني نفسج كله نايم لا وكان جايب امه واخوه الكبير معاه عشان اخوه كان يبي يخطب بنت من بنات الديره اللي سفرني لها وهو اخوه
اصلا متزوج وعنده عيال كبار
يعني قهر والله قهر
وهم لاطلعه ولا ونسه ولا شي
بالسوق يهاوشني وياويلج اذا طالعتي شي من اغراض السوق
حتى المحلات ما يخليني اطبها
بس يخلي اخوه يطلب وجبه لنا كلنا انا وهو وامه نتغدى
قسما بالله حتى اخوه نقد عليه وقاله شفيك عليها كله تهاوشها على كل حركه
الله يعوضج باللي احسن منه
الطيبون للطيبات هذا مايستاهلج
هذا مريض نفسي ومغرور
شاف نفسه حلو قال هذي ماتستاهلني
ادعي ربك يعوضك باللي افضل منه وانسيه الله يفرج ضيقج انشالله
ياما ناس تطلقوا والسبب عيون الناس الحاره يشوفون العروس قمر والريال نفس الشي بدل مايقولون الله يجمع بينهم على خير
ويبارك لهم تلاقينهم يطحنون داخل اعوذ بالله من شر حاسد اذا حسد .. والله نصيحتي لج ياقلبي ارقي نفسج كثير
واستخيري ربج في رجعتج له .. وربي يكتبلج الخير وترا مو من البدايه يكون في توافق بين الزوج وزوجته .. يعني لازم بتشوفي اشياء ماتعجبج اكييييييد وهو كذلك حتى لو كنتي عشره على عشره والكمال لله …
انا اقولج استخيري والخير في اللي يختاره ربج
ياما ناس تطلقوا والسبب عيون الناس الحاره يشوفون العروس قمر والريال نفس الشي بدل مايقولون الله يجمع بينهم على خير
ويبارك لهم تلاقينهم يطحنون داخل اعوذ بالله من شر حاسد اذا حسد .. والله نصيحتي لج ياقلبي ارقي نفسج كثير
واستخيري ربج في رجعتج له .. وربي يكتبلج الخير وترا مو من البدايه يكون في توافق بين الزوج وزوجته .. يعني لازم بتشوفي اشياء ماتعجبج اكييييييد وهو كذلك حتى لو كنتي عشره على عشره والكمال لله …
انا اقولج استخيري والخير في اللي يختاره ربج
تقولين عليه مالت عليك وعلى حليمه
والا تقولين له وصاختك يالوصخ
ترا الرجال مهما كان غلطان ممكن يتحجج عليج لانج رديتي عليه
والله انا لو ارد علي زوجي بكل شي جان تلقيني مطلقه من زمان ومطقوقه بعد
بس الحمدلله زوجي ماعنده خرابيط بنات وسوقه الحمدلله وهذي ميزته عندي
وكل شي اقولهم واستشيرهم واجيب لهم وحتى لما بيروحون عرس كنت احط لهم مكيااج بس صج حوووش
بيوم من الاياام جوو خواتي عندي في شقتي واتصلت ع خوات زوجي قلت نتجمع لمت بنات ووناسه تخيلووا
بعد ما طلعووا خواتي وخوات زوجي جاا زوجي من الداااوم واهو دووامه شفتات وكان يوم خميس وكلمتنى امه
قالت تعالوا تعشوا عندنا قلت اوكي ولما رجع من دووامه بدل وقعد جداام التلفزيوون واناا تميت كاشخه وناطرته عشاان نروح عند
اهله وانا قاعده قلت خالتي تبينا نجي نتعشى عندهم جاان يخزني ويطالع التلفزيون تخيلوا لما صارت الساعه 11 ونص جاان اقوم
وابدل والبس بجاامه جاان تتصل اخته قالت تعالوا ليش تاخرتوا قالي يالله امشي نروح لاهلي قلت من صجك اناا بدلت ومن اليوم ناطره
