تكفون ضروري بنات الجامعه وخصوصاالآداب يدشوون

السلام عليكم

شلونكم صباااياااا

حباايبي ابي مسااعدتكم
والله احس اني ضاايعــه ولا ادري شسالفه
انا كان طموحي ادخل كليه التربيه بس الله ماكتب وقبلوني اداب

اللي بغيت اسالكم

متى اسوي جدولي ؟ وشلون اسويه بــ موقع الجامعه ولا اروح لهم ؟

وشنو المواد اللي اسجل فيهم وجم ماده ؟

ومنو الدكاتره اللي تنصحوني فيهم ؟ < ادري زودتهااا ماانعطى ويـه

وعندي اسئله بعد بس نسيتهم ههههههه

بس عفيه لحد يبخل علينااا بالمعلومات اذا كان يعرف

تقبلو تحيااتــــي

اهلين حبيبتي اول شي مبروك القبول و لا تحاتين اذا تبين تحولين ترا سهالات ان شاء الله
و عالجدول اهما يدقون عليج او يدزون مسج و اتوقع لازم تروحين مادري اذا هالسنه غيروا طريقتهم و لا لأ و بس تقدرين تسجلين 4 مواد اما اذا ما نجحتي بالقدرات لازم تاخذين تمهيدي مع ماده وحده و زين سويتي انج سألتي انا دشيت علعميانه و طحت عند دكاتره الله لا يوريج كرهوني بالجامعه

بكبرها نرجع لموضوعنا المواد اللي اتوقع راح تكون حق المستجدين اهيه مهارات اتصال لغوي (عربي و كلها قواعد شوي قثيثه ) لا تاخذينها لا عند مختار و لا عند عدنان غزال موزينين اخذيها عند زكريا او محمد قباني او الكندري الكل يمدحهم و عندج بعد جماليات الادب العربي الماده حلوه و كلها ادب و شعر اخذيها عند احمد عوض او الحشاش و تاريخ حضاره اسلاميه اخذيها عند الحسن او الزنكي انا ما خذيتها بس سامعه انهم زينين و لا تاخذين عند المسري و تاريخ الكويت عندج عبدالله الهاجري و ظافر العجمي و لا تاخذين عند نجاة الجناعي و لا عند الخترش يكرهونج بعمرج
و نصيحه لا تاخذي مواد علميه اول شي خليها بعدين و اذا حطولج مواد تربيه مثل مباديء تربيه او تربيه اسريه اخذيهم و اذا عندج اي سؤال آمري و تدللي و ادعيلي حبوبه

هلاا وغلااا

الف مليوون مبروووكـ ..

حبوبة يصير تحولين لما تخلصين سنة كاااملة .. يعني تجتازين 30 وحدة .. وتروحين بعدها للي تبينه ..

شوفي حبوبة ………..

تراااجعين تاريخ 27 / 8 الاربعا ……… تروحين للشويخ صالة القبول والتسجيل عساس تسوين الجدول ..

وشوفي قليبي لحد يقص عليج من التسجيل ويسجلج عند دكاترة مووو شي انتي عاااندي ترى نفوسهم شيييينه السكرتارية اللي هناك ..

وهذا احسن موقع عشان تعرفين الدكاترة بكلية الاداب ويفيد الكل في اي كلية :

https://www.kuniv.net/index.php?p=21

بس لازم تسجلين عندهم كعضوة وشوفي اقوال الطلبة ..
ربي يوفقج ..

مبروك القبول ..

وموفقه يارب..

اخذي مواد عام تنفعج اذا بتحولين وسالي بنات القوائم بيفيدونج..

والتسجيل يكون بالعماده ترووحين لهم..

بشووووره انشاء الله يفيدونا البنات انتي مثلي ما كنت ابي اداب

بس الحمدالله على كل حال ربي كاتب جذي

ويمكن خيره

بنات حبايبي بغيت اسأل جم وحده لازم اجتاز عشان احول ؟

وجم كورس اقعد عشان التحويل ؟ وجم لازم اتكون النسبه عشان التحويل ؟

ويعطيكم الف الف الف عاااااااااافيه

اذا اقبلوج بالتربية الاساسية حلو واذا تبين تربية الجامعة لازم تنطرين لين الكورس الثاني
غريبة ما اقبلوج تربية انا اختي اقبلوها ومعدلها اقل من معدلج
بالتوفيق حبوبة

يصير تحولين للتربيه عادي على مااظن بالصيفي

والتحويل يبيله نقطتين

لا لـيش اتضيعين كورس ؟ حرام .. دخلي آداب اخذي مواد مشتركة وحولي
انتي نفس حالة رفيجتي بالضبـط تبي تربيـة وانقبلت آداب و قررت تحول منهـا

حبيبتي تسجيل الاداب تاريخ 26_27 ثمانيه تروحين هناك الشويخ وتسجلين موادج

الف مبرووووك حبوبه وانشالله البنات فادوووج كل اللي عندي قالوووه البنات بس نصيحه اذااا لقيتي ماده تاريخ اااالكويت عند عبدالله الهاجري وماده تاريخ حضاره عند احمد الحسن او جمال الزنكي لا تطوفينهم وبالتوفيق وادعيلنا

وترااا انا مثلج بالاداب بس راح احول تربيه وعقبال ما تحولين انتي بعد واذا تبين شي طرشيلي عالخاص

مرحباااااااااااااااااااااا
بنات انا قابليني بالاداب نفسكم وكان طموحي تربية ولاعلوم اجتماعيه بس الله كريم وانشالله نحول
قولوووووووووووووووووا
اميييييييييييييييييييييييييييييييييييييييييييييييي يييييييييييييييييييييييييييييييييين

ياتروحين تربيه اساسيه.

او تحولين..

والكورس الاول اخذي مواد مشتركه..

وموفقه يارب..

مبروك اولا بس عفيه بنات قولولي شسالفة الآداب معاكم ليش محد يبيها؟؟