تكفون ساعدوني بسألكم عن البلاعيم

السلام عليكم خواتي الله يعافيكم أنا اول مره تصير فيني لوز بهاطريقه عوار اللوز اللي معروف الم الراس والبلاعيم وبعدين صار فيهن مثل النقط بيضاء ورحت المستوصف وقالت الدكتوره تبين ابر ولا حبوب قلت لا حبوب وسألتها ايهما احسن الإبر ولا الحبوب قالت كلهم مثل بعض وعطتني حبواب مرتين باليوم اسمهم كلافوكس لونه الكتابه بنفسجي اول مره أخذه المهم كملت العلاج اخر حبه امس الأحد راحت النقط البيظاء بس احس بعور اللوز اليوم بلعومي اليسار مع أذني وينزل ع االبلعوم عوار لما اشرب او اكل أذني تعورررررني واليوم العصر أشوف نفس اللوز اليسار عليها نقط بيضاء توها باديه ياربي والله خائفه ليش ما راحت اللوز معني العلاج مكملته كله حتي الغرغره كلها

الله يعافيكم احد مر عليه جذبه وخف لان اول مره تصير فيني هانقط وطعم حاجي مروووووره حتي خايفه حده طمنوني الله يعافيكم*

يدعوا خواتي محد يرد علي الله يعافيكم. أنكم تدعولي ان الله يشافيني

وينكمً ياخواتي والله أني خايفه واحتي

وينكم محد مر بنفس اللي كريت فيه او عنده فكره عنه !!!!!!!!!!!!!

الله يشفيجُ
بسً بقولجٌ أنأ أول مأشفتُ عن البلعومٌ دخلتُ ألموضوعُ
لآني فينيٌ لوز ومثلٌ مأ قلتيُ يصيرُ فينيُ نقطٌ بيضٌ وعوأر مو طبيعيٌ
بسُ تعودتٌ لآن من عمريٌ 12 تقريباُ فينيُ لوز ولآزم أبر لآصخنتُ بس ألآغلب
أخذ حبوبٌ بسٌ مأينفعُ صرأحه أظل مريضهٌ أسبوعٌ تقريبأ او آكثرٌ و صدأع ونشلهٌ ..
وأنا ألحينٌ عمريٌ 15 ألكلٌ قأل سويُ عمليهُ وشيليُ اللوز مأ ادريٌ ألببلآعيمُ بسُ
ألدكتور نصحنيٌ قأل مو زين لآنها يعنيُ بعد ألعمليهُ مأيصير عندجُ منآعهٌ ضد ألامراض
وقأل حتى ولده فيهٌ يقول لآني تعديتُ مرحله ألخطورهٌ
بس بصرأحه ليومجٌ هذأ أذ مرضتُ خلآص بلآعيميُ يذبحونيٌ وأابجيٌ منهمٌ بس للحينً
مأ شفتٌ علآج صجُ يبعدٌ ألعوآر وألحبوبٌ أللي أخذهمُ :
هآيموكس HYMOX لونهم آصفر بعنأبي
بانآدريكس Panadrex لونهمٌ آبيض
كلّ مآ أمرض عطآني ألطبيب هذولآ حفظتهمٌ
انشاءالله الله يشفيجُ و مآ تصيرينُ نفسيُ
و بعد آكل حبوبُ ألمص ألليمونٌ و نعنأع

الله يجزيج خير وانتي اول وحده ردت علي الله يخليج لشبابج إيه أنا اللي خوفني النقط البيظاء عمرها ماصارت فيني الله يطمنج*

حبيبتي شربي شىء حاار بابونج واايد زين

وربي يعجل بشفائج

مشكوره جسر الزمن جزاج الله خير

حبيبتي نصيحه شيلهم وارتاحي

انا بنتي جذي ولما شالتهم ارتاحت كانت كل يوم مريضه ومن الالم تبجي وترجع وحالتها حاله ولما شالهم الدكتور وراني شكلهم كله نقط بيضه قالي هذا مو زين

نصيحه روحي دكتور محمد دماطي دكتور خاص اذن وانف وحنجره علاجه ممتاز وتلاقين عنوانه وارقامه بالجرايد اليوميه

الله يجزاج خير بس عندي سؤال لما يصير فيهم التهاب يصير عليها نقط بيضاء نفس اللبن ابيض وعوار

اي حبيبتي هالنقط البيضه صديد من الالتهاب وعادى يروح سوي غرغره من مغلي اللومي الاسود اليابس يوميا بعد الاكل

حياتي انتي الله يشافيج يارب

دفي زيت زيتون خليه يصيير حار اشوي

دلكي فيه بلاعيمج وارفعيهم لي فوق لمدة ربع ساعه او اكثر حسب حاجتج

ونقطي بحلقج من الزيت الدافي

وبعد التدليك مباشره عندج اشويه لا اتكثرين فكس او بوفاس ادهني بلاعيمج من بره وعلى طول لفيهم بفوطه دافيه او منقوعه بماي حار(كمادات)

وكرري اكثر من مره باليوم وراح ترتاحين حيل ان شالله

مع شرب السوائل الدافيه مثل الزنجبيل الطازج والنعناع

وان شالله ترتاحين يارب

===== هذي الطريقه على طول استخدمها مع اعيالي اول ما يصيير فيهم احتقان=========

ومع الله ان شالله تفيدج

وموفقه وطمنينا عليج

الله وجزاكم خير خواتي ان شاءالله راح اسوي الطرقتين والله كريم