وانت تووك تقولي يالله اناا من اليوم انتظرك جااان يصررخ علي الله ياخذج وياخذ اليوم اللي خذيتج فيييه والا تلفونه يرن الا اخته
جااان يقول هذي حضرتها ماتبي تجيكم سكت عنه قام ورجع وقف جدامي قالي ليش ماذلفتي مع خواتج لبيت اهلج جان اقووله مو مشكله
اتصل ع اختي واخليها تنتظرني والحقهاا بسيارتي جان البس عباتي وسويت روحي بطلع جاان يجي يركض صوب الباب ويمسكني ومع شعري
ويدخلني ويطقنى شنو طراقات شنو ترفس واناا اصرررخ واهو يطق والا اخته تتصل علي تلفون ومو قادره اكلمها من الصراخ والبجي وتخيلوا
قفلت ع روحي الباب وابجي الا خواته جاااييين عندي الشقه ومعاهم حمااي قطيعه تقطعهم وخذوني لبيتهم ببجامتي وتميت بغرفه خواته
وعلى ما غمضت عيني الا اهو جايني ويراضيني جدام خواته ويقولي انا مو قصدي وانا دمعت عيوني ع وضعي كنت اقول دائما انا وين كنت وشلون
صرت انا اخر عمري انطق جذي المهم اخته مكلمته ومايدري شنو فيه كالعاده يقولهم جذي وخذاني رحنا الشقه ودشيت فراشي بنام جان يقولي رجاءا
اي شي يصير بيناا ما يطلع ماله داعي ندخل اهلي والا اهلج بمشاكلناا جان اقوله شووف لما تمد ايدك علي بدون سبب والا تغلط علي بدون سبب لا تقولي
لحد يدري عن اللي بينااا لان هالشي مستحيل سكتنا ونمت …طبعاا زوجي ما يدري اذا محتاجه شي او ابي شي لدرجه ان بوكي انباق من الدووام ما سالني
محتاجه شي ولما نروح نتشرى اغراض الجمعيه بس يتحلطم وهالشي يضايقني .. تخيلووا صار عيد ميلاد زوجي واهو ناسي ان اليوم عيد ميلاده غيرت كل شي
بشقتي وجبت له هديه ميدالياا وبوووك فلنتينوو وسويت كيكه ع صورته وشمووع وموسيقى ولبست ثوب تايقرر واهو كان معزوم ولما رجع دش الشقه انصدم وناسي
ان اليوم عيد ميلاده تخيلووا ربع ساعه واهو سااكت ويطالع بالاثاث وحتى ما طالع فيني مو قادر يحط عيننه بعيني لانه من تزوجنا عمره ما جااب لي شي .. وتخيلوا
لما صار عيد ميلادي ناااايم طووول اليوم ما قعد الا الساعه11 ونص بالليل قلت له ليش بس نااايم جاان يقولي ترا اذيتيني انتى شتبين ؟؟ قلت له انا اليوم عيد ميلادي جاان
يقولي هااا شنوو صج ليش ما قلتي لي ؟؟ قلت ليش انت بعيد ميلادك قلت لي قال لا وتخيلوا طلع من البيت ما رجع الا الساعه 4 الفجر وكنت اتحراااه قلت يمكن يجيب
كيكه من مركز السلطان شي والله ما جااب لي ولا شي ولا كلف ع عمره يجيب لي شي وبعدها بجم بيوم طلعت نتيجه بنت اخوه بتاسع وراح عطاها 100 دينار وانا زوجته
وما قصرت معااه ما شفت من شيي ..وكل يوم طالع لي طلعه مره قالي روحي قعدي عند اهلج شهر قلت ليش ؟؟ قال بس جذي استغربت ومره كان جمعه وكان يوم زوارتي
لاهلي وبروح لاهلي واهو رايح يصلي الجمعه ومخلي تلفونه طايح وانا كان تلفوني مفصول وخذيت تلفونه بتصل ع امي بقولها تاخر الغدا شوووي والا اطالع بالمسجات والا وحده
