تكفون ردوا علي الحينبموت من الخوف على ولدي احس اني موعارفه اسويله شي

انا ولدي في التهاب بالاذن وحراره وعمره 50 يوم ومن تحت بذكر مكان الطهور صير احمر وهم راسه و في بالحمار مثل جرح صغير ووديته الطبيب بس عطلني مضاد وادول المشكله انه يرجع الدوا ورديته عالطبيب 3 مرات عطوني تحليل بول بس مقدرت اخذ منه وماسويته ومن امس مانام ومايرضع وبس يبجي واذا رضع رجع واذا عطيته الدوا رجعه انا بنجن ماني قادره انام ولا اقعد احس انه تعذب شسوي اخفف هدومه ولا اثقلها اسبحه ولا اخليه انيمه على صوب ولا على ظهره ترى حدي عليميه وهذا بجري وبس يبجي وانا ابجي معاه وزوجي طفر من صياح ولده وانا تعبت والله مادري شالحل ؟؟؟؟؟بليز قولولي شسوي؟؟

قومي وديه حق دكتور ياسر القحف بانترناشيونال كلنك بالسالمية الساعه 10 يكون موجود واذا رحتي وقالولج مو حاجزة موعد قوليلهم حالة طارئة ماااااااااااايشوف شر حبيبي

سلامته ان شاء الله ما يشوف شر

اختي أهم شي تنزلين له الحراره بأي طريقه جربي الكمادات بالأول وبس تخف شوي أعطيه الأدول وإذا كلش كلش أعطيه تكرمين تحميله مالت الحراره
لازم اختي تنزلين الحراره بأي طريقه وعقبها ان شاء الله يرتاح لأنه يرجع من كثر الحراره

والالتهاب دايم يسوي حراره وايد والحراره أخطر من الالتهاب على الصغار

جربي اختي كمادات بارده وإذا ما حسيتي منها فايده سبحيه ودفيه وأعطيه الأدول وان شاء الله يصير أحسن

وسلامته ان شاء الله ما يشوف شر

الشر مايجيكم انشالله ومشكورين عالرد وبسويله كمادات وبحاول معاه وانشالله يصير احسن بس ادعوله تكفون والله تعذبت معاه

سلامات والله يطمنج عليه

ما يشوف شر

وديه الطبيب لا تخلينه

بو 50 يوم ما لازم ياخذ مضاد بالفم

ما يستجيب

وديه المستشفى يعرفون ياخذون البول منه

بس لا تخلينه

وديه الطبيب اهوو يعلمج كل شي وافتكي من اطباء الحكومه