تكفون يالخبيرات مو عارفه طريقه دفتر التحضير الله يوفقكم لاتبخلون علي

هلا ياقلبي يسعدني اني اول وحده ترد عليج

باختصار من الحين شوفي اي مدرسة تعرفينها واخذي دفتر تحضيرها وصوريه

بس افضل تنطرين لما توزع عليكم مشرفة التربية العملية مراحلكم او تختارون

وراح تعطيكم توزيع الدرجات وكل شي لاتحاتين والاسلاميه غالبا سهل ومدرساتهم عسل

بالتوفيق حياتي

الله يوفقج..يارب

معقوله طالبه بالتربيه وما تعرفين اجوبه نص اسئلتج الي فوق

طبعا دفتر التحضير يتغير كل سنه و لكل صف ادرسينه دفتر تحضير غير
وشنو تكتبين داخله ؟ التحضير الي اهو الماده العلميه و الاهداف السلوكيه و غيره
طريقه التحضير راح تتعلمين عليها بالميداني ، المدرسة الاولى بتساعدج و حركه انج تاخذين من غيرج و تنقلين عمياني
كلش مراح اتفيدج لانج مراح تتعلمين شي و طبيعي لكل واحد طريقه تختلف عن الثاني بالتدريس و خطه الدرس

دفتر الدرجات من اسمه ، ترصدين فيه الدرجات (الدفتر – الشفوي – الامتحان)
و تقسيم الدرجات هم المدرسة الاولى بتقولج عليها كل شي جم عليه

و تقييمج اخر الكورس راح يكون على ادائج بالميداني
بس ادعي ان يقطونج بمدرسة زينه و رئيسه قسمج تكون حبوبه ومتفهمه

وبالتوفيق

لاااااااتحاتين حبيبتي اول اسبوعين من الميداني لاشغل ولا مشغلة مخصص بس للمشاهدة واهيا انج تحضرين حصص المدرسات اللي معاج بالقسم تستفيدين من طريقة شرحهم ومن طريقة تعاملهم مع الطالبات
وخلال هالايام تقعد معاج المدرسة الاولى وتسإلج اذا تبين شئ ولا لا
وانتي سإليها عن كلللللللل شئ لا تستحين منها وبتقولج حتى عن طريقة التحضير

بس انصحج انتي والاخت اللي قالت لج صوري دفتر تحضير لاااااااااتصورين لأنج ماتشغلين مخج وماراح تندمجين وانتي تشرحين لأن اصلا اللي تشرحينه اساسا افكار غيرج مو افكارج

فلما تنسين شئ تقدرين تستدركين وتغيرين بحزتها بدون لا الطالبات ولا المدرسة الاولى تلاحظ

مووووووفقة يااااارب وايام وتعدي وبعدها ان شاء الله بتقولين صرت زميلتكم

شوفي موضوعي المثبت في بين الصفحات شرح وافي للتحضير و طريقته و موفقه

مشكورين بنات فديتكم ماقصرتو
الله يجزاكم خير
طمنتوني جد كنت احاااااتي

ماقصرتو وحده وحده

وياليت الي تدش الموضوع بعد تفيدنا

دفتر لكل مرحله وكل كورس تغيرينه

مشكوره ياقلبي

نبي تجاربكم ايام الميداني بلييييييز