مطرشه له مسج تقوله احبك حبيبي فديتك انا بخاطري اتصل عليك بس خايفه زوجتك تكوون عندك شخبارك وشخبار الزوواج احنى امس كنا بالشاليه وجبنا طاريك واحنى قاعدين تصدق
اتمنى ان الله يرزقني بواحد مثلك .. ولما رجع من الصلاة وقفت اطالع فيه وانا كنت حاسه انه متعمد يترك تلفونه عشاان اشوف المسج مادري ليش لانه من دخل يطالع لي بنظرة غريبه
قلت له شنو هذاا ؟؟ جاان يقولي ها ها قلت شنووو قوول قال هذي زميلتي بالدووام طبعاا اناا ادري ان قسمه بالدووام ماكو فيه حريم
قلت له عاد تدري انك حيووان مراح تتعدل جاان يطقنى كف انا انصدمت جاان اطلع من البيت واروح بيت اهلي الا اخته تتصل علي وتهاوش تقولي هذي زميلته بالدواام اصلا اهو يحبج
ويغليج ليش تقولين له حيووان قلت لها لانه المره الاولى حلف لي ان هذي اشياء قبل الزوواج واسكتي احسن لان اخووج جذاب وهالسوالف ما تمشي علي جااان تسكت وتقولي
لاتخربين بيتج وانا انصحج وارجعي وبعدهاا رجعت وما قلت لاحد ع هالموضوووع وبعدها بمده جااني ومطنقر قلت شفيك قالي مره اخووي سوت لناا غدا مو انتى قلت شنو مو اناا
قالي سوت لي انا واخوي غداا قلت شنو غداهاا قالي ابي اعزم اخووي قلت اوكي شنو غدا مره اخووك جاان يقولي مسويه شيبس وهمبرقر وبيبسي قالت لاا والله صججج ليكون اهي مسويه
البيبسي بايدهاا انت ماتستحي تقول هالسالفه انا تبينى اعزم اخوك ع شيبسسس وهالسوالف ؟؟ جاان يقولي اي عاادي طبعاا بنات نسيت اقولكم اناا احسن حريم حمواني ولا تشوفونهم اذا جيت
يبسطون جددااامي وانا ما احب هالشي لدرجه ان حماي الكبير قايل حق زوجي زوجتك مزيوونه ازين حريمناا وكشخه وهاديه وانا ماحبيت انه يعزم اخوه هذا مادري ليش ما ارتحت ليش مادري
المهم سكت ومشيت وخليته ولما صار نص الاسبوع قلت حق حمواتي بعزمكم اخر الاسبوع بشقتي تخيلووا عزمتهم وجوني كلهم وسويت عشاا وووالله ماكلف ع عمره يسالني تبين شي اجيب شي
كل شي جبته من عندي الحلا والمكسرات والكااكااو والمشروبات وانا سويت اطباق من عندي وسلطات وجو كلهم و لا وحده فيهم كلفت ع عمرها تجيب خدامتهااا معااهاا تساعدني بغسيل المواعين
او توزيع شي تخيلوا انا ماعندي خداامه ويومها اكرف كرررف ولما طلعوا ولا وحده فيهم قالت الله يعطيج العافيه وحتى اهو ماقالي الله يعطيج العافيه ولا حماتي الصغيره تقولي
ترا خواتي وحريم اخواني مستغربين يقولون زين يطلع منهاا جذي مو مبين عليها انهاا تعرف ع بالنا بس ع كشختها ولبسهاا ..وبعدها بجم يووم سافروا كلهم اهل زوجي وتخيلوا ماكو احد
جاان يجي يقولي امشي نروح نقعد في بيت اهلي ماكووو احد بس اخوي الصغير اللي تزوج معانا وزوجته قلت اوكي امري لله اروح انام في بيت اهلك وطبعا زوجي طبعه خاايس طول يوم نايم
ويقعد الساعه 10 بالليل ويروح لربعه يرد الساعه 4 الفجر تخيلووا هذي حيااه عروسس ؟؟؟؟
ردوووا عشاان اكمل لكم 